الماضى ونبضات الحاضر

part 6

كان ظهر حازم مقابل للباب لذلك لم تلحظه نور عند دخولها للغرفه
نور لندى: فين الحيوان اللى عمل المحضر ده مفكر انى كده هخاف منه
ندى: طب بصى اهدى بس ياقمر كده
محمد: اهدى ياحبيبتى متخافيش
نور: انا هادية خالص اهو يااونكل ممكن بقى اشوف الاستاذ ولا لاء
ندى بتوتر: روحى هو هناك اهو
لتتقدم نور وهي تزفر بضيق فانقباض قلبها يزداد ، نور بحدة : انت ياحضر .. وقطعت كلمتها عندما التف لها ببطئ لترى حازم وهو متعب : ده مقلب صح
حازم : بصى ياروحى هو بس حادثه بسيطه كده وكله هيبقى تمام
ندى: وبعدين حازم قرد قدامك اهو
نور: بس بس اسكتوا مش عايزة صوت وانا من الصبح زعلانه واقول ايه السبب وانت بتقولى حادثه بسيطه ياحازم
حازم: متكبريش الموضوع يانور اهدى
نور بصياح: ايه ياحازم ده وعدك ليا انك مش هتسبنى لوحدى انت جرحتنى ياحازم وانتى ياندى وكانت سترحل ولكن امسك حازم يدها بتعب
عند كمال وعاصم ، بدأ عاصم الحديث: ادم هو نفسه ادم اللى حصله حادثه من 20 سنه صح قدام مول ....
كمال بذهول: انت مين وعرفت منين
عاصم : انا عاصم الدمنهورى اللى ادم قابله فى المستسفى وسمى بنته نور
كمال: يعنى نور اللى بتتكلموا عنها دى هي نور اللى ادم سماها
عاصم: اه بس ممكن اسأل سوأل
كمال : اتفضل اسأل
عاصم: جبت حق ادم ولا لاء ومين عمل كده يوم الحادثه
كمال : هحكيلك ...... 
عاصم بذهول: مش ممكن ده مستحيل
كمال: فى ايه انا مش فاهم حاجة
عاصم: سالم هو السبب فى موت مراتى انا كمان وده حصل يوم حادثه ادم
كمال: نعم انت فاهم انت بتقول ايه
عاصم: دى الحقيقه سالم ده عدوى من زماان اوى ولسه تارى عنده
كمال: ممكن تحكيلى
عاصم: اوك وبعد انتهاءه ، كده هدفنا واحد ومشكلتنا واحده
كمال: الخوف على الولاد  من المشاكل
عاصم : احنا هنفذ خطتنا من غير ماحد ياخد باله بص ياسيدى ....... وبعد فترة
عاصم: تمام اتفقنا يلا ندخل قبل مايجوا
فى الغرفه ، عاصم: حبيبتى انتى جيتى
نور وهى ترتمى فى احضانه : بابى حازم هيسبنى زى ماما ويمشى ، كان الجميع اتى ماعدا ادم ويوسف وتألموا لحالها ، عاصم: حبيبى حازم كويس اهو
نور: لاء مش كويس كان هيسبنى تانى وانا مش هسامحه ولا اى حد فيكم
حازم بالم : تعالى يارووحى وحياة حازم عندك تعالى فى حضنى وريحينى
كمال: روحيله يابنتى اخوكى تعبان لتذهب هي ببطئ اليه نعم هي حزينه منه ولكنها لا تستطيع تحمل المه وتعبه ليحتنضها بحب وبطئ وهي تبدأ فى الاغماء ليدخل فى ذلك الوقت ادم ويوسف ، ادم: فى ايه حازم كويس
كمال: كويس يابنى بس اخته تعبت لما شافته وانهارت
يوسف: طيب اجيب الدكتور ولا ايه
عاصم: لاء يابنى هي هتفوق دلوقتى
حازم بفزع: دكتور بسرعه نور جسمها ساقع جدا بسرعه يوسف
خرج يوسف واتى طبيب بسرعه حاولوا ابعاد نور عن حازم ولكنها كانت ترفض بشده بدأ جرح حازم ينزف
الطبيب: حقنه مهدئة بسرعه وكله يخرج
خرج الجميع وبدأ الاطباء فى علاج جرح حازم وبعد فترة اطمئن الجميع عليهم وتركوهم واصر ادم على البقاء معهم ، فى الصباح اتى كمال وعائلته وعاد ادم لتغيير ملابسه استيقظ حازم وايقظ نور ، نور: عايزة ماية
يوسف بمزاح : احلى كوباية ماية
نور: شكرا ثم توجه كلامها لحازم : انا هامشى ومش عايزة اعرفك تاتى
دخل الجميع ، عاصم : ليه ياروحى
نور: طالما انا مش فارقه مع حد فيكم خلاص بقى همشى انا وخليكم انتو
ملك بخجل : انا بشكرك جدا على اللى عملته معايا مش عارفه كنت هعمل ايه
حازم: ده واجبى وبعدين طلعنا معرفه
ملك: سورى بس كنت متوترة
حازم : ولا يهمك انا بهزر
