الماضى ونبضات الحاضر

part 21

كان ادم منتظر الرجل حتى ينهى شكوكه وتساؤلاته
الرجل: سيدى انه اسم لاحد انواع الفيتامينات التى تستخدم فى حالات الضعف الشديد
ادم بشرود: شكرا لك الى اللقاء ، ليودع الرجل وينصرف تذكر ادم كلام محسن بان نور تعانى من ضعف عام نعم من يراها لم يظن انها فى 25 من عمرها فهي ضعيفه بشدة ولكن لماذا تخفى هذا الدواء عاد وفى رأسه الاف الاسئلة ليجد الجميع نائم من شدة الارهاق ماعدا نور التى عندما رأته عانقته فورا
نور: اتأخرت ليه ياادم قلقتنى عليك
ادم بحب: معلش ياروحى كان عندى معاد مهم مع واحد صاحبى انتى منمتيش ليه لحد دلوقتى
نور: كنت مستنياك مش بقيت اعرف انام من غيرك
ادم: طيب يلا ننام لان بكرة يوم مليان بحاجات نعملها
نور بحماس: هنعمل ايه يلا قولى
ادم: بكرة ابقى حددى يلا بقى ليناما كلامها لاول مرة براحه بعد اعترافهم بحبهم لبعض دون مكابرة ودون اي شئ يعكر صفو مزاجهم
فى صباح اليوم التالى استيقظ الجميع ليتناولوا فطورهم كالعاده معا وبعد مناقشات عما يفعلون صرخت نور بحماس للجميع: انا عرفت هنعمل ايه
يوسف: هنعمل ايه ياحضرة العبقرينو
حازم: ملكش دعوة بااختى يالا انت
ادم: اسكتوا وانتى ياروحى قولى يلا
نور: هنلعب كورة كلنا فريق للبنات وفريق للشباب
ملك: واااو فكرة روعه انا موافقه
ندى صارخه: كان نفسى من زمان برافو نور قلبى
رغد: اخيرا هنلعب مع بعض انا فرحانه اوى حبيبتى يانور
كاد يوسف ان يتحدث ولكن بنظرة من ادم لهم جميعا اخرستهم فهو لا يريد اطفاء فرحتهم الان
ادم: واحنا موافقين وهنكسبكم كمان اطلعوا اجهزوا يلا واحنا هنجهز فى غرفتى هنا
نور بتحدى: احنا اللى هنكسب يلا بينا يابنات وبعد تبديل ملابسهم خرجوا لحديقه الفيلا الواسعه والتى يوجد بجوارها حمام سباحه لتقف الفتيات فى جانب والشباب فى الجانب المقابل
نور: جاااهزين يا شباب وانتو يابناات
ادم: استعدوا يلا ابدأ كانت لعبه البدايه مع الفتيات لتبدأ المهزلة الحقيقيه لتتحرك ندى بالكورة اولا ليقابلها يوسف
ندى: جو حبيبى قلبى انت حلو اوى باللبس ده ليسرح يوسف فى كلام محبوبته لترمى ندى الكورة لملك التى وقف امامها حازم
ملك ببرأه: حزوم حبيبى عدينى نفسى امشى بالكورة شوية علشان خاطر لوكه حبيبتك يلا لترمش بطفولية مصتنعه
حازم ببلاهة: عدى ياقلب حزوم وعينه وروحه يلا لتمر من جواره ويأتى الدور على نور ولكن هيهات فادم لن يتأثر بهذه التفاهات لتفكر سريعا فى حل
نور : ايه ده بقى انا فى ورطه كده
ادم بتسليه: كويس انك عارفه مش بهتم بالحاجات دى
نور: ليه بس يابو الرجال خليك ايزى كده يامان
ادم بصدمه: ايه التلوث ده الله يخربيتك
نور: يااسطى مفيهاش حاجه كلنا ولاد تسعه يعنى وشفنا الشارع
ادم: مش ممكن انتى مين لتستغل نور صدمته وترمى الكورة لرغد التى تقف فى مواجهة المرمى ويحرسه مؤمن ولكن رغد تعلم ان حضرة الرائد زوجها سيكشف خداعها فورا
