الماضى ونبضات الحاضر

part 16

احمد بهدوء: فيها ايه يعنى لما واحد يشيل مراته دى حرية شخصيه ، لتحل صدمه على الجميع ماعدا عاصم وكمال
نور بصدمه: نعم ده اللى هو ازاى
كمال: زى الناس يا نور ده اللازم يحصل وكلنا عارفين كده
ادم: انا مش موافق على المهزلة دى ده جواز مش لعب عيال
عاصم: فترة ولو مااستريحتوش انفصلوا بس دلوقتى ده امر واقع
محمد: انت هتفقد سمعه شركتك واسمك ياادم بالخبر ده وكمان حازم هيتأذى لان الكل عارف ان حازم ونور اخوات الخيار لكم دلوقتى
كمال: فكروا بعقلكم ياولاد مستقبلكم هيتوقف على قراركم ، لتضع نور يدها على رأسهاوتجلس بصمت ليتألم ادم وهو يراها هكذا وهي تفكر اخاها سيتأذى ان لم تفعل ذلك نعم هي تعشق ادم ولكنه مجبور على هذا الزواج وكان ادم يفكر بنفس طريقتها هو يعشقها ولكنها غير راضيه وهو لن يقبل على نفسه هكذا لتمسك نور هاتفها وتطلب حازم فى ذلك الوقت كان حازم استيقظ وبدأ فى افاقه ملك : لوكة حبببتى اصحى هنتأخر وادم كده هيزعل
ملك بكسل: سيبنى شوية بس يا حازم
حازم: مش هينفع يا روحى يلا قومى ليرن هاتفه فى ذلك الوقت ليقول: اهو ادم بيرن قومى بقى
ملك : حاضر هاجهز واجى على طول لينظر للهاتف ويجد اسم صغيرته
حازم بتعجب: نور صباح الخير ياقلبى
نور : حازم تعالى انا محتاجاك ، لينتفض حازم قلقا عليها: حبببتى مالك انتى فين
نور: انا عند اونكل كمال تعالى يلا ليأخذ ادم الهاتف منها: حازم اخرج من البوابة الخلفيه وروح هات مأذون وتعالى واوعى حد يشوفك ياحازم
حازم: انا مش فاهم حاجة نور مالها ومأذون ايه ده وليه اخرج من ورا
ادم بغضب: حازم هتفهم لما تيجى بس ادام الفيلا فى صحفيين مش هتعرف تخرج فلازم تخرج من ورا بسرعه نص ساعه والاقيك هنا
حازم: تمام سلام ثم يوجه كلامه لملك : بسرعه ياحبيبتى فى مشكلة لازم نكون هناك يلا ، فيما كان الجميع مصدوم ف ادم قرر الزواج بها ليذهب اليها: انا عارف انك مش موافقه بس ده علشان الكل علشان محدش يتأذى والله لاجيب حقنا كلنا بس فترة وهتعدى
نور: ماشى ياادم موافقه انا بثق فيك لتذهب وتجلس بجوار احمد حتى يأتى حازم فهو كثير الشبه بابيه فى تصرفاته ولون عيناه وكل شئ تقريبا ليحضتنها احمد بهدوء فهو يعرف ان بداخلها صراع كبير وبعد ساعه حضر حازم مع المأذون واتجه الرجال الاربعه معه لغرفه المكتب ووقف حازم: فى ايه ليعطيه ادم الجريدة ويقص عليه يوسف كل ماحدث ليقف مذهولا مما يسمع ويقرأ ليتجه لاخته التى ترفض الضعف فى هذا الوقت تحت انظارهم : حبيبتى اهدى وكله هيبقى تمام
نور بضعف: مفيش حاجة تمام ياحازم كله مشاكل فى مشاكل
حازم: ثقى فيا يا عمرى ادم هيحافظ عليكى
محمد بعد خروجه: ادم ونور يلا بينا ليدخلوا معه ومعهم حازم ودقاىق وانتهى كل شئ اصبحت نور زوجه ادم كان ادم يشعر بسعاده حقيقيه اقسم ان يجعلها تشعر بحبه حتى تبادله الحب والعشق بينما نور بالرغم من الفرحه التى تشعر بها الا انها قررت ابعاده عنها حتى لا تتألم عند افتراقه عنها
عاصم: انا هخرج اظبط الدنيا بره وانتو جهزوا ردودكم بقى على طول