ندى: نور اسمعينى بس خليكى مع حازم شوية وبعدين روحى البيت
نور : لاء وبعدين هروح لوحدى محدش يجى معايا لو سمحتم
ملك : احم انا ملك اللى حازم دافع عنها
نور ببتسامه: اهلا ياقمر عاملة ايه
ملك : الحمد لله ممكن انا اجى اوصلك
نور: اممم اوك بتعرفى تسوقى
ملك ببرأة : لاء مش بعرف / نور: اومال هتشيلنى ولا هتعملى ايه يا ملك
يوسف : هاجى انا اوصلكم ايه رأيك
نور: وانت مين / يوسف : انا يوسف اخو ملك وصاحب حازم اخوكى
نور: تمام يلا بينا نمشى
كمال: طب مش هتسلمى عليا انا كمان وقبل ماتسألى انا مين انا كمال بابا ملك
نور: اهلا بحضرتك بس سوأل انت حلو كده لمين ياكيمو
كمال: حبيبتى انتى اللى قمر ماتجيبى رقمك بس اوعى المدام تعرف
حنان بضحك: لاء خياانه هاتى رقمك ليا انا كمان ده انتى قمر هو فى كده
نور بمرح تعجب له الجميع : اه ياطنط فى بيتباع كاش فى المول التجارى
حنان : والله انتى عسل ربنا يحميكى
نور: ويخليكى ياطنط يلا استأذن انا 
وعند خروجهم من المشفى صاح احد : ايه يانور مانتى حلوةاهو يعنى مش فى الشركه بس كمان فى المستشفى
نور ببرود: وليد الكلب شكلك عايز علقه تانى زى امبارح بتاع المكتب، عرف يوسف من يكون هذا فور نطقها اسمه يوسف: امشى من هنا يااخ انت لتندم
وليد: وكمان مش خايف زيك شكله دفع
كاد يوسف ان يلكمه ، نور: ايه يايوسف احنا فى مستشفى مينفعش كده وبلمح البصر كان وليد ملقى ارضا بعد ركلة من نور فى احد قدميه ثم اخرى فى صدره واخيرا : ابقى خد بالك انت بتكلم مين يلا ياشباب وانت ادخل اتعالج تانى
كان يوسف مذهولا من هذه الفتاة فهي كادت ان تموت امس واليوم تضرب بهذه السهولة اما ملك فلم تستطع الكلام
لمح ادم يوسف وهو يخرج برفقه اخته وفتاة اخرى لا يعرفها وسمع عند دخوله مافعلته فتاة بشاب وجعلها تطرحه ارضا ليسخر كيف لفتاة مهما بلغت قوتها ان تضرب شاب كهذا فهو رأى وليد ملقى ارضا وكان وليد ذو جسد كبير بعض الشئ ولكن فى كل مرة نور تفاجئه
تعرف يوسف على نور اكتر فى السيارة هو وملك واحبوها بشدة ، فى الغرفه
ندى: نور مش هتسامح بسهولة يا حازم
احمد: سيبوها ترتاح الاول وبعدين صالحوها براحتكم
ادم: عامل ايه يا حازم دلوقتى
حازم: تمام ياباشا الحمد لله
ادم: اومال فين ملك ويوسف يابابا
كمال: راحوا يوصلوا نور اخت حازم وبعد فترة دخل يوسف ومازالت ملك مصدومه هي لا تصدق ان هناك فتيات مثل نور فى الحقيقه ، ادم: مالك يالوكة
ملك: عارف ياادم اول مرة اشوف بنت يتضرب ولد بجد غير ال T.V
ادم : اه سمعت وانا داخل اللى حصل
يوسف: انت سمعت احنا عشنا الحدث لايف ياباشا بس ايه خطير
كمال: انا مش فاهم حاجة خالص
حازم: انا بحب الاكشن احكي بالتفصيل
يوسف: مانت اكيد عارف مهارات اختك
عاصم بتعجب: انت قصدك ان نور هي
يوسف: اينعم هي اللى ضربت الولد تحت ليسرد لهم ماحدث كاملا
حازم: كويس اهى طلعت غضبها فيه تشوق ادم لرؤيه هذه الفتاة التى زادت تعجبه حولها فالجميع يتحدث عن نور مر 3 اسابيع امتثل حازم للشفاء كليا وعاد للبيت من فترة واخذ وقت حتى عادت علاقته بنور جيدة ولم يصادف ادم نور ابدا بالرغم من ذهابه لحازم مرات عديد وتسير الحياة على وتيرة واحدة البعض متوترا والبعض هادئا ولا احد يعلم ماتخبئه له الايام
دخل يوسف على ادم المكتب دون ان يطرق الباب تعجب ادم من ذلك
ادم: يوسف فى حاجة ولا ايه ، ولكن يوسف كان فى عالم اخر شاردا
ادم بصوت عالى: يووووسف رد فى ايه
يوسف : ادم انا لو حبيت البنت هترضى بيا ولا لا طب لو رفضت انا هعيش ازاى
ادم: ومين دى اللى مترضاش بيك انت الف واحدة تتمناك وبعدين الحياة مش بتقف على حد يا جوو هتمشى هتمشى