رغد بصدمه: مؤمن حاسب ايه اللى وراك ده لينظر سريعا ورائه ولكن فات الاوان لم يستيقظ الشباب من صدمتهم الا على صراخ الفتيات باحرازهم الهدف الاول لهم ليلعنوا غبائهم الذى اوقع بهم
ادم بهمس لهم: انتو اغبيه فوقوا شويه مش هنخليهم يكسبوا
مؤمن بتريقه: ده على اساس انك البريمو يلا يااخويا نكمل ،ولكن استخدام الفتيات وسائل دفاعتهم جعلتهم يحققون نصر عظيم على الشباب من رأيهم بهدفين مقابل لا شئ لينتهى المباراة بعد ربع ساعه من تعب الفتيات
رغد بفرحه: هيييييييييية كسبنا يابنات
ملك بسعادة: مش مصدقه نفسى بجد
نور بسخريه: احنا هنكسبكم  يابنات واخدين بالكم ياشباب
ندى: مش عارفه ايه ده عايزين يتعلموا اللعب بجد ، لينظر الشباب بغيظ لبعضهم البعض
يوسف: خلاص يااختى انتى وهي انتو غشاشين اصلا
مؤمن: فعلا ده الشيطان يتعلم منكم وانا اللى مفكركم غلابه طلعتوا شياطين
حازم: ان كيدهن عظيم فعلا
ادم ببرود: مستوايا ميسمحليش اصلا ارد عليكم
نور ببرود: حضراتكم احنا اللى كسبنا ودلوقتى هتعملوا حفلة باربيكو وانتو اللى هتجهزوا الغدا وتعملوا الشوي وكل حاجه
ادم بصدمه: مستحييل طبعا احنا هنطلب اكل من بره
حازم: لاء هنعمل ده عقاب صغير على خسارتنا فاكر البيتزا يلا يادومى قدامى هنجهز الغدا
مؤمن بشماته: الدنيا بتدور ياادم وبرستيجك هيقع ليكاد ادم ينفجر غضبا ولكن نظرة محبوبته له ازالت كل غضبه ليتنهد باستسلام ويذهب مع الشباب
وبعد نصف ساعه كان الشباب فى الحديقه يقومون بعمليه الشواء بينما الفتيات فى الداخل
نور: ندى فاكرة اول يوم شغل لينا سوا لتقول ذلك وتنفجر الاخرى ونور معها ضاحين وسط تعجب ملك ورغد
ندى بضحك: يالهوى كان يوم فظيع بجد بتفكرى فى ايه
ملك: فهمونا فى ايه لتحكى لها نور ما فعلوه وما تريد فعله الان لينظروا لها بصدمه على افكارها المجنونه تلك وبعد ربع ساعه كانوا يتسحبون بهدوء ويقفون فى مكان لا يستطيع الشباب رؤيتهم لتتفيذ خطتهم امسكت نور بهاتفها وبدأت بتصوير الشباب وهم يعملون بكسل وملل وجميعهم ملطخين بسواد الفحم اثر عملية الشوي ليضحكوا على منظرهم بشدة وبعد فترة اغلقت الفيديو فقد اخذت ماتريد وبعدها قامت نور بارسال الفيديو لابيها ولكمال فى مصر كان الجميع يجلس لمتابعه احد البرامج السياسيه وهم يشاهدون حال البلاد العربية التى تنهار واحده تلو الاخرى وكأن الحكام المسلمين لا وجود لهم من الاساس ليرن هاتف عاصم وكمال فى وقت واحد ليفتحوا هواتفهم وينظروا بصدمه ثم يغرقون فى ضحك حتى تدمع له عيونهم ليأخذ الباقى هواتفهم ويشاهدون ما يحدث فى لندن الان حيث كان حازم ويوسف يقطعون البصل وعيونهم تدمع بينما مؤمن يمسك باحد الهوايات وكل ثانيه يتحرك بعصبيه حتى يزيح الاثار التى عليه بينما ادم يجهز انواع السلطات باحترافيه كأنه شيف محترف ليبدأو مكالمه جماعيه وهم يضحكون على مافعل بناتهم فى الشباب وبعد الانتهاء من عملهم وتناولهم الطعام وسط جو ملئ بالمرح ترن هواتف الشباب لينظروا لبعض باستغراب سرعان ماتحول لصدمه عند رؤيتهم انفسهم فى الحديقه لينظروا بشر للفتيات الذين انطلقوا فور رؤيتهم وجوههم الغاضبه ليلحقوا بهم
