الماضى ونبضات الحاضر

part 13

وقفنا لما عاصم عرف ان حبيبته لسه عايشة وفى اللحظه دى انهار ________
بكى عاصم بشدة بكى محبوبته التى تركته منذ 20 عاما بكى عمره الذى ضاع بدونها بكى زوجته التى اصبحت بقايا امرأة محطمه سمح لنفسه بالانهيار اخيرا
كمال بفزع : مالك ياعاصم ومين دى
يوسف بهدوء: سيبه يابابا صدمته صعبة
محمد: صدمه ايه انا مش فاهم حاجة
حازم بألم: دى طنط منى مرات اونكل عاصم اللى اختفت من 20 سنه لسه عايشة مماتش ، صدمه حلت على الجميع بعد سماعهم هذا الخبر وعرفوا ان حالة عاصم هكذا هينه على ماتعرض له فى حياته لم تستطع نور تحمل انهيار ابيها لتسقط فاقدة للوعى بين يدى ادم الذى كان يتابعها ، يوسف : لازم نروح المستشفى يلا نتحرك وافقه الجميع الرأى واتجهت السيارات للمشفى وعاصم مع زوجته فى سيارة الاسعاف بعد وصولهم اخبرهم الطبيب ان نور تعرضت لصدمه عصبيه ولن تفيق الا فى الصباح اما منى فتأخر الطبيب بالداخل وبعد خروجه
احمد : ايه الاخبار يادكتور
هو: للاسف الحالة اللى جوا اصلا جاية فى غيبوبة ورافضة الحياة ومن الواضح كمان انها تعبت جدا ومكنش فى رعاية
كمال: طيب هتفوق امتى يا دكتور
هو: دى مقدرش احددها يا فندم بيتوقف على التفاعل اللى حواليها وبعد ماتفوق هتقعد هنا لحد مااجهزة جسمها ترجع للعمل بشكل طبيعى تانى ثم يستأذن ويترك عاصم فى دوامه المه هل محبوبته تريد تركه بعدما وجدها ليحيط به الرجال محاولين مواسته لتنتهى هذه الليله التى حقق فيها ابطالنا مايريدون واخذوا حقهم ولكن لابد من حدوث شئ يعكر هذا الجو وكان عاصم اشدهم وجعا فى هذا اليوم
فى صباح اليوم التالى كان عاصم مازال امام غرفه منى والتى منع الطبيب الزيارة عنها لمدة يومين والنساء كانت بغرفه نور منتظرين افاقتها
كمال: هي نور لسه مصحيتش
محمد: لاء لسه المفروض تكون فاقت
احمد: تدخل ياحازم شوفها ياحبيبى
حازم: حاضر هدخل اهو ليدلف ويجد نور تبكى فى حضن والدته والفتيات حولهم يبكون ايضا
حازم سريعا: ايه ياماما فى ايه اهدوا ليتحرك نحو اخته لتترك فاطمه ليضمها حازم فهو من يفهمها دون كلام
حازم: معلش ياماما ممكن تاخدى طنط سمية وطنط حنان والبنات وانا هجيب نور واجى لما تهدا
حنان: حازم كلامه صح يلا نخرج
لتقترب ملك ببتسامه هادئة: خليك قوى متضعفش هي محتاجاك دلوقتى
حازم بامتنان لها: حاضر ياقلبى وبعد خروجهم : ممكن تبصيلى ياروحى ولكن نور تحرك رأسها للجانبين دليل على الرفض
حازم: طيب خلاص خليكى كده بس اسمعينى كويس وايضا لم تبدى ردة فعل ليستمر هو : عارفه يا نور ربنا قال فى كتابه ايه قال( لا يكلف الله نفسا الا وسعها) عارفه ده معناه ايه ان ربنا عارف قدرة تحمل كل واحد فينا وبيختبر صبرنا وايمانا انتى اد المحنه دى وهتعدى يانونو صدقينى لازم تكونى اقوى من كده لازم تقفى جنب باباكى هو محتاجاك الفترة دى ، صمت ليرى هل تستجيب تم لا ولكنه صدم عندما ابتعدت ببطء عن حضنه فوجهها شاحب بشدة وشفتاها ترتجف من كثرة البكاء لينبض قلبه بعنف حزنا عليها
