قزومتــي المــسودنة 💕

البارت الاخير 🕊 p.34 * ج٢

قراءه ممتعة للجميع ...

#قزومتــي المــسودنة 2💕

للکاتبە °l||l°( ℣õ℣õ )°l||l° 💕

   ▁ ▂ ▄ ▅ ▆ ▇ █ P.34* ج٢█ ▇ ▆ ▅ ▄ ▂

نيڤين ...

چنت گاعده بغرفتي اباوع للسونار الي بارحه سويته ... و اتذكر كلام الدكتوره من گلتلي الف ميروك بيچ توأم ..
چنت فرحانه حيل و اسر اكثر مني ...

ابتسمت وانس اتخيل ولدي بحضني و ابدللهم و اربيهم ،،، شعور حلو ...
و چان اسمع صوت هوسه جوه و تحولت الهوسه لصريخ و عياط ،،، خفت حيل و احس گلبي يريد يطلع من مكانه من الخوف ..

گمت مديت راسي من المحجر و چان انصدم اكبر صدمه ،، اسر و حسين يتكاونون و يتلاوون اسر نار يضرب بحسين و هو يقاومه ...
كولشي چنت اتوقع بحياتي بس اني اشوف ذوله الاثنين بهذا الموقف لا مستحيل ...

نزلت دمعتي على خدي و اني ما اعرف المن رح ادافع من جهه حبيبي و ابو بيتي و ابو جهالي و زوجي ،،، و من جهه اخويه الوحيد و سندي ...

حسيت برجليه ترجف من الخوف و ما عرفت شلون نزلت بساع بس اريد افاككهم كولشي ولا اسر و حسين ...

محسيت الا رجلي انزحلگت و الم قوي ببطني و الدنيا تغوشت بعيوني ...

ايتاج ...

اسر ركض كل قوته عليها و يهزها و الكل مخبوص ماما گعدت تلطم و اني كل جسمي يرجف من الخوف و حسين حاير يريد يتقرب منها اسر يدفعه و هو فاقد ...
اوسيد بساع ركض شغل السياره و اسر طلع و شايل نيڤين الي فاقده وعيها و ساقوا مثل تلطقله للمستشفى و حسين وراهم بسيارته و اني و ماما و بابا بسيارتنه ...

وصلنه اهناك و اخذوا نيڤين من عدنه اباوع لاسر شون متخبل مثل الطفل الي مضيع امه حاير و خايف و احس بيه بالگوه يمشي ...
حسين انگس من اسر و اجوا عمه نتاليا و عمو اسامه و تالين و ادهم و الكل مخبوصين ...
طلع الدكتور و الي فهمنا منه انو الاجنه واحد منهم ميت و مسقطته و الثاني على تكه و نص حالته ممستقره و نبضه ضعيف يعني باقي بايد الله يحيه ...

چان هذا الخبر مثل الفاس الي وگع على روسنه و خصوصا اسر و تخربط و وگع بالگاع و صار عنده هبوط حاد بالضغط و حسين مثل المصدوم اعرف بيه يلوم بنفسه على السالفه ،،،
اما اني كلما انذكر فرحه نيڤين و اسر بالطفل انقهر اكثر و ارجع ادعي كون الثاني الله يبقيه الهم اقلها يصبرهم ...

يومين و احنه باقين بالمستشفى من وره سالفه نيڤين الكل نسوا سالفتي ،،، آسر ما ينحچي وياه كل الوكت مگابل نيڤين بالغرفه و گاعد و كلنه نراقب حالتها و وضعها لحظه بلحظه ...

ثالث يوم طلعنها من المستشفى وره ما استقرت حاله الجنين تقريبا بس الدكتور ضل يوصي بينه ندير بالنه عليه كولش زين ...