ادم بصوت عالى: اقفى يابت انتى وهي مكانكم محدش يتحرك
يوسف: ياشوية حيوانات ده جزاءنا تعملوا فينا كده
مؤمن بغضب: بقى انا يحصل معايا كده ومن شويه عيال زيكم كده ورحمه امى لاظبطكم
حازم: انا هوريكم مين حازم الشافعى ياشوية زبالة ليمسك كل منهم بمحبوبته وبنظرة معينه يلقوهم جميعا فى المسبح لتشهق الفتيات بفزع
نور بفضب: ايه الاستهبال ده ينفع كده
ادم باستهزاء: ده على اساس انكم ملايكه ومعملتوش حاجة
ملك: على فكرة دى مش اخلاق ناس محترمه انت وهو
حازم ببرود: احنا مش محترمين معلش بقى استحملوا
رغد: انا هبلغ عنك بتهمة ازعاج الابرياء يا حضرة الرائد
مؤمن بسخريه: بلغى يااختى عادى ميهمنيش الراجل يورينى نفسه وانا هعرفه مقامه كويس
ندى بارتجاف: يوسف طلعنى انا تعبت بجد
يوسف: لاء مش هطلعك خليكى كده علشان تتعلمى الادب
ندى باختناق: نور اتكلمى مبقتش قادرة
نور بتذكر وصياح: يانهار ازرق طلعها ياجو بسرعه ندى هيغمى عليها ليتوتر الجميع هل مزحتهم ستنتهى بنكد ليهبط يوسف سريعا ويجلب ندى للخارج ويساعد كل شاب فتاته لاخراجها واعطائها غطاء حتى لا يصابوا بالبرد
نور سريعا: طلعها فوق بسرعه يلا وانت ياحازم هات اي مهدئ وتعالى ورايا يلا ولقد كان حديثها جديا فندى مازالت ترتجف وكان يوسف يشعر بالضياع وهو يحملها لم يعرف ان المزحه ستقلب ضده هكذا ولكن طمأنته نور واعطت ندى مهدئ حتى تنام
نور: بس خليك جنبها يايوسف واحنا هننزل ومتخفش هتصحى كويسه جدا
يوسف بحزن: طيب ايه اللى حصل ده
نور: هي هتفهمك لما تصحى كمان نص ساعه كده لتخرج وتجد ادم ينتظرها
ادم: يلا تعالى غيرى انتى اصلا لسه تعبانه ومكنش المفروض يحصل كده ده تهور منى
نور ببتسامه: عادى انا كويسه متقلقش وبعد ساعه كان الجميع يجلس فى الاسفل ماعدا ندى ويوسف
فى الغرفه تستيقظ ندى بهدوء لتجد يوسف حزين جوارها وعندما رأها استيقظت احتضنها بهدوء : انا اسف ياقلبى احساس انك ممكن تضيعى منى ده بيخلينى عاجز مبقدرش اتصرف بلاش تبعدى عنى فى اي وقت ياروحى
ندى: عمرى ماابعد عنك ده مستحيل يا جو انت حبيبى وبس
يوسف: طيب ايه اللى حصل خلاكى كده
ندى : هحكيلك من 5 سنين كنت نزلت البحر مع نور وفجأة جه موج عالى اوى نور كانت متعلمة كويس السباحه بس انا كنت لسه مبتدئة ومقدرتش اقاومه وبدأت اغرق بابا صرخ على بتوع الانقاذ علشان يجوا وماما كانت عمالة تعيط وانا فقدت وعيى ولما فقت كنت فى البيت ونور حكتلى اللى حصل وانها انقذتنى قبل ماابعد عنها وجه رجال الانقاذ ساعدوها وطلعنا ومن ساعتها وانا بخاف من الميه وكده ودى كانت اول مرة انزل فيها الميه بعد الحادثه ولانها جت فجأة اتخضيت وافتكرت اللى حصل بس كده
يوسف: اسف ياروحى مش هتكرر تانى ووعد منى هلغى خوفك ده خالص بس لما نرجع مصر