خرج عاصم وسط حراسه ادم ليراه الصحفيين ويصمتوا فهم يعتبروه مثل اعلى لهم فهم دائما ما يبحث عن الحق
عاصم: ممكن تهدوا كلكم بقى وهتعرفوا كل حاجة كمان شوية
احدهم : حضرتك كنت عارف بعلاقه الانسه نور بادم باشا
عاصم: الزموا الادب وهتعرفوا كل اجابتكم دلوقتى
ليدخلوا جميعا ويخرج ادم ونور ومن ورائهم الجميع
صحفى1: ممكن نعرف طبيعه العلاقه اللى بتجمع حضرتك بالانسه نور
ادم: نور الدمنهورى تبقى حرم ادم نور الدين ليصدم الجميع عند معرفتهم
صحفى2: وليه الموضوع سرى ومحدش عارف حاجة يا فندم
ادم: احنا كتبنا الكتاب من اسبوع وكان اثناء سفر حازم الشافعى ويوسف اخويا وقررنا نعمل حفلة اول لما رجعوا امبارح بس حصل اللى حصل وبعدين دى حرية شخصيه وحريه عيلتى ميحقش للصحافة تتدخل فيها
صحفيه: طيب بالنسبالك ياانسه نور مخفتيش حد يصوركم فى الشارع زى ماحصل امبارح كده
نور ببرود: اظن لما خطيبك يشوفك واقعه فى الشارع اكيد هيعمل كده ولو حصلت تانى برضو هيعمل كده
صحفى : طيب بالنسبة لتأخركم فى الرد وعلشان ننهى المؤتمر عايزين نعرف معاد حفل الزفاف
نور: زى ماسمعتم لسه اخواتنا جايين امبارح وكنا سهرانين واول ماعرفنا خرجنا للرد عليكم
ليكمل ادم: معاد الحفل بعد اسبوعين وكلكم معزومين على الفرح ليأخذ نور ويعود للقصر وسط ذهول الكل بما فيهم عائلتهم وبعد انصراف الكل ودخول العائلة
عاصم: فرح ايه احنا متفقناش على كده
كمال: فرح ايه اللى بعد اسبوعين ده
ادم: مكنش قدامى غير كده لما سألوا ثم يحدث نور : انا بوعدك قدام الكل هحميكى واحافظ عليكى حتى لو كلف الامر حياتى لتتركهم نور وتخرج للحديقه كاد ان يلحقها ولكن امسكه حازم : خليك هخرج انا انا عارف انك بتتألم بس هي بتتألم اكتر منك
ادم بحزن: عارف ومش قادر اعملها حاجة المهم متكلمش فى حاجة دلوقتى الوقت ده بقى بتاعى وهعرف استغله
حازم : تمام ليخرج ويجلس جانبها ويضمها اليه دون كلام وبعد فترة : طالما بتحبيه كده بتعذبى نفسك ليه
نور: مينفعش احبه مش هقدر اكمل انت عرفت ازاى
حازم: شكلك ناسيه انى بعرفك من نظرة زى ماعارف كده انى فى سر كبير انتى مخبياه ومش راضيه تحكيلى
نور ببكاء: كده احسن صدقنى احسن للكل بدل ماتتعذب لما تعرف
حازم وقد فقد صبره: وكده انا مش بتعذب وانا شايفاك ضعيفه كده بقى دى نور اللى مكتش بتنزل دمعه من عينها دلوقتى حياتها كلها دموع
نور: انت متعرفش حاجة وكويس انك متعرفش اسكت ياحازم بقى
حازم وهو يضغط على ذراعيها: بصيلى وانتى بتكلمينى بصى لعينى واحكى اللى واجعك كفاية كده ليسمع الجميع صوتهم ويرو حازم فى اقصى مراحل غضبه ليذهب ادم سريعا ويبعد نور عن حازم: انت غبى ياحازم خارج تهديها ولا تزعلها اكتر
فى مكان مجهول لاول مرة هنروحه يرى وليد نفسه مكبل فى احد الكراسى: انتو مين انا عايز امشى من هنا
احدهم: اسكت لحد مالباشا يجى
وليد لنفسه : معقول ادم هيعرف مكانى بالسرعه دى ويخطفنى ليقطع تفكيره دخول احدهم ويخرج الباقيين
وليد: انت مين انا هوديك فى داهيه