نور: انا انا استحملت كتير ياحازم ومستعده لاكتر من كده بس مشوفش بابا تعبان او يبكى فى اى وقت انا بفضل الموت ولا انى اشوفه كده هو كل حياتى ياحازم خليك معايا
حازم : الصدمه كانت صعبه على الكل تخيلى بقى واحد شاف حبيبته بعد الزمن ده كله هيكون ردة فعله ايه بالعكس كده باباكى قوى لانه لسه فى نفس بعد اللى حصله ها مش عايز اشوفك كده تانى يابت ماشى
نور: حاضر طول مانت معايا انا بخير
حازم بغرور زائف: عارف ياروحى طبعا ده انا حازم المهم يلا نخرج بره
نور: مش عايزة اشوف حد ممكن
حازم: مش ممكن يلا الكل مستنيكى ليضع يده على خصرها ليساعدها ولكنها تنتفض عندما يضع يده ليبعدها سريعا
حازم بشك: فى ايه يانور انتفتضى ليه
نور: مفيش يلا ياحازم نخرج لبابا
حازم : اتهدى وارفعى التشيرت يانور اشوف مالك اخلصى من غير جدال
لترفع نور التشيرت قليلا ليرى كده زرقاء كبيرة وتذكر ضربه سالم لها بالحديدة ليسبه فى سره
حازم: خليكى دقيقه هجيب مرهم وجاى ليخرج ويذهب اليه ادم الذى اراد الاطمئنان بشدة عليها
ادم: حازم ها ايه الاخبار ونور كويسة
حازم: الحمد لله كويسة بس ممكن طلب
ادم: اكيد اتفضل
حازم: ممكن بس تجيب المرهم ده لنور لان فى كدمه فى جنبها من امبارح وعايز اعالجها
ادم: تمام وهجيب ممرضه
حازم: لاء انا هعملها يابنى دكتور والله
رحل ادم وفى قلبه مشاعر عديدة نعم حازم اخاها ولكنه شعر بالغيرة ليفوق لنفسه : ايه ياادم مش ممكن تحصل انت طريقك صعب لازم تبعد مفيش فى حياتك حاجة اسمها حب وهكذا اقنع ادم نفسه بانه لا يكن اى مشاعر لنور ولكن القلب ابى الموافقة وثار ضده ليعلن انه وقع اسير لتلك العيون التى تشبه عيون القطط لنرى هل عقله ام قلبه الذى سينتصر ، عالج حازم كدمه نور وكان حريص الا يؤلمها ولكنه لا يعلم ان الم قلبها فاق الم جسدها اضعاف مضعفه
فى الخارج ذهبت نور لوالدها : هتبقى كويسة يابابا انت اقوى من كده
عاصم بالم: مش قادر يانورى من يوم ماشفت صورتها وهي مقتولة وانا مش مصدق قلبى كان بيقولى انها لسه عايشة وفضل الامل جوايا بس اتحطم لما شفتها كده مش هستحمل بعدها تانى
احمد: خلاص ياعاصم مراتك دلوقتى معاك انسى الماضى وعيش لحظتنا دى افرح اه الفرحه مش كاملة لسه بس منى قوية شوف هي استحملت 20 سنه واكيد هترجعلك صدقنى
عاصم : يارب يااحمد ياارب
رأى يوسف ندى جالسة تبكى على اختها وصديقتها ليجلس جانبها لتضع رأسها على صدره : خايفه على نور اوى يا يوسف نور ضعيفه اوى مش هتستحمل
يوسف: لاء نور قوية ياروحى ادعيلها انتى بس انها تعدى المرحلة دى
ذهبت ملك سريعا لحبيبها : حازم انت كويس يا حبيبى
حازم ببتسامه: انتى قولتى ايه ياقلبى
ملك بخجل: حازم انت كويس
حازم : لاء اللى بعدها بقى
ملك: بس بقى ياحازم الله هسيبك
حازم وهو يحتضنها: بحبك ياروحى
مر اسبوع دون جديد رفض عاصم ونور الخروج من المشفى بدون منى وكان الجميع يأتى لمواساتهم حتى تفيق منى
وفى احد الايام وعاصم كعادته يجلس بجانب محبوبته يحدثها عن نور وعن الايام التى تعذب فيها بدنها كأنها تسمعه لاحظ تحركها ومحاولتها لفتح عينيها لتنطق ببطء والم: ع ا ص م