يوسف:  مش عايز الف انا عايزاها هي
ادم : ده باينه موضوع بجد طب مين
يوسف: ندى محمد السيوفى هى دى
ادم: اخت حازم وانت حبيتها ازاى
يوسف: من يوم ماشفتها مع حازم قلبى دق بطريقه غريبه حسيتها نصى التانى اللى بيكملنى حسيت انى محتاجها اوى حسيت انها هتعوضونى عن الحنان اللى مفتقده هي روحى ياادم انا بحلم بيها دايما هي دنيتى اللى هحارب علشانها
ادم : يااه يايوسف حبيت بجد ولقيت اللى تكملك ربنا يحققلك اللى بتتمناه بص روح كلم حازم فى الموضوع
يوسف: لاء طبعا ده انا كلمتك بالعافيه روح انت كلمه وابقى طمنى لما تيجى
ادم: تمام هروحله شركته دلوقتى
هاتف ادم حازم واخبره انه فى طريقه اليه ليحادثه فى موضوع هام رحب به حازم واعطى امره بدخول ادم فورا
عند نور قررت الذهاب لشركه حازم لتدلف كعادتها دون طرق الباب
حازم بسخرية: اكيد يعنى نور مين غيرها يقدر يعمل كده عندى
نور: عندك اعتراض يازومه ولا ايه
حازم: ابدا ايه اللى جابك عندى انهارده
نور: معنديش شغل قلت اجى بقا اقعد
حازم: ماشى تنورينى بس استنينى 10 دقايق هخلص الورق ده واجيلك
نور وهي تخطف الاوراق: مفيش استنى
حازم بحذر: حبيبتى ده ورق مهم بلاش شغل الاطفال ده وهاتى الورق حالا
نور بعند: لاء مفيش ورق ، تحرك حازم باتجاهها وهي تعود للخلف، حازم: طيب حاسبى فى تربيزة وراكى هتقعى
نور: العب غيرها ياحازم ولكن حازم لم يكن يمزح وبالفعل كادت ان تسقط ولكنه امسك بها فى اخر احظه وللاسف طار الورق فى جميع انحاء الغرفه
نور: حازم انا اسفه بس بس
حازم: مفيش حاجة ياقمرى المهم انك كويسة يلا نلم الورق بقا
نور: يلا ماشى ولكنها لم تجلس بل خرجت سريعا : سورى يازومه بقى مع نفسك انا مروحة وهستناك على الغدا ولو مجتش هزعل منك يلا باى
حازم بحسرة: غدا وباى الله يخربيتك يانور بقى ده اخرى حاضر لما اجيلك ،وصل ادم للشركه وتعجب الجميع من مجئ وحش الاقتصاد الى شركه حازم ولكنه لم يعير احد ولا لكلامهم انتباه دخل ادم ووجد حازم هكذا جالس على الارض وحوله العديد من الاوراق
ادم: ايه ده يابنى هو الشغل بالمنظر ده
حازم بفزع: خضتنى ياعم فى ايه يلا الله يخربيتها بقى مفترية
ادم: وكمان واحدة اللى عاملة فيك كده
حازم: لاء استوب دى نور اختى ياعم
ادم: تعمل فيك كده ايه الافترى ده
حازم بشرود: نور دى حياتى ورا ضحكها ده وجع وحزن محدش يستحمله
ادم : ربنا يخليهالك المهم عايزك فى موضوع مهم بخصوص يوسف
حازم: اتفضل بس تشرب ايه الاول
ادم: قهوة مظبوط ممكن / حازم: 2قهوة. ادم: بص ياسيدى يوسف دلوقتى بيحب والمشكلة انه لما بيحب حد صعب يستغنى عنه او يسيبه لاى سبب وفى نفس الوقت بيبقى خايف جدا على اللى بيحبه من اففراق بالنسباله فكرة دى بتجننه وخصوصا لانه فضل طول عمره وحيد اه احنا معاه وعيلتى هي عيلته وهو اخويا وملك اخته بس انه يتحرم من باباه ومامته مسببله مشاكل
حازم: ربنا يرحمهم هما متوفيين امتى
ادم: من وهو عنده سنه ومات معاهم اخوه اللى لسه ماتولدش وكان من نصيب يوسف انه يتعب وبابا يصر انه يفضل معانا وميخرجش مع عمى ويفضل يتيم طول عمره ويموت عمى ومراته متفحمين فى حادثه مدبرة
حازم بذهول: حادثه مدبرة ومحروقين
ادم بالم: اه للاسف سمعت بابا بيكلم حد ويقول كده من اسبوع تقريبا
حازم: يمكن هيفتح القضيه تانى
ادن: لاء كان بيتفق مع حد flash back
كان ادم فى طريقه الى مكتب والده ولكنه يقف مذهولا من هول ما سمع
كمال بهدوء: محدش من الاولاد عارف ان حادثه موت كامل (والد يوسف) كانت مدبرة وكمان حادثه ادم
المجهول : .........
