قزومتــي المــسودنة 💕

صدمات 💔 p.3

نتالیا (بصیاح و شهگە) :
اسسسساااااامممەةةة

كل الي چنت اشوفە اسامە واگف گبالي و شایل بیدة چاکوچ...

نتالیا (بصیاح) : لا عفیة حباب لا تضربني والله مراح اصیح بعد....

تقدم اسامة باتجاهي و رفع ایدیه و هو لازم الچاکوچ و اني غطیت راسيي بسرعـــة حتی احتمي من الضربه ...... فجٲه سمعت صوت كسر عالي فتحت عیوني و شفت اسامة مكسر الكلبچ الي بٲیدي

نتالیا (ببکاء و صدمة) : ااااا .. وین امي ،،،، وصلني الها بداعتك

اسامة تقدم و حضني قوي حییل وباس گصتي ،،، حسیت بامان بعمري ما حاسه بیه ،،،، و انصدمت بطلقه ضربت اسامة من ناحیه الظهر صیحتتت بكل قوتي ،،،،،،

نتالیا : اسسسسسسسسامةةةة !!!!

سیف : نتالییییا لچ نونو ...!!!

یوسف : نونو گعدي شبیچ ،،،

فتحت عیوني و اني متمدده بسریري و خدي كله دموع من البچي و یوسف و سیف و امي واگفین علی راسي ...

یوسف : نونو فدوة شبیچ خرعتینه ...!

نتالیا (بتعب) : اني وین،،، شكو شصایر ؟؟

ام نتالیا : عمت عیني يمه انتي گلیلنه شبیج بس تصیحین و انتي نایمه..

اهنا عرفت اني چنت احلم ،،، ما ادري حلم هذا لو كابوس ،،،

سیف : هسه افتهمنه شفتي كابوس و فزیتي بس فهمینيه اسامة منو ؟؟؟؟

یوسف انطاني ماي وچنت اشربو بس من سمعت حچي سیف اختنگت و گمت بس اکح

یوسف : حتی بالماي تختنگین .. واللە هاي ما صایرة

خجلت كلش من سیف ،، هسه شگلە ،،، لو احچي عبالهم اني میته بیه و ینطوني اله ،، لو اسكت یشكون بیه عبالهم مكپلە
باوعت لعیون امي بخجل ،،، كٲنو انتضر منها ترد علیهم

سیف : شبیچ صفنتي مو سٲلتچ جاوبیني ؟؟؟

ام نتالیا (بتوتر): سیف یوووم ،،اسمعني الیوم بیت خالتك هدی اجوي و خطبو نتالیا لاسامة فامبین حلمت بیه طبیعي كلش

سیف (بتعجب): شنووو ؟؟؟

یوسف (بتعجب و استهزاء): شنوووو ،، منووو ینطون المنووو ،، خطبو منووو،، هااا فهموني اني دا اسمع عدل لو شنو ،،، صار عندي Erorr

اني من الخجل دنگت راسي و ما رفعته ابددد

سیف : یووم وانتي شگلتیلهم ؟؟

ام نتالیا : و الله گتلهم عندها اب واخوان اطلبوها منهم

یوسف : من كل عقلهم ننطي نتالیا

ام نتالیا : لیش ابني شبیه اسامة ؟

یوسف : ما بي شي بس بعدها صغیرة ،،، بعدنه ما شبعنه منها ( حچە و هو یگرص خدي)