عاصم بدموع: حبيبتى انتى فوقتى ليخرج سريعا مناديا الطبيب ليقابله كمال : مالك ياعاصم فى حاجة
عاصم بفرحه: منى فاقت ياكمال فاقت
كمال بسعادة من اجل صديقه الذى اعتبره اخ له: بجد انا هروح اجيب الدكتور حمدالله على سلامتها ياعاصم
ليعود عاصم لغرفتها ويخبر كمال الجميع ويأتى الطبيب ليفحصها تحت نظرات الجميع ( نعم هكذا هي الصداقه الحقيقيه بالرغم من ان صداقتهم حديثه العهد الا ان الحب الصادق يجعلك تشعر بان صديقك هذا تعرفه من زمن تشعر بانك سند له وهو سند لك الصداقه فى وقتنا الان مرتبطة بالمصالح فقلما ماتجد صديق او اخ حقيقي انا لا اقول انه غير موجود ولكن غلبت المصالح على مشاعرنا لا تخسر صديقك وسندك تحت اي ظرف فانت لن تجد له بديل الحبيب يتغير ولكن الصديق الحقيقي لا يتغير)
الطبيب : الحمد لله يامدام منى ربنا بيحبك واجهزة الجسم كلها تمام هتعقدى بس يومين لحد مانطمن اكتر
عاصم: تقعد يادكتور بس تبقى كويسه
محسن (الطبيب): ماشى ياعم عاصم وبعدين دكتور ايه انا محسن صاحبك ولا نسيت يالا
عاصم: عمرى مانسيت يامحسن انت اخويا بجد شكرا على وقفتك دى
محسن: انا هخرج من هنا لاقتلك ياعاصم يلا شوية وهجى تانى وبعد خروجه اقتربت نور من منى لتلاحظها منى وتفتح ذراعيها ببطء لنور وتقول وعيناها تفيض بالدمع بعدما حرمت من رؤيه ابنتها تكبر امام عينيها: حبببه قلب مامى وحشتيينى اوى ياعمرى ، لترتمى نور بين احضانها تبكى بشدة فقدت كل قوتها بين احضان امها التى فقدتها وفقدت معها الامان ولاول مرة تشعر بالراحه فى حياتها شعور لم تتخيل انها ستناله يوما كانت تبكى بصمت كلما ترى فتاة مع والدتها فى المدرسة والام ترفض ترك ابنتها لساعات قليلة وتودعها بابتسامه كانت تتألم وتشعر بالم قلبها وتحدث نفسها لو كانت امى معى هل كنت ساحظى بهذا الحب والحنان ظلت نور تبكى ومنى تبكى وهي تتلمس وجهها وتقبلها فى كل انحاءه لم تصدق انها بين يديها حتى الان
عاصم وهو يمسح دموعه: كفاية كده انا هغير يانور عليكى من ماما وهغير من منى لانها بتحضنك مش كفاية حازم
تعرفت منى على الجميع واحتضنتها فاطمه فى حضن اخوى وشكرت الجميع على وقوفهم بجانبهم ليمر اليوم سعيدا على الجميع بعودة منى للحياة ثانية
فى المساء كانت هناك مناقشة بين الجميع ولكن خارج غرفه منى وعاصم
محمد: هتيجى يانور معانا انتى بقالك اسبوع مروحتيش كفاية كده بقى يلا
كمال: محمد كلامه صح لازم تروحى يابنتى وعاصم كلها يومين ويرجع كفاية قعاد فى المستشفى لحد كده
نور بمزاح: موافقه بس اجى معاك يا كيمو ايه رأيك
احمد: مين كيمو ده يا نور
نور: ايه ياحماده كيمو يعنى كمال مش صعبه يعنى
حنان بصدمه: جوزى بقى كيمو
ملك: خياانه بابا ونور فى المستشفى
يوسف: التار ولا العار ياولدى لازم تسترها وتكتب عليها
حازم: اه قبل مابطنها تكبر وتبقى فضيحه يابنى الحق اكتب عليها
نور بضحك: انا موافقه يلا بينا
ندى:انا شاهد عيان قصدى شاهدة عيانه
