قزومتــي المــسودنة 💕

قلق الاب 🧔🏻♥️ p.7 * ج٢

#قزومتــي المــسودنة 2💕

دگت اجراس الوداع بلايا صوت ...
و ماتت ضحكتنه قبل لا تنولد ...
املنه نلتم بس اثارينه نروح ...
فرگاتنه الظروف و حيل رح نبتعد ...
عدنه صور هواي ضلن ذكريات ...
حتى ويه صورك اسولف مستعد ...
اهنا ضحكنه و اهنا لعبنه و اهنا ،، الوداااع ...
ذبلت ضحكتنه و يبس غصن الورد ...

( منقول )

للکاتبە °l||l°( ℣õ℣õ )°l||l° 💕

    ▁ ▂ ▄ ▅ ▆ ▇ █ P.7 * ج٢█ ▇ ▆ ▅ ▄ ▂ ▁

نتاليا لطمت على صدري : شلوون ؟!! 
اسامه : معقوله اسر يبوگ ؟!!!
حسين : مستحيل بابا اصدگ لك اسر صاحبي و اخوي و اني الي اعرف طبعه ما بيوم يمد ايده عالحرام ..
تالين : يعني لو تفكرون بالعقل اسر مستحيل يطمع بفلوس غيره ابوه ماشاء الله عنده خير من الله فلوس و ما مقصر وياه  ليش حتى يمد ايده عالحرام ...
نتاليا : يبوووووو يا اماني راح ولدها راح منين يجيبون ٢٧ دفتر هنا هناك ...
اسامه : امشي نروح اهناك بساع ...
حسين : يلا ..
نتاليا : اني هم اجي وياكم ...
حسين : انتي وين تجين يا يوم ؟!!
نتاليا : ما اعوف اماني بكسرتها هسه اكيد تولول على ابنها الله يعينها ... عالاقل اساندها ...
تالين : اي احنه هم نجي ...
اسامه : عجل بساع لبسن عباياتچن خلي نوصلهم ...
تالين اباوع لنيڤين متصنمه و كلمه متنطق بساع ركضنه اني و امي جبنه العبايات و نزلت اشوفها على وگفتها بس الدمعه تنزل على خدها ...
حيل خفت من موقفها و رحت لزمتها من زنودها و هزيتها ...
تالين : نيڤين شبيچ ؟؟؟
ضلت تباوعلي بصدمه و اي كلمه متحچي ...
و زگح بابا ...
اسامه : امشن يلاااا ...
ركضت فوگ جبت عبايتها و خليتها على راسها و لزمت ايدها امشيها مثل الطفله ورايه ... وصعدنه السياره ...
حسين يسوق مثل الطلقه ردنه تلث مرات نسوي حادث لو ما الله ستر ...
وصلنه هناك و كالعاده هوسه ...
د انزل من السياره و نيڤين مثل الصنم الا اني امشيها ...
د اطببها للبيت و چان يحي ريح ( هوى ) قوي نزع العبايه من راسي ... بساع عدلتها و اتلفتت اشوف محد لاحظ
چان اشوف الغضب صافن و يباوع عليه بصراحه تخيلته رح يعيط عليه مثل كل مره من الخوف اتلفتت و غطيت شعري و وجهي هم جريت نيڤين و طبينه بساع جوه ...

الكل داخل بحاله صدمه الي متوقعوه هو انو اسر يبوگ ... الاغلبيه مجاي تصدگ و خصوصا احنه ... لان ندري باسر  اسر كولش عزيز نفس ... اذا هو مقبل من ابوه يشترياه سياره و گال اشتغل و اشتري بفلوسي  يريدون هسه نصدگ انو اسر بايگ مستحيل سالفه مطب العقل ...

$$$$$$$$$$$$$$$$$$$$$$$$$$$$$$$$$$

بنفس الوقت بديوان الزلم ...

حسين ...
احنه الولد واگفين بره الديوان مغطين وجههنه و شايلين السلاح
حذرا لاي رمي او شي ...
الشيوخ الكبار كلها مجتمعه جوه و يتفقون ..
چنت واگف يم باب الديوان و تقريبا اسمعهم شيگولون ...
الحجي خالد : اني مستعد ابيع كولشي عندي بس ما يتأذه احد و ابني يطلع سلامات ...
اياد : هو هذا المبلغ هم قليل ٢٧ دفتر هنا هناك منين ادبره ...
الحجي حالد : رح ابيع البيت و سايرتي و اسحب قرض من البنك و اداين
ابو چاسب : صدگني يا ابني لو شما بعت مراح تگدر ادبر هيچ مبلغ چبير ...
الحجي خالد : اقلها اجمعلي مبلغ متقارب و انطيهم اسد حلگهم بيه بس اخلص من هاي الطلابه و اطلع ابني ...
الشيخ عبد الجبار : لا يا ابني لا ولدك كلنه نعرف بيه زلمه ابن زلمه ما يسويها و همه تهمتهم اله باطله عليش ننطيهم هذا المبلغ الچبير ...
اياد :يا شيخنه اني سالت على عائله الولد هواي يگولون ناس حشاكم خجر فلس احمر ما عدهم متگلولي ابنهم منين جاب التسع دفاتر اذا همه لحد هسه ساكنين بايجار و انوب وين اكو واحد يفتر و شايل وياه هيچ مبلغ ...
الشيخ عبد الجبار : اي والله يا ابو ادهم سالفه ما اطخ العگل ...
تراها امبينه حي على الصلاه ناوين تالي عمرهم يعشعشون براسنه و ياخذون من خيرنه ...
اسامه : هم يمكن سامعين بحاله الحجي زينه و متمكن رايدين يستغلون الفرصه ...
الشيخ شعلان : اسمعوني يا جماعه الخير انه من رأيي متنطوهم و لا فلس و شكا يسوون هل يسوون ...
الشيخ عبد الجبار : صدگ يا شيخ شعلان تهديداتهم كلها چذب و الا اذا همه من صدگ زلم و بيهم خير چان هدوا علينه من اول ساعه ... مو هسه جايين هدادين براسنه ...
ادم : السالفه كلها بالمختصر طمعانين بفلوسك يا حجي ...
الحجي خالد : زين و ولدي شون يا شيخنه ...
الشيخ عبد الجبار : يا حجي خالد انه و الشيخ شعلان رح نروحلهم و نگللهم يابه هنه ٥ دفاتر رح ننطيه الكم راضين عالعين و عالراس باچر تتنازلون عن القضيه لا محاكم و لاشي و كل من ابيته ما موافقين غير هذا الحل ما عدنه و شتسوون سوو ...
الحجي خالد : و اذا ما واققوا ...
الشيخ شعلان : رح يوافقون ذولو النماذج بحسره الفلس من الله يدورون هيچ طلايب يكسبون براس الوادم قبوس ...
الحجي خالد : هاي هي لعد توكلنه على الله ...
الكل : توكلنه عالله ...