على الجانب الآخر كانت رهف قد أتمت عامها الأول في السفارة. كانت شاردة تفكر كيف تغيرت حياتها خلال هذا العام ،فقطع تفكيرها صوت رنين الهاتف، فتحت السماعة لترى من المتصل.
رهف: ألو
سكرتيرة السفير لبنى: الو يا رهف سيادة السفير طالبك
رهف: يلا جايي . وأغلقت الهاتف وذهبت لمكتبه وطرقت الباب.
السفير: تفضل
رهف: مرحبا حضرة السفير مدام لبنى قالتلي انك بدك ياني
السفير: اتفضل اقعدي رهف. جلست رهف والتوتر يسيطر عليها وبدأ السفير بالكلام.
السفير: رهف متل ما بتعرفي اليوم انتِ اليوم صرلك سنة عم تشتغلي معنا
رهف: هيدا شرف كبير لإيلي حضرة السفير
السفير: الموضوع يا رهف لي كنت عاوزك في هو شغلك
هنا أصبح التوتر والخوف يظهران على وجه رهف
رهف بخوف: حضرة السفير أنا ولا يوم قصرت بشغلي وعطيت الأولية لشغلي بحياتي اذا كان في ايا تقصير أنا بعتذر لحضرتك و
قطع السفير كلامها قائلاً: لا لا انتِ فهمتيني غلط أنا مش قصدي هيك
تنفست رهف الصعداء: شو قصد حضرتك
السفير: متل ما بتعرفي انو لبنى سكرتيرتي رح تترك الشغل وهي قالتلي من قبل بس أنا كنت مأجل الموضوع شوي لحتى لاقي الشخص المناسب لي بينوثق في يكون مكانها وأنا للصراحة كنت مراقب كل الموظفين بالسفارة وللحقيقة ما لقيت حداً أكتر منك انو يكون مكانها
رهف بسعادة: يعني ما بعرف شو بدي قول بش أنا مبسوطة كتير وإن شاءالله كون عند حسن ظنك
السفير: إن شاءالله و بتقدري تستلمي منصبك من بكرا
رهف بفرح كبير: اوكي حضرة السفير بس كنت بدي اطلب طلب صغير
السفير: اتفضلي
رهف: ممكن نعمل احتفال صغير لمدام لبنى
السفير بإبتسامة: أنا كنت ناوي أعمل احتفال كرمال لبنى وكرمالك بس مش هون
رهف باستغراب: مش هون؟ وين ناوي تعمل الاحتفال
السفير: بشرم الشيخ رح يكون في دعوة للسفارة اللبنانية على شرم الشيخ ورح يكون جميع الموظفين موجودين و رح نعمل احتفال تسليم وتسلم منصبك الجديد
رهف بسعادة: شكراً سعادة السفير
خرجت رهف من المكتب والإبتسامة لا تفرق شفتيها لتستقبلها لبنى بإبتسامة لطيفة وتبارك لها على المنصب الجديد.
********************************************
في لبنان،
كانت ريم جالسة مع عائلتها تتناول طعام الغداء حين رن هاتفها بمكالمة فيديو على الواتسأب من أختها رهف. فتحت ريم الهاتف؛
ريم: رهف كيفك شو أخبارك
رهف بفرح: اتركيلي السلام لوقت تاني منيح لقيتك بالبيت بابا وماما حدك
ريم بتعجب: اه حدي شوبك شو صاير معك حتى فرحانة كل هلقد
رهف بصوت عالي: بابا ماما باركولي أنا ترقيت وصرت سكرتيرة السفير
(يوسف و منال أهل ريم ورهف)
يوسف: مبروك يا حبيبة بابا
منال: ألف مبروك يا عمري
ريم: congrats يا ست رهف
رهف: الله يبارك فيكون أنا طايرة من الفرح يا ريت كنتو حدي حتى تشاركوني فرحتي
منال: يا ريت كنتي حدي يا عيوني اشتقتلك كتير ايمتا رح تيجي تزورينا
رهف بغصة: ماما لو سمحتي الموضوع عندي منتهي أنا مش راجعة على الأقل بالوقت الحاضر
منال: بس انتِ لازم تنسي هيدا شي صار وراح
رهف بعصبية: صار وراح بالنسبة لإيلكون بس
يوسف مقاطعاً: خلص يا منال قفلي على السيرة
رهف: طيب بحكيكون بعدين
يوسف: ليش يا منال كل مرة بتفتحي الموضوع معا وإنت بتعرفي إنو هيدا الموضوع سببلا وجع كبير وجع خلاها تترك بلدا وكل شي وراها وتروح
منال: شو بدي اعمل أنا كمان متضايقة إنو بنتي بعيدة عني ببلد غريب ووحيدة ما معها حدا. تساقطت دموعها بغزارة على وجنتيها وأحست بدوار
يوسف: ريم تعي بسرعة قيسي ضغط إمك
وضعت ريم آلة الضغط على يد أمها وبدأت تقيس ضغطها
ريم: ماما إنت لازم تبعدي عن كل شي بزعلك شوفي ضغطك عالي وانت مش عم توقفي بكي. بابا لو سمحت خليك حدا حتى جيبلا الدوا.
أعطت ريم الدواء لوالدتها وجلست بجانبها لحين تأكدت من تحسن حالتها وتركتها نائمة وخرجت من الغرفة.
بعدما أنهت رهف من مكالة عائلتها أغلقت الهاتف وجلست على سريرها وبدأت بالبكاء وبعد فترة من الوقت غرقت بنومٍ عميق.
في اليوم الثاني اتصلت ريم بأختها لتطمئن عليها
ريم: شو رهوف كيفك اليوم
رهف: اهلا ريم الحمدلله تمام
ريم: مبارح ما صرلي وقت احكي معك خبريني التفاصيل كلها بتعرفيني لازم أعرف الشاردة والواردة
رهف بضحك: ههههه لك انت ما بتتغيري بتضلك ست حشورة
ريم: طبعاً حبيبتي أنا مختارة المنطقة لازم أعرف كل شي ههههه
رهف: خلاص اطفي هل راديو رح احكيلك
ريم: ههههه ما بتيجي الا بالقوة
قصت رهف لأختها كل الحديث الذي دار بينها وبين السفير
ريم: يعني رح يحتفلو فيكي بشرم الشيخ نيالك(يا بختك)
رهف: ماشاءالله من عينك رح تصيبيني بالعين(تقرَّي) هههههه
ريم بعد تفكير: رهف ايمتى الحفلة
رهف: تقريباً بعد ١٠ أيام، ليش؟
ريم: معقول رَوِّح عليي هيك مناسبة اعرفيلي الوقت المزبوط مشان آخد إجازتي السنوية
رهف: عنجد ياي رح كون كتير مبسوطة اذا بتيجي
ريم: طبعاً يا حبيبتي مش ممكن اني اتركك بهيك مناسبة
********************************************
لا تنسوا تعطوني رأيكون وأهم شي vote للفصل الجديد وأحداث جديدة رح تكون بالفصل الجديد
❤️❤️❤️❤️
أنت تقرأ
اعطيني قلبك وسأحبك
Romantiekتعريف عن الرواية بين لبنان ومصر هروب من واقع اليم وعلى المقلب الآخر حب يتكون من أول نظرة هل تتمكن من التغلب على واقعها ام انها ستظل اسيرة للماضي مدى الحياة كل ما كان في تفاعل كل ما زادت البارتات Follow+vote النشر مبدئياً يوم بالأسبوع ولس يصير في ت...
