Masters of War

XXXVII.

INT. LIBRARY — 2:26 PM

Patay na patay sa'yo 'yong Athenista, ah?

Malandi lang talaga 'yon, Marga.

Hay nako, hindi! Sa palagay ko, seryoso 'yon sa'yo. Ayaw mo ba?

Hindi naman. I just don't want to put too much thought in what he's doing. Mahirap umasa.

Kay Cronos nga, asang-asa ka naman noon kahit wala talaga. Eh, ito, mukhang totoo.

'Yon na nga, nadala na ako.

Sayang naman, sissy! Mukhang bet ka talaga ni Zeus! Anyway, alam mo ba, hinahanap ka ni Cronos.

Bakit daw?

Magpapatulong. Manghihingi ng notes. Sabi ko, ikaw academic head, sa'yo makipag-usap.

Oh, putang ina niya. Magaling 'pag may kailangan. Kaya pala nag-text kanina.

Hindi mo sinagot?

Mag-re-reply sana ako kaso nakalimutan ko na rin. Bahala siya.

Yieee, dati atat na atat ka! Parang may epekto naman pala ang Zeus sa'yo.

Hay nako, Marga! No! Wala. Ayoko.

The more you hate, the more you love.

Really, now? Lumang-luma naman 'yan. Hindi 'yan totoo.

Kung ako sa'yo, Hera, susubukan ko. Pakita mo kay Cronos na kaya mong maghanap ng iba. Pak, ganda! Gano'n dapat!

I'm not a user, sis.

User ba 'yon kung gusto mo naman din si Zeus? Alam mo, think about it. Ikaw rin, sige ka. Baka habul-habulin mo na naman 'yan 'pag nawala sa'yo.