كمال: انا خايف على الولاد كفاية اللى حصلهم زمان خايف يتكرر تاتى .
المجهول: ........
كمال: اه معايا ورق يوديه فى ستين داهية ماهو طول عمرى ماشى وراه ومراقبه بس فجأة اختفى
المجهول: .......
كمال: خلاص تمام 10 ايام وكل حاجة هتنتهى ويموت السر ده للابد بس لازم حراسة للكل وخلى بالك كويس مس عايزين تروح فيها ارواح تانى
المجهول:  .......
كمال: تمام على معادنا مع السلامه back  حازم : ومفيش حاجة غريبه حصلت
ادم: لاء بابا معانا عادى بس ساعات لما فونه يرن يخرج بره يتكلم
حازم: ربنا يستر وخير ان شاء الله بس ثانية كده حادثه بابا يوسف وعرفناها انت حصلك حادثه ايه
ادم بوجع : انا حصلى كتير شوف بعينك كده ، ليقوم برفع قدمه ليصدم حازم من قدمه الصناعية ويعجز عن الكلام
ادم بألم: عارف يعنى ايه طفل عنده 9 سنين رجله تتقطع عارف يعنى ابقى نفسى العب واجرى زى اى طفل فى سنى ومش عارف ماكنتش بحب اخرج وختفرق ايه مانا هخرج وهاقعد وخلاص فقدت النطق سنتين لما شفت رجلى كده ويوسف كان سبب انى ارجع اتكلم تانى لما كان هيقع من على السلم وانا مكنتش هعرف انقذه صرخت فيه لاول مرة علشان انبهه
حازم بحزن: يااه ياصاحبى انت شفت كتير اوى واتوجعت اكتر وانا معاك نجيب حق يوسف وحقك من اللى عملوا كده فى اى وقت
ادم بغموض: قرب ياحازم وانا مش هسكت غير لما اجيب تار عمى وتارى
حازم: هيجى ياادم ونت اللى هتجببه بس خلى بالك من نفسك ومن يوسف
ادم : ربك الحامى متقلقش المهم نكمل موضوع يوسف بس يفضل كلامنا ده سر بينا احنا الاتنين بس
حازم: اكيد قول بقا يوسف بيحب مين
ادم بتنهيدة: بيحب ندى السيوفى اختك  حازم: بيحب مين ندى طيب ازاى وامتى
ادم: هحكيلك ليسرد له كلام يوسف وخوفه من رفض ندى له وكيف ستكون حالته ان رفضت هي ( لا تتعجبوا بعض الاشخاص عندما تتعلق بشخص اخر من الممكن ان تبيع كل ماتملك فى سبيل  الحصول على حب هذا الشخص وغالبا ماتكون تلك الاشخاص ما تكون لديهم اوجاعهم الخاصه التى لا يعرفها عنهم احد حتى اقرب الناس لهم ويوسف شخص من اؤلئك فى قصتنا)
حازم : ده شكله بيحبها بجد فعلا عموما انا هكلم اونكل انهارده واشوف رأيه وابلغك بكرة بس تعالى دلوقتى نشتغل يوسف شوية فى التليفون
ادم بمزاح: قلبك طيب انت اوى
حازم: اوى اوى ده انا هجننه استنى ليضحك كلاهما ويبدأو تنفيذ خطتهم

👋👋👋👋👋 ماهى  تلك الخطه ومن المجهول وماذا سيفعل كمال للقضاء على سالم وماذا يخبئ القدر لابطالنا انتظرونا فى البارت القادم