هو: تؤ تؤ كده ازعل منك ياراجل انا انقذتك من رجالة ادم كانوا هيقتلوك
وليد: يعنى انت عارف انى السبب فى اللى حصل لتشويه سمعتهم
هو: طبعا عارف انا مراقبهم كلهم بس محصلش اللى انت كنت عايزه ادم اثبت ان نور مراته
وليد: نعم نور دى بتاعتى انا وبس ولا ادم ولا غيره هياخدها منى
هو: تمام كده انت هدفك نور وانا هدفى ادم يبقى هدفنا واحد
وليد: انت مين بالظبط وايه يضمنلى انك متبعنيش لادم
هو: انا مين هتعرف بس شوية وادم عدوى اللدود ونفسى اخلص منه اما لما تعرفنى هتتأكد ان عمرى مابيع رجالتى بس لو خنتنى مش هيكفينى موتك
وليد: تمام انا معاك بس قولى حكايتك
هو: انا قاعد معاك للصبح احكيلى علاقتك بنور وانا هقولك علاقتى بادم
فى القصر ، حازم بصراخ والم: هتضيع حياتها بايدها هتكون سبب فى المنا كلنا انتى بتبعدى يانور وانا لو بعدت مش هقرب تانى صدقينى ليزداد ارتجاف نور ويلاحظها ادم ويحاول تهدأتها وهي تبكى: متخليهوش يمشى علشان خطرى
ادم وهو يضمها: مش هيمشى بس اهدى
حازم: همشى يانور ومش هتشوفينى ليغضب يوسف وهو يراها بهذه الحالة ليذهب تجاه حازم ويلكمه بشدة : انت اعمى ياحازم اختك تعبانه وانت بتجرحها اكتر اسكت شوية
لتبدأ سحابة غضبه تزول ويرى الجميع حزين ومنى تبكى بشدة لاول مرة ترى ابنتها تنهار هكذا ليذهب سريعا اليها: انا انا اسف ياروحى معلش والله ماهتكرر تانى
نور بضعف: انا هموت لو بعدت عنى
حازم ببكاء فهو سبب ذلك: عمرى مااسيبك والله ماهتخلى عنك خالص
لتهدأ هي لم تلجأ للمهدئات التى تساعدها كثيرا يكفى وجوده بجانبها لتهدأ وبعد فترة قرر احمد تلقين حازم درسا حتى لا يفعل ذلك ثانية وعرفت نور ماينوى فعله لتقف امامه: سورى يااونكل مفيش حاجه مستهلة انك تعمل كده علشانها
عاصم بسخريه: بتدافعى عنه وهو سبب اللى حصل دلوقتى
نور: انا عارفه حازم كويس وواثقه انه مكنش هيعمل هو كان متعصب شوية بس وهو غضبه بيعميه فعلا
ندى بمرح: نور حبيبتى حب عمرى
نور: عايزة ايه ياكلب البحر
يوسف بضحك: انا متجوز كلب البحر يلهوى عليا اتدبست خلاص
ندى بوعيد: بتتريق حاضر عارفه يانور يوسف ضرب حازم اوى وقدامنا كلنا
ملك: اه فعلا ضرب جوزى ووجعه
يوسف: كدابين الاتنين حتى اسألى ادم
ادم: مقدرش اكدب عليها عو ضربه فعلا يانور بس علشانك
نور: ندى حبيبتى تعالى باتى معايا
ندى : موافقه جدا طبعا انت وحشتينى
يوسف بصياح: وحياة امكم اطلبى طلب تانى انا غلطان انى كنت بساعدك
نور: انا عايزة اكل بيتزا هاتلنا كلنا يلا
يوسف: بس كده هطلب حالا اهو
نور ببرود: لاء انت هتروح مش هتعمل اوردر وخد مراتك معاك
يوسف: ربنا على الظالم يلا ياروحى نروح نجيب طفح ليها ليضحك الجميع على نقارهم الدائم ومرت ساعه وجاء يوسف وتناولوا طعامهم جميعا وجاءت ملك بالعصير ليهمس حازم لها ببعض كلمات لتخجل وتسقط العصير على نور
نور بغضب: الله يخربيتك ياملك انتى وحازم فى يوم واحد
ملك باسف: والله حازم السبب مليش دعوة انا
نور: طيب تعالى ودينى اغير بدل مانا ملزقه كده