ادم: ايه جو التمثيل الرخيص ده مش عايز اسمع صوت حد ولا كلمه تانية
نور : بس ياشاطر ، ادم بنظرة رعب
نور: انت قلت كلمه وانا قلت كلمتين ليبتسم بداخله على تلك الطفلة
حازم: كفاية كده هزار يلا اختى هتبقى معايا مش هتروح فى حته واخوها هنا
نور بحب: اكيد ياحبيبى وبعدين انا مبعرفش انام غير معاك متخيل هسيبك حتى بعد الجواز هتلاقينى عندك
حنان: انا كده اخاف على بنتى منك
نور: لاء ياحنون انا هاخد حازم فى اوضه تانية ونسيب بنتك فى اوضتها ليضحك الجميع فهم اخرجوا نور من حزنها
فى صباح يوم جديد عادت نور للمشفى ولكن عاودها الم جسدها ليلاحظها محسن الذى كان على وشك الدخول ليراها واقفه تتألم وتاخذ انفاسها بصعوبة ليذهب سريعا اليها
محسن: نور انتى كويسة يابنتى
نور وهي تنظر له : اه يااونكل كويسه
محسن: تعالى معايا يانور عايزك لتذهب معه ببطء وبعد دخولهم مكتبه
محسن بحزم: قوليلى مالك وليه كنتى ماسكه كتفتك كده ومتكدبيش يانور
نور: حااضر يااونكل وبعد نصف ساعه تركها : هكلمك يانور بعد يومين انتظرى مكالمتى تمام
نور: ماشى يا دكتور سلام
محسن بحزن بعد ذهابها شكلنا هنتقابل كتير يا بنت عاصم شكلك مكتوب عليكى الوجع طول عمرك يابنتى
ذهبت نور لغرفه والدتها وقضت اليوم بسعاده بين والديها اخيرا شعرت بسعاده حقيقه اخر مرة كانت هكذا اليوم الذى كان قبل الخادثه المشؤمه ، اصرت منى على الخروج من المستشفى وتحت الحاحها خرجت مع تشديد محسن بالرعاية الكاملة وتولت نور مسؤليتها  وهي فرحه بوجود والدتها ولكن هل تدوم الفرحه ام لا ؟؟؟؟
مر 4ايام وتحسنت صحه منى كثيرا وكان الجميع مجتمع عند عاصم فالنساء اصبحت اكثر من اخوة وكذلك الرجال اما الشباب فهم يسطرون بايديهم قصص عشق برئ فى كتب التاريخ
حازم بجدية: انا عايز اتجوز بقى
يوسف: وانا كمان وكفاية شهر كتب كتاب بقى حرام والله كده
عاصم: العيال اتجننوا او اتهبلوا
ادم: الاتنين يااونكل والله اسكت يابنى انتى وهو جواز ايه دلوقتى
حازم: ياعم ملكش دعوة انت انت معقد احنا مالنا سبنا نشوف حياتنا
يوسف: انت صح ياحازم هو كان فرحك ياادم ده فرحنا واحنا حرين
ادم ببطء: بتقولوا ايه اصلى مسمعتش
حازم بتوتر: بقولك مش ناوى تحدد المعاد ولا ايه يايوسف
يوسف: صح ياحازم ده اللى بنقوله
كمال بضحك: ياخسارة الرجالة والله
وبعد العديد من الخورات اتفق الجميع على الزفاف بعد شهر حتى يجهز الجميع حازم: تمام اوى كده اكون دورت على فيلا علشان نقعد فيها وبابا وماما معانا
احمد : لاء طبعا ده هيبقى بيتك انت ومراتك لوحدكم انا هفضل هنا
يوسف : وانا كمان
كمال مقاطعا: انسى يايوسف انت وادم كل واحد له جناح فى القصر ومحدش هيخرج منه وده قرار نهائي
حازم: بس انا مش هسيبكم يابابا
ادم بتفكير: حازم انت جاهز تشترى الفيلا ولا لاء
حازم: اه جاهز طبعا
ادم: عندنا فى التجمع فى فيلتين جنب بعض وجنبهم القصر بتاعنا المهم الفيلل دى معروضه للبيع وبسعر كويس ممكن تاخدهم الاتنين ايه رأيك
حازم : تمام اوى كده واهو ملك تبقى جنبكم وبابا يبقى جنبى