فى نفس الوقت كانت نور تحكى نفس القصه للشباب ليشعروا بالاسف لما فعلوه لينتهى اليوم على خير ومرت 3 ايام اخرى بنفس الروتين يجتمع ابطالنا موعد الفطور والعشاء وباقى يومهم خارجا يتجولون فى انحاء المدينه وذهب ادم بنور لذلك الكوخ امتثالا لطلبها فهي احبت هذا المكان بشدة يكفيها ان حبيبها اعترف بعشق لها هنا
وفى صباح اخر يوم لهم فى لندن خرجوا جميعا لجلب هدايا لعائلتهم واختاروا هدايا قيمه وبعد انتهائهم تنالوا الطعام وانطلقوا لتجهيز انفسهم مع وعد ادم لنور بانهم سيأتون ثانيا فهل يحقق القدر لهم ذلك ام له رأى اخر
فى طائرة ادم الخاصه جلس كل شاب مع معشوقته منهم من يشاكسها ومنهم من يخجلها ومنهم من يبثها اشواقه وحبه وبعد رحلة طويلة هبطت الطائرة للمطار لينهوا اوراقهم ويصعد حازم مع ادم فى سيارته بينما مؤمن مع يوسف اوصلوا مؤمن اولا لمنزله حتى يجلب صغيره الذى اشتاقوا له
وصلوا لقصر نور الدين واستقبلهم الجميع بالتهانى ومن ثم اتجه كل منهم لغرفته لينالوا قسطا من الراحه وفى المساء جمعهم ادم
كمال بفرحه وهو يرى نور سعيدة: اتبسطوا ياحبايبى
يوسف: جدا يابابا كان ناقص وجودكم معانا والله
محمد: انتو شباب ياحبايبى متربطوش نفسكم بينا
ملك: لاء يااونكل وجودكم بالدنيا
عاصم: ربنا يبسطكم دايما حبايبى
نور: ياريتها فعلا تتكرر تانى لمتنا مع بعض دى حاجه كبيرة اوى ربنا يخليكم
ادم: انا جمعتكم عندى لكم مفاجأة بس طبعا خاصه بالكبار بس ماشى يايوسف انت وحازم
يوسف: تمام ياريس مش هتكلم
حازم: انا ساكت اهو ياكبير اتفضل
ادم: بقيتوا بيئة المهم انا حجزت لكم رحلة كلكم هتروحوا تعملوا عمرة مع بعض  بعد اسبوع من دلوقتى
احمد: ربنا يخليك ياحبيبى فكرة هايلة فعلا
محمد: جمايلك كترت ياادم يابنى ربنا يحميك
ادم: مفيش الكلام ده يااونكل كلكم زى بابا احنا عيلة واحده
حازم: هيسافروا امتى بالظبط
ادم: يوم السبت الجاى الصبح فى الطيارة الخاصه
عاصم: ماشى ياحبيبى ،ليعطى لهم الجميع الهدايا الخاصه بهم وسط فرحتهم باولادهم
مر الاسبوع سريعا وسافر الرجال والنساء معا استعدادا لاداء مناسك العمرة واتفق الجميع على العيش فى القصر سويا حتى عودة الاهالى ونزلت الفتيات الشركات مع ازواجهم حيث يوجد ادم فى شركتهم المشتركه وبجواره نور بينما حازم فى شركته ومعه ملك اما يوسف فى الشركه الرئيسيه ومعه ندى وبعد فترة اجتمع الجميع فى الشركه المشتركه واثناء مناقشتهم لبعض امور العمل رن هاتف ادم لينظر له ثم يرميه فورا على يوسف ليتعجب هو: ايه ده فى ايه لينظر للاسم بفزع: مستحيل ارد خد ياحازم كانت الفتيات متعجبه لينظر حازم ويرى اسم جاكلين
حازم: مين جاكلين دى
يوسف: رد بس ومتخلهاش تكلم حد فينا
حازم: الو مين معايا
جاكى: Hello, can i speak to mr: adm
حازم: ??who are you
جاكى: i'm jakleen, where is adm
حازم: ohhh sorry adm isn't here and he is very busy
جاكى بغضب:i need him there is a busisness between our companies ثم تهدأ mr joe whrer is
he??