ادم باستفزاز: ليه انتى كده قمر نور بالعصير اسم رائع لتنظر له نظرة حارقه يقابلها هو برفع احدى حاجبيه دليل على استمتاعه بمنظرها لتدخل نور احدى الغرف وتتركها ملك ليرن هاتف نور وترى اسم محسن: اكيد شاف الخبر لترد عليه واثقه ان لا احد سيسمعها فهي بعيده جدا عنهم ولكنها غافلة عن ذاك الذى كاد ان يطرق الباب ليحدثها قليلا على انفراد ولكنه وقف مصدوما من هول ماسمع نور مريضه قلب ولا احد يعلم عن مرضها شئ
نور: الو ازيك يااونكل
محسن: تمام يااختى انتى عاملة ايه
نور: تمام يا دك
محسن بغضب: انتى غبية يانور بجد غبيه رايحه تجرى علشان تموتى
نور: انا بحب كده وكنت مخنوقه يااونكل اعمل ايه يعنى
محسن: متكررش تانى يانور قوليلى اللى سمعته ده حقيقى
نور بتنهيدة: اه بجد لسه كاتبين الكتاب
محسن: مينفعش جواز يانور وانتى عارفه كده كويس اسمعى كلامى ياينتى واعملى العملية
نور: عارفه يااونكل وفترة وهننفصل وعمليه قلب مش هعمل يااونكل وانت عارف رأيى كويس فى الموضوع ده
محسن بغضب: مينفعش كلام فى الزفت ده بكرة يانور بكرة الساعه 1 الاقيكى قدامى فاهمه
نور: فاهمة يااونكل الساعه 1 هكون عندك سلام ثم تحدث نفسها: بمزاجك او لاء يااونكل هيفضل سر للابد
بينما المجهول كان لا يستطيع الوقوف شعر ان العالم يتهدم من حوله بسبب ماسمعه الان ليسير سريعا قبل ان تفتح الباب ويعود ليجلس طبيعيا معهم وهو عازم على الذهاب غدا لمعرفه ما يحدث حوله
يوسف: هي امنا الغولة اتأخرت ليه كده مش عارف صاحبه مراتى ازاى حاول ادم لفت انتباهه ولكنه قاطعه: ياعم سيبنى اكمل دى واحده مفتريه يلهوى عليها انا مش عارف هتطيقها ازاى
نور: انا اقولك ازاى يا جو بس ايه رأيك فى ماما الغولة
يوسف ببطء: انا لسه بمدح فيكى وبشكر ربنا ان مراتى عندها اخت زيك حتى اسأليهم
حازم: كداب يانور
يوسف: واطى ياحازم من يومك
نور: بتشتم اخويا قدامى كمان هقتلك يايوسف
احمد : بس بطلوا لعب العيال ده
نور: عفونا عنك علشان حمادة بس
محمد: محدش مهزقنا غيرك يانور والله
نور: ياحودة انتو لسه صغيرين على كده ماتيجو اجوزكم تانى
كمال: ياريت والله
حنان: بتقول ايه ياكمال
كمال: قصدى ياريت متكررش تانى
عاصم: جيب ورا على طول ياكيمو
نور: ياحنون يامسيطرة انتى ليظل الجميع فى سعادة متناسين ماحدث صباحا عدا نور التى تشعر بسعادة بسبب قرب ادم منها حتى لو لفترة مؤقته ولكن سعادتها ناقصه وكذلك ادم الذى يضع الخطط ليجعلها تعشقه وايضا ذاك الشخص الذى علم بسر نور المخفى وكان يتألم لحال تلك الفتاة التى عانت ومازالت تعانى بشدة
فى وكر الافعى ، وليد: ممكن اسألك سوأل بس تجاوب بجد
هو: اكيد اسأل
وليد: عيلتك ليها مركزها فى البلد واسمها معروف ليه خايف كده محدش هيشك فيك
هو: لاء هيشكوا وبعدين عيلة ايه هما السبب اللى انا فيه هو اللى خلونى كده
وليد باستغراب : ازاى مش فاهم
هو: كانوا بيحبوا اخويا اكتر منى لما حاولت ابقى زيه مجتهد وبنيت شركتى بس كلها فلوس حراام وهما عرفوا وجه الزفت ادم كشفنى وكرههم فيا زيادة
وليد: انا معاك ننتقم منه هنفذ امتى
