S2: P

113 2 0

ni girllivingtodfullest

ni girllivingtodfullest

▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂

Season 2: P

▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂

Nang makalabas ng pintuan si Arwin, nasa kalsada na si Monic. Saktong lumabas si Aling Rita sa pintuan ng bahay nila. “ Baliw si Monic Arwin! Wag kang lalapit sa kanya! ”

Narinig ni Monic si Aling Rita. Napahawak ng ulo si Arwin. Nananakit ang ulo niya. Nanghihina ang tuhod niya. Napaluhod siya sa lupa. Tumakbo papalapit si Monic. Agad na pumasok ng bahay si Aling Rita nang makitang lumalapit si Monic.

“ Arwin ayos ka lang?! ”

“ Layuan mo ‘ko! ” Tinulak ni Arwin si Monic. Tumayo si Arwin at umatras.

“ Ayoko na! ” Tumalikod si Arwin at nagsimulang maglakad. Hinabol siya ni Monic at niyakap. “ Wag mo akong iwan.. ”

Nagsimulang umiyak si Monic. Pumikit ito. Naalala niya ang pagkakataong hinagis ni Mang Kanor ang bangkay ni Arwin sa hukay.

“ Miss na miss na kita.. ” Patuloy sa pag-iyak si Monic. Pumikit na naman siya. Naalala niya ang pagyayakapan nila Arwin at Leiz.

Nagalit si Monic. Nanlisik ang mata niya.

Nagising si Monic mula sa mahabang panaginip. Bumangon sa higaan niya. Isang silid na puros kulay puti. Nakakadena ang isa niyang kamay. Tanging sikat lang ng araw mula sa bintana ang nagbibigay ng sinag sa kanya.

“ Hindi ako baliw. Walang taong baliw. ” Nananikit ang ulo ni Monic. Hinawakan niya ang magkabilang ulo niya. Napaatras siya sa pinakadulo ng higaan niya.

Napatingin sa kawalan si Monic. Natanggal ang pananakit ng ulo niya. Naging seryoso ito.

“ Nagkataon lang na hindi sanay ang tao na may mga taong tumatawang mag-isa. Nagkataon lang na hindi sanay ang tao na makakita ng hindi pangkaraniwan. Nagkataon lang na hindi sila sanay na kinakausap ng isang tao ang kanyang sarili. Nagkataon lang na hindi nila ginagawa ang ginagawa ng iba. ”

Muling nanlisik ang mata ni Monic.

“ Kapag dumating ang araw na lahat ng tao tumatawa ng mag-isa. Kapag dumating ang araw na lahat ng tao kinakausap na ang sarili niya. Kapag dumating ang araw na lahat ng ginagawa ng tao ay iisa... Wala na silang mapagbibintangan na baliw. ”

▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂

CLICK S2: Q TO CONTINUE:

▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂▂