At the Edge of the Earth [ Complete]

Hate Me

[ Unicode ]

At the Edge of the Earth

Pt. 21

"ကျစ် .. အရေးထဲကွာ ကားလမ်းကပိတ်နေရသေးတယ်"

ကျောင်းဆင်းဆင်းချင်း နမ်ဂျွန်း အားစိတ်ပူ၍ သူ ရှိရာသို့ကားဖြင့်အမြန်မောင်းထွက်လာကာမှ ရှည်လျားနေသည့်ကားလမ်းကြောကြောင့် တော်တော်နှင့်ရှေ့ကိုမရောက်တော့။
တလိမ့်လိမ့်နဲ့တစ်ဘီးချင်းလှိမ့်နေသည့်ဘီးကြောင့် ဆော့ဂျင်း စိတ်မရှည်ချင်တော့ပါ။

နမ်ဂျွန်း တစ်ယောက်ညကအမူးလွန်၍အိပ်ရာထဲကနေပဲမထနိုင်တာလား?
နေမကောင်းများဖြစ်နေပြီလား?
ခေါင်းတွေပဲကိုက်နေပြီလား? ဆိုသည့်အတွေးတွေက သူ့ ရင်ကိုပို၍အပူတိုးစေသည်။

"ဟာကွာ .. ဒီနေ့ကျမှချီးလိုတွေလာပိတ်နေလိုက်"

စတီယာတိုင်အားလက်ဖဝါးဖြင့်တစ်ချက်ရိုက်လိုက်ကာဆဲရေးဆိုမိသည်။
ဒါသည်လည်း ယာဉ်ကြောပိတ်ဆို့နေမှုကြီးကတုန်လှုပ်မသွားပါ။ သူ့ကိုခနဲ့သည့်အလား .. ပို၍ပင်ကြန့်ကြာလာလေ၏။

"ဟင်..."

ရေငတ်နေသည့်လူတစ်ယောက်ကသောက်ရေအိုးစင်တစ်ခုကို တောက်တောက်ပပတွေ့လိုက်ရသလို အဝမ်းသာကြီးဝမ်းသာမိသွားသည်မှာ လူသွားပလက်ဖောင်းပေါ်၌လက်တွဲကာပြုံးရွှင်စွာဖြင့်လျှောက်နေကြသော ယွန်းဂီ နဲ့ ဂျီမင်းတို့ကိုတွေ့လိုက်ရသည်ကြောင့်ပင်။
ကြည့်ရတာ၂ယောက်သား date နေကြသည်နေမည်။
အိမ်မှာလဲအမြဲတွေ့နေကြသည့်ဒီအတွဲအားအကဲပိုသည်ဟုတွေးမိသော်လည်း သူ အပြစ်မတင်ရက်ပါ။
သိပ်ချစ်ကြတဲ့ချစ်သူတွေပဲ .. ၂ယောက်ထဲအတူတူဘယ်သွားသွား၊ဘယ်လာလာလုပ်ချင်ကြမှာပဲလေ။
ဒါပေမယ့်လဲ လက်ရှိမှာတော့သူ့အဖြစ်အားကူညီရန်ဒီ၂ယောက်သာရှိသည်မို့အားနာနာနှင့်ပင်အကူအညီတော့ရအောင်တောင်းရမည်။

"ယွန်ဂီရား ~ .. ဂျီမင်းနား ~ "

ကားပြတင်းပေါက်မှခေါင်းပြူကာလက်ယက်လှမ်းခေါ်တော့ကြောင်တောင်တောင်လေးဖြင့်ကားဘေးသို့ရောက်လာသောထို၂ယောက်။
အစွမ်းကုန်ရယ်ပြကာမျက်နှာချိုအရင်သွေးရတော့သည်။