قزومتــي المــسودنة 💕

واسطة 😜 p.18

سیف : بس نتالیا مخطوبة لغیر واحد ...

ابو صهیب (بتعجب) : شنوو ؟؟

اسامه (بعصبیة) : شلون ؟؟ ( وباوع علی نتالیا ) ..

ابو سعد : مو عیب هالحچي ابو سیف ،،، شنو احنه لعبه بایدیك ؟؟

ابو سیف : لا حشاكم بس والله الولد رادها بالحلال و صارت القسمه ...

ایاد : یعني عقد علیها لو لا ؟؟؟

ابو سیف : لاا

ایاد : عجل بسیطة ...

سیف : یعني شنو بسیطة ؟؟

ایاد : یعني هاي الخطوبة راح تتفركش و نتالیا مراح تصیر لغیر اسامه ...

یوسف (بعصبیة) : لیش عبالك الشغله بكیفك ؟؟

ایاد (بعصبیة) : ايي بكیفي والي گلتە راح یصیر ...

یوسف (بعصبیة و صیاح) : للاااا اشو مو بكیفك ... !!

ابو سیف (بصیاح) : یوسففففف !!!!! مو هیچ عیب ..

یوسف ما رد علیه ...

ابو صهیب : ابو سیف گلي منو هو هذا الي ناوي یتزوجها ؟؟

سیف : واحد نعرفه ...

ایاد : و شسمه ؟؟

ابو سیف : اسمه علي ...

ابو سعد : شیشتغل ؟؟

ابو سیف : هو صیدلاني و عنده صیدیله ....

ایاد : هاي الصیدلیه الي صایره براس الفرع ؟؟؟ .....

ابو سیف : اييي ...

ایاد : ايي اعرفه ..

ابو صهیب : صدگ .. !!

ایاد : اي والله ابن عمه ظابط ویایه ...

سیف : اي صحیح ابن عمه ضابط ...

ابو سعد : عجل اذا هیچ السالفە انحلت ...

ابو سیف : شقصدك ابو سعد ؟؟؟

ابو صهیب : كلشي راح تعرفه بوكته ...

ایاد : یصیر خیر ...

ابو سیف : الله كریم

ام سیف : ولیدي ایاد عجل امك اشلونها ؟؟

ایاد : الحمد لله یا خالتي چانت تسلم علیچ ...

ام سیف : و علیکم السلام عجل لیش ما اجت ویاکم چنە نتونس شویە ...

ایاد : واللە یا خالتي امي من وره ما توفی ابوي و هي اعتزلت الطلعه ابد ما تطلع بره ....

ام سیف : سودة بوجهيي لیش یا بعد خالتك ؟؟

ایاد : والله عاد اسٲلیها لیش ؟؟ ..

ام سیف : شنسوي بعد ما تنلام یا ابني ما تنلام اترملت بعز شبابها ...

ایاد : اي والله ...