قزومتــي المــسودنة 💕

زواج 💗 p.25 * ج٢

مساء الخـيــــ«🥀»ـــــر ...

طبعا حبيباتي البارحه و اني صايمه باوعت لتقويمي و شفته مكتوب يمي يوم الاستراحه كيفت 😃و گلت الله شبسرعه اجت يوم استراحتي و رحت مباشرةً بدلت و طفرت لبيت خالي ،،، اشو بالليل المتابعات كلهن يسألني عن البارت و وحده تگول انتي ناشره بس بارتين و چان اراجع التقويم و اشوف الاستراحه بعد يوم 😂🤦‍♀️ ردت انجلط والله الظاهر من الجوع گمت اتوهم ...
المهم حبيباتي اعتذر منكم حيل مسحوها بوجهي 😂😂 المره الجايه ركزوا ويايه لان ابشركم اختكم صاير بيها زهايمر تنسى بساع 😂😂 ...
واليوم عوضتكم ببارت طويل ... بيه احداث هواية ان شاء الله يعجبكم ...
و بالنسبه للنشر رح استمر انشر لتلث ايام بعد بدون استراحه ... شسوي ابتليت 😂

قراءه ممتعة للجميع ❤️ ...

#قزومتــي المــسودنة 2💕

للکاتبە °l||l°( ℣õ℣õ )°l||l° 💕

▁ ▂ ▄ ▅ ▆ ▇ █ P.25 * ج٢█ ▇ ▆ ▅ ▄ ▂
▁

تالين ... چنت گاعده و استمع للشعر و احس گلبي يريد يطلع من ضلوعي ...

تالين( بضحك ) : ممصدگه هذا انته ادهم ؟!
ادهم : بعد هم گولي مو رومانسي يلا ...
تالين : هههههههه ...
ادهم : شتريدين بعد حتى شعر كتبتلچ ...
تالين ( بضحك ) :  شكرا احمد شوقي تعبناك ...
ادهم : هاي تصنفين ولچ ...
تالين ( بضحك ) : لا و الكعبه قرحانه لان متغير ...
ادهم : لعد شلون اني مو گتلچ اني بس انطيني فرصه و شوفي شون رح اتغير ،،، و هياتني گد كلامتي ...
تالين : فعلا د الاحظ ...
ادهم : تالين والله العظيم ممصدگ و اخسرا رح تصيرين اليه و اخيرا الله هداچ و وافقتي ،،، ممكن اسالچ سؤال ؟؟
تالين : اكيد ...
ادهم : ليش غيرتي رايچ بيه ؟؟ يعني ليش وافقتي ؟؟ بس ها اريد الصراحه ...
تالين : ماشي ،،، لان حبيتك ...
ادهم : كون اشتعلت عشيرتك يا ادهم ... لان شنو عيديها بالله ...
تالين ( بضحك ) : لان حبيتك ...
ادهم : شنو الي خلاچ تحبيني مو انتي علساس ما عندچ اي مشاعر بگلبچ تجاهي ....
تالين : بس هسه اكو ،،،
ادهم : و شنو الي خلاها تنوجد ...
تالين : يمكن مراح تصدگني اذا گتلك بس عصبيتك و عياطك عليه همه الي خلوني احبك ،،، انته تدري وره ما سافرت و عفت العراق بالبدايه چنت اگول عادي و حلو ارتاح منك و تقيدك اليه ،،، بس وره فتره حسيت اني مو مرتاحه حسيت انو اكو نقص بحياتي مثل الطير الي چان محبوش بقفص و واحد يداريه بس وراها اتحرر العصفور و راح لف الدنيا كلها بس محس بالسعاده و رجع يدور على صاحبه ...
هيچ اني چنت من رحت اني الطير الي گعد باب القفص يتانيك ترجع اداريه ،،،
ادهم : هياتني رجعتلچ مثل الطير الطاير ...
تالين : تدري وره ما رجعت انتقمت منك خوش انتقام ،،، هالمره ما دخلت القفص وحدي جريتك ويايه و اثنيناتنه دخلنه بقفص ذهبي ...
ادهم : احلى انتقام و ربي يا ويت كل الانتقامات هيچ حتى اضل اگابلچ ...
تالين : ههههههه ...
ادهم : فدوة اروح لهالضحكه ...
و طبت ياسمين للغرفه ...
ياسمين : سلميلي على حبيب الگلب ...
تالين : هههه حيوانه ...
ادهم : هاي ياهي منهن ...
تالين : اكو غيرها اختك الداهيه ... تسلم عليك
ادهم : الله يسلمها بعد اخوها ...
ياسمين : گليله باچر يمتى يجي ياخذنه للسوگ ...
تالين :  اگلك ادهم ..
ادهم : غردي يعيون ادهم  ...
تالين : عمه گالت باچر تجي تاخذنه و نروح نشتري ذهب و ناجر فستان يا وكت بالضبط رح تجي ؟؟؟ 
ادهم : انتي يا وكت تلگي زين اني اجي و اخذچ ...
تالين : ياسمين يا وكت نروح ...
ياسمين : العصريه زينه ...
تالين : ساعه ٣ تگدر تجي تاخذنه لو عندك شغل ؟
ادهم : كولش زين ما عندي اشكال ...
تالين : كولش زين لعد اني اروح انام ... تصبح على خير ...
ادهم : و انتي من اهل الخير ...