At the Edge of the Earth [ Complete]

Stay with me

[ Unicode ]

                            At the Edge of the Earth

Pt . 31

ရင်ခွင်ထဲ၌တရှုံ့ရှုံ့နှင့်ငိုရင်းအိပ်ပျော်သွားသော ဆော့ဂျင်း အား နမ်ဂျွန်း အိပ်ယာပေါ်၌အသာချပေးလိုက်ကာ ရင်ဘတ်ထိဆွဲ၍စောင်သေချာခြုံပေးလိုက်၏။
အရမ်းငိုလိုက်လို့ ပင်ပန်းသွားတယ်ထင်ပါသည်။
နီမြန်းနေသောနှာခေါင်းထိပ်လေးအား သူ , လက်ဖြင့်အသာညှစ်လိုက်၍ နဖူးပြင်လေးအားခပ်ဖွဖွအနမ်းပေးလိုက်တော့ နိုးသွားတယ်ထင်ပါ့ .. ဟိုလှုပ်ဒီလှုပ်လှုပ်ကာ ပြန်အိပ်သွားပြန်၏။

နမ်ဂျွန်း ခပ်တိုးတိုးသက်ပြင်းချလိုက်တော့သည်။
ဆော့ဂျင်း ၏ဆံနွယ်လေးများအားသပ်တင်ပေးလိုက်၍ သူ့ရင်ထဲကအပူအလုံးကြီးအားပြေလိုပြေညား သက်ပြင်းမကိုသာဖိချနေရတော့သည်။
ဒီကောင်လေးအဆင်ပြေဖို့အတွက် သူ , ဘာလုပ်ပေးရမည်နည်း....

.
.
.

"နမ်ဂျွန်း .. နမ်ဂျွန်း !! "

သူ၏နာမည်ခေါ်သံသဲ့သဲ့ကြားသောကြောင့် နမ်ဂျွန်း မျက်လုံးဖွင့်ကာကြည့်တော့ သူက ကုတင်အစွန်း၌ လက်တင်၍ခေါင်းချအိပ်ပျော်​နေတာတဲ့လား။
ညကအတွေးလွန်နေသည်မို့ မိုးလင်းခံနီးမှမှေးခနဲအိပ်ပျော်သွားသည်ထင်ပါသည်။

"ဘာလို့ဒီမှာအိပ်နေရတာလဲ?"

ကုတင်ထက်၌အခုမှနိုးလာပုံရသည့် ဆော့ဂျင်း ကသူ၏ကုတင်ဘေးမှာလာအိပ်နေသောမိမိအား အူကြောင်ကြောင်နှင့်မေးနေသည်မှာအသည်းယားစရာ။

"မင်းကိုစိတ်ပူလို့"

ပြန်ဖြေလာသည့် နမ်ဂျွန်း ရဲ့အဖြေက ဆော့ဂျင်း ရင်ထဲနွေးသွားသည်ဆိုအပိုပြောရာကျမလားပဲ။
နမ်ဂျွန်း ရဲ့မထင်ရင်မထင်သလိုဂရုစိုက်ပေးတတ်သည်ပုံစံကပင် လူကိုပို၍ရင်ခုန်စေသည်။

"နိုးရင်လဲထတော့။ ငါဗိုက်ဆာနေပြီ မနက်စာပြင်ပေး"

အခုပဲကြည့် နောက်လူတစ်ယောက်လိုဖြစ်သွားပြန်ပြီ။
နမ်ဂျွန်း ဆိုသည့်အမျိုးကတကယ်ပဲ ရုပ်ပြောင်းရုပ်လွဲပညာကတော့အရမ်းတော်သလားမမေးနဲ့။
ခုနကပြောနေတာ သူ မဟုတ်တဲ့အတိုင်းပဲ။