هو: بعد اسبوع من جوازهم لان فى حراسه عليهم والاعلام مقلوب عليك
وليد: منتظر اليوم ده بفارغ الصبر علشان احقق انتقامى
هو : قرب وهنتقم منك يابن نور الدين
وليد: سيبك من السيرة الغم دى وتعالى نظبط نفسنا وهاتلنا حاجة نشربها
هو بضحك: عندك حق يلا بينا وذهبوا غافلين عن عقاب ربهم جزاء مااقترفوه من اثم وذنوب
فى الصباح قرر ادم الحديث مع نور ولكنه قرر الذهاب للشركه اولا والحديث معها فى المساء وذهب للشركه وسط تهانى جميع العاملين هناك وهناك تلقى رسالة من مجهول( دى لسه البدايه ياادم باشا حياتكم الجاية جحيم) ليكمل عمله وهو غير منتبه لشئ فالرساله قد شغلت معظم تفكيره بينما ذهبت نور لشركه حازم وسط الحراسه التى عينها ادم لها كما عين حراسه لجميع افراد عيلته حتى لا يتأذى وفى تمام الواحده كانت متجهة لعياده محسن بعد هروبها من الحرس حتى لا يشك احد بذهابها الى هتاك ولكن المجهول بالفعل كان قد سبقها
نور: مساء الخير يااونكل
محسن: مساء الزفت على اليوم اللى شفتك فيه يانور
نور بضحك: ليه بس يااونكل ده انا بحبك
محسن باستعطاف: يابنتى مش قادر اكلم ابوكى حرام عليكى حسى بيا انا كده بخدعه
نور: متكلمهوش يااونكل وبعدين مش خداع دى اسرار المهنة ومينفعش تطلعها
محسن بغضب: ولما يحصلك حاجة بعد الشر ويعرفوا انى خبيت عليهم هوريهم وشى ازاى بقى
نور: ومين هيقولهم انى كنت تعبانه طيب يااونكل
محسن: انتى ناوية تجننينى يانور والله انا حاسس بتأنيب الضمير خايف عليكى
نور: متقلقش يااونكل انا كويسه
محسن: طيب اعملى العملية يانور واسمعى كلامى وعيشى حياتك بقى
نور: مش هعمل عمليات يااونكل انا وانت عارفين ان نسبه نجاحها متعديش 40٪ ايه لازمتها بقى
محسن: بس فى امل يانور بلاش تسكتى وخلينى اكلم حد من اهلك ليه بتبعديهم عنك
نور: كده احسن يااونكل والله
محسن: طيب وزوجك يانور اللى بيحبك ده
نور: انت بتقول ايه يااونكل احنا فترة وهننفصل
محسن: بقول اللى شفته لما تعبتى امبارح بحكيلك لهفة عينه وخوفه عليكى ورفضه انه يخرج ويسيبك بتكلم على واحد بيعشق مش بس بيحب
نوربحزن: وانا كمان مش بس بحبه انا بعشقه هو كل حياتى من ساعه ماشفته مش متخيلة دنيتى من غيره
محسن بصراخ: طيب ليه كده قوليله خلى حد جنبك وقت تعبك
نور بغضب: لاء هواجه لوحدى ومحدش هيعرف صدقنى مش هخلى حد يشوف تعبى مهما كان ، ليفتح الباب فجأة ليقف الاثنان بصدمه : مستحيييل
المجهول: مش هتواجهى لوحدك يانور وهتشوفى انا هعمل ايه ثم يوجه حديثه لمحسن: انا عايز اعرف كل حاجة من اول ماتعبت لحد دلوقتى فاهمين
نور: ياا...، ليقاطعها هو بغضب: مش عايز اسمع صوتك فاهمة لحد ما يخلص
لتصمت بصدمه وهي متخيلة حجم الكارثه التى وقعت عليها وهل ستسطيع منع هذا الشخص من الحديث ام لا

ياترى مين الشخص ده وهيعمل ايه والكل كده هيعرف سر نور ولا هتقدر تخليه سر للنهاية زى ماهى عايزه ومين اللى عايز ينتقم من ادم وليه هنعرف فى البارت اللى جاى ومش هكتبه غير لما يجى توقع صح باسم الشخص اللى عرف تعب نور 😂😂👋👋👋👋👋👋