Confidently Beautiful (Completed)

Chapter 3 GIRLFRIEND

GIRLFRIEND

Wala akong pakialam sa pangungutya ng iba sa akin. O kaya ang pag-usapan ako harapan man o sa aking likuran.
Pero I'm so down sa pagkakataong ito.
Masyado akong apektado sa pangyayari kanina na halos hindi ko maubos-ubos ang aking pagkain.

"Naku Anak, okay ka lang ba? May sakit ka ba?" tanong ni mama na imbes magmukhang nag-aalala ay parang natutuwa pa.

Napailing na lang ako.

"Wala Ma, wala lang po talaga akong gana," matamlay kong sagot. Ibinaba ko ang kutsara't tinidor.

"Tsk, okay na rin yan. Pangatlong sandok mo naman na iyan. Okay lang kahit hindi limang pinggan ng pagkain ang kainin mo para kahit papaano anak madiet ka naman." Suhestiyon ni mama na ikinainis ko.

"Ma!" Saway ko sa kanya.

"Anak iniisip ko lang ang kalagayan mo. Hindi na normal ang size mo. Okay sana kahit kumain ka nang kumain basta healthy at nag-eexercise ka!"

Napakamot ako sa ulo. Tinry ko naman magdiet at mag-exercise. Pero isang araw pa lang sumuko na ako. Hindi ko talaga siya kaya.

I'm fat but I'm sexy. Nasa posisyon lahat ng kurba ko. Pero ewan ko ba sa mga kapwa pinoy kung bakit nilalait nila ang ganitong katawan. Hindi nila ma-appreciate ang ibang bagay na meron ang mga matatabang tulad ko.

Sa ibang bansa, when we had our vacation, halos purihin nila ang kaseksihan ko, kinukuha nga nila akong maging modelo sa magazine.
Hindi lang kasi ako seksi. I had a pretty face too. Nababalutan nga lamang ng taba , double chin at halos wala nang leeg.

Nagpa-alam na lang ako kay Mama at nagkulong na lamang sa kwarto.
Imbes na mag-aral ay nanood ako ulit ng favorite korean movie ko.
Yung 200 pounds beauty.

Naisip ko tuloy, magpapayat din kaya ako gaya ng ginawa ng bida. May pera naman kami. Dad ko ay isang hapon.
Nabuntis niya si mama noong nasa Japan ito bilang entertainer.
Umuwi si Mama na hindi alam na buntis pala siya.

Kaya apelyido niya ang gamit ko.
Ito na lang na malaki na ako na nakilala ko si Papa. Mayaman si Papa dahil sa sipag at tiyaga.
Nagkabalikan na rin sila ni Mama.

Kaya si mama paroo't parito sa Japan para alagaan si Papa dahil matanda na rin ito. Speaking of Japan, puwede akong pumunta roon magbakasyon at the same time doon na rin magpalyposuction...
Pero huwag na,gusto ko pa rin naman ang natural beauty. Gusto ko kapag magkalovelife ako eh yung tanggap ako, kahit anong size ko.

Zombie mode pa rin ako kinaumagahan. Hindi talaga ako nakatulog.

"Ano'ng nangyari sa iyo Diozza?" maarteng tanong sa akin ni Mart habang busy sa paglalagay ng fake na eye lashes. Itong si Eula naman pinisil ang aking pisngi.

"Aray," saway ko sa kanya, sabay irap.

"Eyebag mo tumaba na rin. Pinakain mo ba ng puyat?"

Natawa ako, pero namangha din. Minsan may utak din itong si Eula eh, sa kalokohan nga lang. At eto na si Mahinhin, pakembot-kembot na palapit sa amin. With her short short short shorts! Hay andaming "short" na yun ah and spagetti strap top. Maarteng naupo sa aking likod.

"Anong meron?" sabay-sabay naming tanong. And boom ayun iiyak na, kapag ganito kasi ang outfit for sure may something!

"Brineak ako ni Ashton friend!" sisinghot-singhot ito. Inabot naman ni Martha ang isang box ng tissue.

Nagkatinginan kami ni Eula.
Itong si Martha naman niyakap na niya ang nagdradrama naming kaibigan. Broken hearted nga ata talaga,for the firts time,umiyak ito dahil sa lalaki.
Mahal na mahal niya siguro.