சேர்ந்தே சொர்க்கம் வரை (Completed )

சேர்ந்தே சொர்கம் வரை -22

பல்லவி ஆசிரியர்கள் அறைக்குள் நுழைய அங்கே காயத்ரியை பார்த்தாள்

பல்லவி :நீ ஏன் டி வந்த

காயத்ரி :எப்போ வந்தேன்னு கேப்பேனு பார்த்தா ஏன் வந்தேன்னு கேக்குற

பல்லவி :அது இல்ல டி இந்த மாதிரி நேரத்துல இப்படி வேலைக்கு வரணுமா அண்ணா எப்படி ஒத்துக்கிட்டாரு

காயத்ரி :வீட்டுல சும்மா இருக்க முடியல அவரும் வேலை செய்ய விடறது இல்ல நேத்து செக்க்கப் போனப்போ டாக்டர் கூட சொல்லிட்டாங்க வேலைக்கு போலாம்னு அதான் வந்துட்டேன் அவர் முதலில் ஒத்துக்கல அப்றம் ஒத்துக்கிட்டாரு.

பல்லவி :அப்போ அர்ச்சனா டீச்சர்

காயத்ரி :அவங்க வேற ஊருக்கு போறாங்களாம்

பல்லவி :அவங்க நம்பர் இருக்கா உன்கிட்ட அவங்க பேமிலி பத்தி தெரியுமா

காயத்ரி :நீ எதுக்கு கேக்குற

பல்லவி :ஒண்ணும் இல்ல சும்மா தெரிஞ்சிக்கலாம்னு இத்தனை நாள் ஒண்ணா வேலை செஞ்சுட்டு இப்போ சொல்லாம போய்ட்டாங்க அதான்

காயத்ரி :ஆமா பல வருஷம் பழக்கம் கிளாஸ்க்கு போ நான் அப்புறமா விஷ்ணுகிட்ட கேட்டு வாங்கி தரேன்

பல்லவி :ஹ்ம்ம் வா கிளாஸ்க்கு போலாம் மெதுவா நட

காயத்ரி :நீயுமா போடி போ

பல்லவி :நீ சாப்டியா மாத்திரை போட்டியா

காயத்ரி :அம்மா தாயே நான் சாப்பிட்டேன் என்னோட கிளாஸ் வந்துடிச்சி நான் போறேன் நீ உன்னோட கிளாஸ்கு போமா

பல்லவிக்கு அன்றைய தினம் நன்றாக நடந்து கொண்டிருந்தது . பல்லவிக்கு கார்த்திக்கின் கடந்தகாலம் பற்றிய கவலை இல்லை அவளுடைய கவலை எல்லாம் கார்த்திக் மனதில் தன்னுடைய இடத்தை பற்றித்தான். தேர்வுகள் நெருங்கி கொண்டிருந்ததால் பாடங்கள் அனைத்தும் முடிந்து விட்டது பல்லவி மாணவர்களின் சந்தேகத்தை தீர்த்து வைத்தாள்.