حازم: ايه الست الهبلة دىdon't call him again ليغلق الهاتف سريعا: ايه انثى العنكبوت دى انتو تعرفوها منين
يوسف: يخربيتك تشبيهاتك بس صدقت فعلا دى واحدة لزقه بطريقه فظيعه ثم ينظر لادم: وبترسم على ادم كمان
نور بنظرة حارقه: نععم هي مين دى ان شاء الله
ادم: انا مليش دعوة هي اللى بتلزق انا مشفتهاش غير مرة واحده فى حياتى بس بينا شغل مشترك
يوسف: اقفلوا ام السيرة الغم دى وبعد فترة تدخل فتاة شقراء بملابس فاضحه المكتب بعصبيه شديدة جدا
يوسف بصدمه: جاكلين انتى جيتى ليه
جاكى بشوق: اووه ادم لقد اشتقت لك كيف حالك عزيزى
نور: البت دى انا هقوم اقتلها لم تفهم جاكى كلامها
ادم بجديه: مرحبا جاكلين ما الامر الذى جئتى من اجله
جاكى: اتركنا من العمل قليلا اين ذلك الغبى الذى حدثنى منذ قليل لقد قال انك مشغول ولكن ماذا عن الشراكه بيننا انت ملتزم بالعمل معى
ادم: الزمى حدودك ياانسه انا لا اهتم باى شئ ومن الممكن ان انهى تلك الشراكه الان فلتصمتى
حازم بصدمه: مش ممكن جاكلين بتاع لندن ايه الفقر ده لتسمع صوت الرجل الذى حدثها لتلتفت له
جاكى: اووه حازم هل انت هنا حبيبى لماذا تركت لندن لم اتوقع ان اراك هنا
ملك بصدمه: حبيب مين يخربيت امك ده انا هقتلك واقتله وراكى مين دى ياحازم
حازم: دى كانت جارتى ف لندن واحمم كانت بتحبنى ودايما لازقه عندنا ده انا مصدقت خلصت منها طلعت نفس اللازقه اللى بتضايكم انتو كمان
ملك بغضب: بتحبك حسابنا فى البيت ياحازم
جاكى: ماذا تقولون انا لا افهم شيئا من فضلكم تحدثوا الفصحى
نور ببرود: ماذا تريدين لقد جئتى من اجل العمل والان ليس وقت العمل اذهبى الى مكانك واتى غدا لاتمام عملك
جاكى: ومن انتى حتى تقولى ذلك ايتها الغبيه
ادم بغضب: اياكى ان تسئ لها هل فهمتى كلامى وهذه تكون زوجتى احفظى كلامى جيدا والا سأجعلك تندمين
جاكى بصدمه: هل تزوجت ادم الا تعلم انى احبك كثيرا
ادم: وانا لا احبك هذه هي ملكة عرش قلبى حبيبتى وزوجتى نور الا ترى انها اسم يليق بها
جاكى: لقد اصبحت رومانسى ادم ثم تنظر لحازم: وانت حازم الم تشتق لى هل نسيت ايامنا سويا فى مدينه الضباب
حازم بجديه قليلا مايتحدث بها: لم انسى شئ جاكلين لانه لا يوجد شئ بيننا من الاساس انتى فقط كنتى جارتى وتعلمين ذلك جيدا فمن الافضل ان تصمتى حتى لا اسئ اليك
جاكى: ها لقد تحالفتم اذا ولكن لا تنسوا من تكون جاكى ادوار
يوسف: لن ننسى شيئا والان ارحلى من هنا وجودك غير مستحب
ندى: الا سمعتى ما قالوه ارحلى الان
جاكى: انتم الفتيات الذين سرقن قلوبهم اذا ولكن لن اجعلكم تنعمون كثيرا وستندمون جميعا
ادم: ارحلى انسه ادوار وصحيح لا تنسى لقد تم فسخ العقد الذى بيننا ثم يتجه لبعض اوراقه ويقوم بتقطيعها والا لا يوجد عمل بيننا للابد ابلغى تحياتى للوالد الذى ارسلك لتخريب شركنى وتشويه سمعتها فانا لا اتجار فى الممنوعات والان الى الخارج لتخرج وهي تتوعد لهم جميعا فهي من اصحاب القلوب المريضه ، لتنظر كل فتاة لزوجها نظرة فهم ان الليله لن تمر مرور الكرام وغادروا الشركه جميعا الى قصرهم
ندى: ها ياحازم مين العقربه دى احكيلى من الاول لاقتلك
يوسف: بصى من غير كلام كتير دى واحده كان بينا وبينها شغل وهي بتحاول تقرب مننا بس بنصدها واقسملك ان دى تانى مرة اشوفها فيها