احمد: انا مش هسيب عاصم يا حازم
فاطمه: طيب ماممكن نعيش فى فيلا واحدة زى زمان يااحمد احنا وعاصم
ادم: الفيلا مساحتها كبيرة  فكرة حلوة
منى: لاء يافاطمه علشان تبقوا على راحتكم فى بيتكم
احمد: انا موافق على الاقتراح وبعدين ايه يا منى ماكنا زمان كده ولا ايه
عاصم بعد تفكير: تمام يااحمد موافقين
ندى بفرحه: هييه هنبقى كلنا جنب بعض
يوسف: مبسوطة يارووحى
ندى: طبعا علشان لما اعوز اغضب اغضب براحتى عند اونكل عاصم او اروح عندنا ده هما 5 دقايق مشى
محمد: ربنا يشفيكى يابنتى فرحانه علشان كده ربنا يعينك يايوسف
نور بضحك: على فكرة ياجو البضاعه المباعه لا ترد ولا تستبدل
حازم: يعنى بالبلدى اتدبست يا معلم
يوسف بحب: احلى تدبيسه
حازم: حيث كده بقى هجيلك بكرة ياادم نتكلم مع اصحاب الفلل دى ونشتريهم
عاصم: انا واحمد اللى هنشترى بتاعتنا
حازم: يااونكل اسمعنى
احمد: ده اخر كلام ياحازم اسكت بقى
رن هاتف نور لترى رقم غريب ولكنها تجيب: الو ايوة مين
المجهول: ____________________
نور: الحمد لله تمام اه معايا
المجهول: ____________________
نور: طيب حضرتك انا مش بحب الاسلوب ده ياريت تتكلم بسرعه
انتبه الجميع لجديتها فى الحديث ووجها الذى لا يبشر بالخير ولكنها حاولت الثبات تحت انظارهم
المجهول: __________________
نور: كنت حاسة بكده فعلا تمام
المجهول: ___________________
نور: والله لو حصل ماهتشوف وشى تانى وانت عارف كده كويس وانت وعدتنى تمام
المجهول: ___________________
نور: مش دلوقتى بعدين مع السلامه
عاصم: مين يانور واتضايقتى ليه كده
نور: مفيش يابابا ده واحد معرفه عنده مشكلة وكده وخلاص انتهت
حازم : بجد اومال ايه اللى حصلك
نور: مفيش يازومة وتبعد انظارها عنه فهو يعرف انها تكذب لتغير الموضوع ولكن 3 قلوب علمت ان نور تخفى شئ 3 اشخاص يعرفوها جيدا ياترى ماذا تخبئ نور وماهو السر الذى سيقلب حياتهم رأسا على عقب
فى المساء فى غرفه عاصم ومنى تدخل نور : ازيك يامامى
منى: مالك يانور في ايه يابنتى قوليلى
نور بشرود: مفيش يامامى بس ممكن انام فى حضنك انهارده ممكن
منى: طبعا ياروحى تعالى يلا لتسرع نور اليها وتنام سريعا وهي تكتم بقلبها الكثير من الالام ، دخل عاصم ليتفاجأ بها: فى ايه مالها نور
منى: مش عارفه لقيتها بتقولى انها عايزة تنام معايا
عاصم: اول مرة تعملها وتنام من غير ماتجيلى انا حاسس انها متضايقه
منى: وانا كمان قلبى مقبوض عليها
عاصم: ربنا يستر انا هنام بره بقى تصبحى على خير
منى: وانت من اهله ياحبيبى
عند ادم دلف لاخته وجدها تكلم حبيبها فخرج بهدوء وتركها وتوجه ليوسف وجده هو الاخر يضحك مع محبوبته فى الهاتف ليشعر بالم قلبه هو لن يكون مثلهم يوما لينظر الى السماء : يارب مبقتش قادر استحمل انا اه بحبها بس مينفعش اعيشها فى صعوبات معايا كفاية اللى كان بيحصل زمان يااارب انت قادر على كل شئ ريح قلبى ياارب.

ياترى ايه سر ادم اللى لسه مخبيه عن الماضى وايه سبب زعل نور وهل الحزن انتهى ولا لسه تابعونا فى بارت جديد👋👋👋👋👋👋