قزومتــي المــسودنة 💕

اختيار عقل 💭p.17 * ج٢

مساء الخـيــــ«🥀»ـــــر
حال #ادهم ...
اقروا البارت و راح تفتهمون

قراءة ممتعه للجميع ❤️ ...

#قزومتــي المــسودنة 2💕

ادهم ...
من گتلك احبك مو طمع وياك ...
و لا كل غايه عندي لا غلط تفهمني ...
حبيتك لان تختلف عن الناس ...
و كولشي ما ردت منك بس اقترب مني ...
اريد انظر بعينك و اصفن عليك ...
و اشوفك مثل ما احبك تحبني ...
بيش تريد احلفلك تراني دايخ بيك ...
و ردتك يمي تبقى و ما تفارگني ...
احلفلك احبك و لا تصدگ انساك ...
انته تعيش بيه و امر تأمر ...
يا اول عشگ عندي عايش بصميم احشاي ...
شنو هو معنى الوفى بهالوكت فهمني ؟؟؟

تالين ...
لا تحبني ...
الدنيا ما خلتلي واهس ...
و ارجع اهوى ...
الدنيا كسرتني بشكو ابنادم ...
گلت بس هو يسوه ...
لا تحبني ...
الدنيا اخذت حيف ...
كل ضحكه عشتها ...
و لحظة حلوه ...

( منقولات )

للکاتبە °l||l°( ℣õ℣õ )°l||l° 💕

  
    ▁ ▂ ▄ ▅ ▆ ▇ █ P.17 * ج٢█ ▇ ▆ ▅ ▄ ▂ ▁

تالين ...
توسعت عيوني من الصدمه هذا شدا يخرط ... اباوع لعمه مريم منصدمه مثلي ...
غسان : بس اني من سألت دكتوره مريم گالت مگلتلي هيچ ،،، صح دكتوره لو اني غلطان ؟؟
دكتوره مريم ( بتوتر ) : هاا ... هو شكو شنو صاير ...
ادهم ( بعصبيه ) : اسمع لك من الاخير جاي اگلك تالين خطيبتي و لتتقرب منها افتهمت لوو افهمك ؟
غسان : احترم نفسك تره اني متحملك لخاطر تالين و الدكتوره مريم ...
ادهم : لتجيب اسمها على لسانك يا نگس لتخليني ابتلي بيك اهنا ...
غسان : مع الاسف منچ دكتوره و من ابنچ چنت حاسبكم خوش ناس و رايد القرب منكم بس الظاهر ماكو نصيبب ...
ادهم : كووولش ماكو نصيب ...
غسان : كولشي مكتوب عموما ،،، مبروك اخت تالين عالخطوبه ...
( و دار وجهه و راح متنرفز و ينفخ )
ادهم : يطبك صخل اعور انعل ابوك لابو الخلفك مسوي روحه براسنه زلمه ...
تالين ... فقدت من سوايه ادهم حيل نرفزتني يعني خلاني بنص هدومي گدام الوادم انوب انس الي كرامتي بالمستشفى لحد هسه محد سامع صوتي ... صرت اعصاب بدرجه مخيفه بحيث ردت الزمه لادهم اگطعه ...
مريم : شنو هذا الي سويته ادهم ؟!
تالين ( بعصبيه ) : لككك انته اتخبلت اكيييد اكييييدددد تدري بروحك  شسويت هسه ؟!!!!
ادهم : اي اني مخبل ،،، امشوا ويايه للبيت ... ( و لزم ايدي و يدفعني وياه )
تالين ( بعصبيه )  : وخررر ولك ايدك لا الم المستشفى عليك ..
ادهم : احچي عدل تالين لا افرك حلگچ تره واصله لي هنا ( و اشر على خشمه )
تالين ( بعصبيه ) : اني الواصله عندي لي هنا منكك ،،، فضحتني گدام اليسوه و المايسوه كرامتي راحت صارت بالطين ...
ادهم : امشي لا گدامي خلي لا ابلل الطين الي صارت بيها كرامتچ ...
تالين ( بعصبيه ) : تره اني ما اتشاقه انته مريض نفسي لازم تتعالج ...
ادهم ( ببرود ) : اي عود بعدين عالجيني يا دكتوره امشي يلااا ...
چان مستمر يحچي ويايه ببرود و يدفع بيه طلعنه من المستشفى و اني ادردم و بس اريد اوخر منه بس هو ضخم و مسيطر عليه ،،، و عمه مريم تركض ورانه و تگول ...
دكتوره مريم : ادهم شنو هالتصرفات خزيتنه گدام الوادم عوف بت عمك خل تمشي ...
مهتم ابد لحچي عمه ،،، وصلنه يم السياره و صعدني و اني ادردم و صعدوا هو و عمه لي گدام باوعلي من المرايه بنضره انتصار ...