Confidently Beautiful (Completed)

Chapter 10 Necklace

As days goes by, laging nag-uusap si Adonis at Crystal.
Pinigilan ko ang aking sarili na magreact at magselos. Kahit deep inside ay talagang masakit na masakit.

"Bruha, is Adonis cheating on you?" tanong ni Mahinhin na nakataas ang isang kilay at mataray ang hilatsa ng mukha.

"Hindi kayang gawin iyan ni papa Adonis a!" asik ni Eula na number one tagapagtanggol ni Adonis.

Umiling ako.

"Loyal si Adonis sa akin,"sagot ko sa nag-aalalang kaibigan. Ano pa nga ba ang dapat kong sabihin.

"O, eh bakit sila magka-usap na naman ng ex niya!" Mataray na saad ni Martha.
Nagkumpulan kaming apat sa likod. May thesis na pinapagawa ang teacher namin, kami ang magkakagrupo as usual.
Pero imbes na thesis, chismis ang inatupag namin.

"They are catching up as a good friends. Matagal ang pinagsamahan nila!" I sound being tanga and martir habang nagpapaliwanag.

Tinaasan ako ng kilay ni Mahinhin. Nakaismid naman si Martha at wala lang si Eula. Hindi gets eh...

"Exactly, they have past! 4 years? Ikaw 5 months! At hinahayaan mo silang magcatch-up catch-up diyan!. Bakuran mo ang sa iyo, don't let him be with his ex. Ex nga eh...wala na dapat siya sa ngayon!" nakaismid na sermon sa akin ni Mahinhin.

Paano ko sasabihin na wala naman talaga kami. Hindi ko puwedeng bakuran dahil wala akong karapatan,
Lumapit sa akin si Mahinhin.

"I may sound bitch here Diozza. Pero the look of it, inaagaw niya ulit si Adonis sa iyo. I can tell that Adonis is loyal and true to you. Pero palay na kasi ang lumalapit sa kanya eh! Baka tukain nito iyon. Masasaktan ka."

I'm surprised, si Mahinhin pa talaga ang nakakaisip ng mga iyon. Siya kasi ang duda sa relasyon namin ni Adonis. Siya pa talaga ang nagsabing true ang feelings namin ni Adonis.

"Saan na ba ang jowa 'nun, dapat tinatali niya sa leeg ang jowa niya nang hindi magkalat ng kati!" Bulaslas ni Martha habang nagta-type sa laptop.

"Huh, nagangati siya? Baka hindi niya maabot kaya pinapakamot niya sa iba!"hirit naman ni Eula. Nagtawanan kami.

Pero napapaisip din ako kung bakit hindi na kasama ni Crystal si Bryan. Napabuntong hininga ako, mukhang inumpisahan na ni Crystal ang laro. Tinuloy yata nito ang sinabing i bre-break nito si Bryan. But the Bryan I know. Hindi basta papayag na ganoon na lamang siya idispatya ni Crystal. Maybe there's something more about their relationship. I don't care about them huwag lang nila idamay si Adonis, huwag lang mapahamak ito.

Lumapit sa akin si Mahinhin.

"Basta kapag may problema Diozza dito lang kami ha. Reresbak kami kasama mo." A friend that will always by my side kahit sa kagagahan.

Naluluha tuloy ako.

"Oh bakit ka iiyak?" Napaismid na tanong ni Mahinhin.

"Thank you mga friendship." I extend my arms for a group hug. Nagsitayuan sila sa upuan at lumapit sa akin.

Nakatayo ako sa may gilid ng bintana at palihim na pinagmamasdan kanina pa sila Adonis at Crystal.
Naunang yumakap si Martha sumunod ang dalawa.

"Wait, wait, naiipit ako." Singhal ni Martha na kawawa ang payat na katawan dahil siya ang napagitnaan namin. Payat pa rin siya kahit naggym na. Pero infairness, medyo matigas at may muscle na.

Bibitaw na sana ako nang may yumakap din mula sa aking likod. Extending his arms to both Mahinhin and Eula.

"Sali niyo ako!" Adonis said. Nag ngitian kaming lahat at masaya kaming naggroup hug ulit.