ندى بحب: من غير كلام ان واثقه فى يوسف حبيبى وابو ابنى ربنا يخليك ليا ياحبيبى
يوسف: ويخليكى ياروحى وانا بثق فيكى اكتر من نفسى
ملك بحزن: مين دى ياحازم هو انت كنت بتحبها فعلا
حازم بصدق: احب ايه انثى العنكبوت دى والله ابدا انا اتعرفت عليها لما جت الفيلا اللى جنبنا من سنه وكانت بتحاول تقرب منى بس انا قلت مليون مرة انا بخاف ربنا وعندى اخت وعمرى ماكلمتها اصلا
ملك: وانا مصدقاك ياحبيبى اللى عنده زوج زيك مستحيل يشك فيه انت حبيب عمرى
حازم: وانا عرفت معنى الحياة بين ايديك ياروحى
نور: انا مش هتكلم كتير يلا اتكلم انت ياادم ياحبيبى
ادم: اكيد سمعتى ان دى تانى مرة اشوفها فيها وبعدين انتى مش واثقه انك فى القلب ولا ايه انتى اول بنت اكلمها فى حياتى بعد اختى وامى
نور بعشق: تبقى اهبل وعبيط لو فكرت ان ممكن اشك فيك ولو لواحد فى الالف بس انت روحى ياادم
ادم بسعاده: وانا مش ممكن اهدم الثقه دى فى يوم من الايام لتمر ليلتهم جميعا على خير ويستمروا فى العمل ويلمع اسمهم فى السماء وخصوصا بعد تعاون شركاتهم الثلاثه من ليكونوا قوة تهز اقتصاد الشرق الاوسط بأكمله وفى احدى الليالى يصل ظرف باسم ملك لتفتحه بهدوء وتجد صور لحازم وجاكلين فى اوضاع غير مناسبه لم تتحدث او تدمع فقط تنظر للصور
نور بعدما رأتهم: مش هدافع عنه علشان اخويا بس احكمى بعقلك وركزى كويس هتعرفى انها متفبركه وواضح اوى
ليرن هاتف ملك: الو مين معايا
هو: مش مهم مين المهم ان جوزك فعلا على علاقه بجاكلين من ساعه ماكانوا فى لندن وومكن تأكدى بنفسه منك لما تشوفى الرسايل على موبايله لما يرجع لينغلق الخط سريعا
ندى: انا هكلم يوسف واشوفهم فين
يوسف: حبيبه قلب يوسف وحشتيينى
ندى: انت اكتر ياحبيبى قولى انتو فين اتأخرتوا اوى واحنا مروحين من بدرى
يوسف: انا جاى مع حازم اهو وادم بيخلص شغل وهيجى
ندى: ومش جاى فى عربيتك ليه
يوسف: لاء مفيش حازم تعب شوية ودخلت عليه المكتب الساعه 4 كده لقيته مغمى عليه بس ارهاق مش اكتر
ندى بقلق: يعنى انتو كويسين فعلا
يوسف: اه خمس دقايق ونكون عندكم
نور: فى ايه ياندى وقلقتى ليه
ندى: يوسف بيقولى ان حازم تعب شوية وكان مغمى عليه بعد مااحنا مشينا على طول
ملك بخوف: وهو كويس ولا لاء لتشعر بانقباض قلبها وفى ذلك الوقت تقف سيارة بها 4 رجال اقوياء امام حازم ويوسف ويمسكوا بيوسف وحازم واستطاعوا ضرب حازم لانه لم يستطع المقاومه فهو لا يعرف ماذا حل به اما يوسف فضرب الاثنين الممسكين به واتجه لحازم وساعده على القيام واتصل باادم فورا ليرسل رجاله ويأخذوا هذه الحثالة فجاء ادم سريعا بعد ان كاد يفعل اكثر من حادثه لتهوره ف القيادة عند سماعه ان اخواته فى خطر ليأخذهم ويعودوا للمنزل ويرفض حازم الذهاب للمشفى وعند دلوفهم صدم الفتيات من منظر حازم فهو يبدو عليه التعب الشديد بالاضافه لبعض الكدمات التى اصيب بها
ملك بقلق: حبيبى مالك انت كويس
نور ببكاء: حازم فى ايه متخوفنيش عليك
ادم: اهدوا بس هو كويس ليضم اخته حتى يهدأها وتجلس نور بجوار حازم وهي تبكى على اخيها وسندها فهي تكره ان يصيبه مكروه
حازم بضعف: متقلقيش ياقلبى انا كويس مفيش حاجة
