قزومتــي المــسودنة 💕

اغلاط😞 p.4

نتالیا،،،

دا اسمع صوت ،،،، شنو هالهوسة ؟؟؟ ،،،،،، اخخ گلبي یوجعني ،،، فتحت عیوني ،،،،،، كل الي اشوفه سقف ،،،،، بس هذا یختلف عن سقفیة بیتنه ...... شكو اني وین ... رفعت راسي ارید اگوم ،،،، قاطعني ،،،

ابو سیف : اتمددي بابه ارتاحي ...

نتالیا (بتعب) : لیش بابه اني وین ؟؟؟

ابو سیف : انتي بالمستشفی ..!

نتالیا : لیش شصایر ؟!

ابو سیف : ما صایر شي ،،، بس صار عندچ تنگ نفس و اغمی علیچ فجبناچ اهنا حتی یخلولچ اوکسجین

(نتالیا) اهنا اني تذكرت كلشي صار .... و ردت ابچي بكل قوتي بس ما اگدر استحي من بابه خاف یسألني لیش تبچین ،،، شویة و طب علینه واحد اني ما اعرفه و گال ،،،

ایاد : شلون صارت عمي ؟؟ (حچە وهو مدنگ راسه)

ابو سیف : الحمد لله هسه زینة ،،

ایاد : الحمد لله ،، عجل اني اروح احاچــي الدكتور اشوف یقبل نطلعها ،،،

ابو سیف : لا ابني ،، انته ضل هنا اني راح اروح احچي ویاه و فد مرة اخابر البیت هسه اكید بالهم یمها ....

ایاد : علی راحتك عمي ،،،

بابه طلع و راح و هذا الرجال ضل واگف عل راسي ،،، شكله یخوف حسیته عصبي ،،، لاحظت شرایین رگبتە بارزە،،،، شویه و اندار و باوع علیه ... صفن شویه و حچتە ..

ایاد : وین یوجعچ ؟؟

اشرتله بمعنـی گلبي یوجعني

ایاد : مدا اتشاقه ...

نتالیا : لیش منو گلك اني اتشاقة ؟؟!

ایاد : یعني گلبچ یوجعچ ؟؟

نتالیا : اي ...

ایاد : لیش ؟

(نتالیا) اختنگت و ما تحملت رئسا بچیت ...

ایاد : لیش تبچین ؟؟

نتالیا (ببكاء) : ما ادري....

ایاد : وین اكو وحدة تبچي بلا ما تدري ،،، بیچ شي ؟؟ احد مزعلچ ؟؟ احچي...

استحیت اگلە ،،، حتی اني ما اعرف منو هو ؟؟؟ لیش احچیلە

هزیت راسي بمعنی لاء و گلت ...

نتالیا : لا ما بیه شي !!!

ایاد : عجل لیش کل هالدموع ؟؟؟

سكتت و ما جاوبت

( ایاد ) ما ادري شبیها هاي ،،، چنە گاعدین بالاستقبال شویە و سمعنە عیاط و صیاح ركضنه و شفت بنیة واگعە بالگاع و کلهم ملتمین علیها ،،، اجه سیف بساع شالها و ركض بیها بره ،، اني سبقته و شغلت سیارتي و صحت یجي یصعد حتی اوصله للمستشفی ،،،