مساء الخـيــــ«🥀»ـــــر ...
اسفه حبايبي عالتاخير بس چانوا عدنه ضيوف و بالگوه كتبت ...
المهم بالنسبه للخبر الي رح يصدمكم بالبارت لتستعجلون ،،،هستونه گلنه حلال جايتكم احداث نار 🙂 ..
قراءه ممتعة للجميع ❤️ ...
#قزومتــي المــسودنة 2💕
للکاتبە °l||l°( ℣õ℣õ )°l||l° 💕
▁ ▂ ▄ ▅ ▆ ▇ █ P.26 * ج٢█ ▇ ▆ ▅ ▄ ▂
▁
نيڤين ...
عمو مؤيد گال هيچ و اني حسيت الدنيا انگلبت فوگ راسي ،،، باوعت لبلال يباوع عليه رجعت باوعت لتالين و اريد ابچي اشرتلي بمعنى اياچ تبچين ...
دنگت و گمت للمطبخ و افتر و لازمه راسي احس راح اوگع من طولي .. لحگتني تالين و طبت و سدت باب المطبخ ... لزمتني و گالت
تالين : اياچ تبچين ...
بعدها ممكمله حچيها نزلن دموعي وابچي ...
تالين : استفرك ربي بس فهميني عليش كل هذني الدموع ؟؟
نيڤين ( ببچي ) : مسمعتيهم شگالوا ...
تالين : انتي مو تحبين اسر ؟؟
نيڤين : واذا حبيته بشنو رح يفيد ...
هزتني من ايدي و گالت ...
تالين : باوعي بعيوني من احاچيچ جاوبيني يلا تحبين اسر لو لا ؟؟
نيڤين ( بصوت ناصي ) : اي ...
تالين : مدا اسمعچ تحبيه لو لاااا ..
نيڤين ( ببچي ) : اي اي والله احبه احبه ...
تالين : لعد ليش هيچ خابصه روحچ !؟؟
نيڤين ( ببچي ) : لتخبليني مسمعتي شگالوا يريدوني اتزوج ابنهم ...
تالين : عادي حبيبتي تره همه بس متقدمين احد گلچ حاطين السچينه على رگبتچ تعاي الا تتزوجيه شبيچ اتخبلتي مو كولشي يصير نيڤين اتعلمي تواجهين المشاكل ...
نيڤين ( و گمت امسح بدموعي ) : يعني يصير ارفض مو ؟!
تالين : لا الا لازم توافقين و بشرط باچر عقد المهر و عگبه الخطوبه ،،، بشرفچ نيڤين لتخليني اكلچ تره بالگوه لازمه نفسي والكعبه ... غبائچ خلاني اتخيل شكلچ مثل الكنتاكي ...
و طبت ياسمين ...
ياسمين : بنات شبيچن اختفيتن فجئه ...
تالين : غير الاخت تبچي عبالها سمعت خبر اعدامها مو جاييها خطابه
نيڤين : عفيه شگال بابا ياسمين خوما وافق ؟؟
ياسمين : لا يمعوده يا موافقه گال انطونه مهله نفكر ...
نيڤين : اووف الحمد لله همزين موافق رئسا ...
تالين : هي تايهه و ننطيچ رئسا شبيچ نيڤو ؟؟...
ياسمين : اي والله شبيچ بالله تالين لو تحچي هيچ نگول عادي الحمل اثر على عقلها بس انتي ليش ...
نيڤين : ما ادري اريد اصعد لغرفتي ارتاح شويه راسي رح يطگ ...
نيڤين ... اول مطلعت للصاله و صاحتني ماما ...
نتابيا : تعاي ماما نيڤين ...
چانت ماما امبينه عليها فرحانه و تضحك ويه خاله ايمان و اني هموم الدنيا كلها على گلبي ،،، ابتليت و رحت گعدت يمهم ...
و بيلا استلمتني ...
بيلا : هسه انتي مرحله ثانيه صيدله مو ؟؟
نيڤين : اي ...
بيلا ( بابتسامه ): ماشاء الله چنتنه سچاچه ...
نيڤين ... ردت اطگ من حچت هيچ و متحملت گتلها ...
نيڤين : لا عفيه لا تگولين هيچ ...
باوعتلي بتعجب و شالت تك حاجب و گالت ...
بيلا : شنو ؟!
نيڤين ... گمت اتمتم و گتلها ...
نيڤين : احمم ،، يعني لتگولين چنتنه بعدنه كولشي مصاير ...
ابتسمت و گالتلي ...
بيلا : ما ينلام بلال من يخبص الدنيا عليچ ...
نيڤين ( بتعجب ) : شلون ؟!
بيلا : هو حرصچ هذا و ادبچ و اخلاقچ اكثر شي خله بلال يتخبل عليچ ...
نيڤين : مفتهمت حچيچ شلون اتخبل عليه بالله ...
بيلا : يعني هو من زمان يصيح اخطبولي نيڤين بنت خاله نتاليا ،،، بس بوكتها انتي چنتي صغيره بعدچ صف خامس و ماما ضلت تصبره و تگول خلي اطب تتخرج من السادس تخرجتي و رجع يگول اخطبولي اياها و ماما تگله خلي تكمل اول سنه ... و من شافچ بعرس تالين رجع خبص الدنيا بالبيت يگول ليمته اضل انتضر لحد ما تتعين عاد ماما هم گالت نروح نخطبها اله ... هو كلش معجب باخلاقچ يگول حيل مؤدبه و فقيره مو مثل بنات هالوكت ...
نيڤين : و هو اخوچ وين شايفني حتى يعرف باخلاقي ؟؟
بيلا : ما ادري بس يمكن بحنه رؤيا شايفچ و حاچي وياچ و شكم مره اجينه لبيتكم و ماما هم كل مره تضل تمدح بيچ و باخلاقچ گدامه ...
باوعتلها و تذكرت نظراته اليه بذيچه اليله بحنه رؤيا اني چنت افكر باسر و هو فكره ويييين ...قاطعت صفنتي بيلا ...
بيلا : تره اخويه يحبچ و رح يسعدچ فكري زين ...
انطيتها ابتسامه مزيفه و دنگت ،،، و اگول بگلبي سعادتي اختفت و راحت من يوم ما انشمر اسر بالسجن ...
و حچه بابا
أنت تقرأ
قزومتــي المــسودنة 💕
Roman d'amour❃❃❃❃❃❃قــزومتي المسودنــه❃❃❃❃❃❃ روایة تتضمن ... ➣ الرومانسيـة ❤ ... ➣الكومیدیا 😂 ... ➣التشویق 💥... ➣ الدراما 🎼 ... تتناول اكثر من قصه واحده و تتضمن شخصیات هوایة .... و ما تركز علی شخصیه محددة .... طبعا هاي الروایة خیالیه ،،،،، من خیال الكاتبة...