ليرن هاتف ادم برسالة من سيف رئيس حراسه: ادم باشا الرجالة تبع واحده اسمها جاكلين ادوار وهي دلوقتى مسافرة بره مصر
ادم برسالة: بكرة الاقى خبر افلاس شركتهم فى لندن ياسيف وظبط اللى عندك كويس
يوسف: طلعوا تبع جاكلين صح
ادم بتنهيدة: صح بس بكرة هيعلنوا افلاسهم مبقاش ادم نور الدين لو سبت حق اخويا يروح
يوسف: حازم انت اغمى عليك ليه
حازم: مش عارف انا شربت قهوتى عادى وفجأة محسيتش بنفسى خالص غير وانت قدامى
نور: بس كده الحكاية كملت
ادم: حكاية ايه هو فى حاجه حصلت لتريه نور الرسائل ومكالمه ملك لتتضح الصورة فقد قام احدهم بوضع مخدر لحازم حتى يفقد وعيه وبعدها اخذ هاتفه وقام بارسال الرسائل لجاكلين وذلك فى نفس الوقت الذى كان فيه حازم مغشى عليه وتم ارسال الصور لملك حتى تشك بحازم وانتهت بضرب حازم الان
ندى: دى شيطانه ايه ده فعلا عقول مريضه بالحقد
ادم: بكرة تبقى فى مستشفى المجانين يلا قوموا ريحوا وانتى ياملك خلى بالك من حازم ولو تعب بالليل كلمينى
ملك بهدوء: حاضر يلا نطلع ليساعد ادم حازم فهو يعتبره اخيه الاصغر وبعد فترة تدخل نور غرفه ادم
ادم: ها حازم نام خلاص واطمنتى عليه
نور: اه الحمد لله حطيتله مرهم للكدمات وسيبته مع ملك بعد مانام
ادم: ماشى ياقلبى انتى عاملة ايه بقى لتنفجر هي باكيه بعد قوله ذلك فلم تعد تتحمل الضغط الذى عليها غياب اباها يؤثر عليها وخصوصا انهم تركوا هواتفهم حتى لا يعكرهم شيئا فلم تتواصل معهم وايضا تعب حازم اليوم لن تتحمل ان حدث له سوء واخيرا تعب قلبها الذى يزداد يوميا وخصوصا ان ادم كاد ان يكتشفها تلك الليله لتتذكر ماحدث معها flash back
بعدما اخفت نور العلبه ولاحظت نظرة ادم لها ثم تغييره الحديث شكت فى ذلك لتهاتف امن الفندق بعدما تركها قليلا : ماذا سيدى هل هناك شئ
نور: اريد خدمه صغيرة منك
هو: تفضلى سيدتى
نور: اريد ان تهاتف الصيدليه المجاورة وتأتى باي انواع الفيتامينات القوية فانا اريدها بشدة
هو: امرك سيدتى خمس دقائق وسيكون الطلب عندك واتمنى ان تكونى بخير
نور: شكرا لك وبالفعل اتى اليعا العامل بطلبها لتعطيه حسابه ويرحل ثم تغير العلبة الى تلك العلبه وتخفى الدواء الاصلى فى حقيبه اخرى وبالفعل لقد رأت ادم وهو ياخذ اسم الدواء فشكرا ربها على ذلك فماذا لو كان علم بامر قلبها بالتأكيد سيتألم Back
ادم بقلق: مالك ياعمرى نفسى اعرف سبب الحزن ده ايه شاركينى يانور احنا مرتبطين ببعض انتى نصى التانى
نور بشرود: قريب هتعرف ياادم صدقنى بس الجماعه يرجعوا من السفر ووقتها حاجات كتير هتتغير لم يسمع ادم حديثها مع نفسها
ادم: بتقولى ايه ياقلبى
نور: مفيش ياادم انا كويسه بس تعب حازم بيخلينى متوترة ومش عارفه مالى الايام دى
ادن: متقلقيش حازم كويس يلا ننام لانى هروح الشركه بكرة بدرى
نور: يلا لتنام بين احضانه كعادتها ولكن ينام هو وهي لم تنم وبالها مشغول بسوأل واحد، ياترى ماهو رد فعل ادم وحازم وخصوصا ابيها عند معرفتهم امر مرضها هل سيتقبلوا الامر ام ستتلقى هي اللوم ؟؟؟!! لتقرر الحديث مع كمال فور عودته من السفر وذاك اليوم قريب فهو بعد 3 ايام فقط

توقعاتكم للبارت الجاى وياترى نور هتملك الشجاعه فعلا انها تقول لاهلها ولا كالعاده هتحصل حاجة تمنعها هنشوف البارت الجاى👋👋👋👋👋