قزومتــي المــسودنة 💕

حب للموت ♥️ p.13 * ج٢

مساء الخيـــ«🌸»ــــــر  ...
استأسف منكم حيل لان نشرت متأخر ،،، چنت محضره البارت و كولشي بس النت يمي چان فاصل و هسه رجع  .. حبيت اگللكم شوفوا التصميم ☝️☝️...
يمثل #حسين و #سيلين  ...
اقروا البارت و رح تفتهمون ...

قراءة ممتعه للجميع ♥️ ...

#قزومتــي المــسودنة 2💕

الروح من تذكر ولف ،،،
تلعب لعب بالعافية ...
شمدريني الثواني عناد ،،،
من تمشين ما يمشن ...
و مدري ليش ؟؟؟
الجدم تتراجف على دروب النودهم ...
و المصيبه !!!
علينه ما يرجف گلبهم ...
گلي شحچيلك بعد ؟؟؟
غازلتك غزل بي تخدر الحيطان ،،،
بس شو انته اي احساس ما عندك ...
خشن علينه گلوبهم ،،،
بس مشكلتهم عزااااز ...

( منقول )

للکاتبە °l||l°( ℣õ℣õ )°l||l° 💕

▁ ▂ ▄ ▅ ▆ ▇ █ P.13 * ج٢█ ▇ ▆ ▅ ▄ ▂ ▁

حسين ...
الباب يندگ انخبصت اعدل بشعري و احط عطر و عدل نفسي و فتحت ...
و اشوف تالين و ايلين و نارين و رؤيا واگفات گبالي ...
حسين : شكو ؟!
تالين : ممكن تطلع من الغرفه اريد اقيس الفستان مال حفله التخرج ..
حسين ... طلعت من الغرفه و اني كولشي ممفتهم ... رجعت خابرت نيڤين ...
حسين : ولچ نيڤين اني گتلچ دزيلي سيلين لو الفرقه التاسعه ...
نيڤين : يمعود اطلع للحديقه سيلين اهناك خابرت تالين و گتلها تلبس الفستان الي مشتريته و تدزلي صور و گتلها تروح تقيسه على رؤيا و ايلين هم لان اريد اشوفهم و خابرت سيلين و گتلها انتي ضلي بحجه تنضفين الحديقه و تغسلين الطرمه لبيبي ...
حسين : لچ شنو هالعقل من فدوه رحتلچ خلص هديتچ عليه ...
نيڤين : ما اريد عديه انته بس اطلع للحديقه و فضني ها و من اخابرك اطلع من البيت مو تروح اتچلب ما بينه حيل مشاكل ...
حسين : ان شاء الله ...
سديت الخط و رحت للحديقه ،،، اشوفها گاعده عالمرجوحه و لازمه خصله من شعرها تلعب بيه ...
رحت وگفت گبالها و اني اتمعن تفاصيلها و ملامحها ... من شافتني فزت ..
حسين ( بضحك) : شدعوه هلگد اخوف اني ...
سيلين : لا بس ،،، منتبهت لوجودك ...
حسين ... گعدت بصفها و بس النظرات تتناقل بينه ،،، يمكن گدرت افهم كولشي بگلبها مت نظرات عيونها ... بس مكفاني النظرات ردت اتاكد و اريح گلبي ... كيرت حاجز الهدوء و گتلها ...
حسين : يصير اسألچ سؤال بس احلفي اتجاوبيني الصدگ ...
سيلين : والله اجاوب الصدگ ...
حسين : هم تحبيني مثل ما اني احبچ ؟؟
باوعت بعيوني و هدت راسها بمعنى اي ..
حسين : احچي اريد اسمع صوتچ ...
سيلين : يمكن احبك اكثر منا انته تحبني ...
حسين : يبووو من اشتغلت عشيرتك يا حسين ...
سيلين : هههه شدخلها عشيرتك خطيه ...
حسين : من يمتى و انتي تحبيني ؟
سيلين : من سنتين بيوم سويتوا عزيمه و اجينه يمكم ،،، يمكن انته مچنت منتبهلي بس اني حبيتك بوكتها لان شفتك مختلف عن الكل و تلطف الجو و تضحك مو مثل غير ولد گاعدين و ساكتين ...
حسين : اذا كل هاي السنين تحبيني زين ليش ما حچيتي ابد و لا اعترفتي ؟
سيلين : لان خايفه ...
حسين : من شنو خايفه ؟؟
سيلين : خايفه لا اتعلق بيك و اهلي ما ينطوني الك ...
حسين : ليش شبيه حتى مينطوچ ناقصني ايد لو رجل ؟؟
سيلين : مو تدري اني بيبي و جدو يگلولي لازم تزوجين ابن عمچ رائد ...
حسين : هاي گولات الكبار دائما يحچوها و خالي خوش رجال ما اطن اذا طلبتچ منه يردني و تالي هي كلها قسمه و نصيب قابل يغصبوچ عليه و انتي ما تردي ؟؟
سيلين : ما ادري ...
حسين : اسمعيني سيلين الله شاهد عليه اني احبچ و اموت بيچ و الله و نيتي وياچ كل الخير انتي بس اصبري عليه هيه اسبوعين لو تلاثه اكمل امتحاناتي و اجي و اجيب عمامي و اخطبچ من ابوچ ...
سيلين : صدگ تحچي ...
حسين : اي والله قابل اچذب عليچ اني احبچ و مو بس احبچ لا والله اعشقچ و اني مو من النوع الي اگعد العب ابنات العالم لا اني رايدچ حلالي و شاريچ و صدگيني رح اعيشچ بعيوني و الي تريدي يجرالچ والله اني ممصدگ نفسي هسه گاعده گبالي و تحچين تدرين شگد حلمت بهاي اللحظه چان كل خوفي لا اطلعين متحبيني ...
سيلين( حچت بعفويه ) : والله احبك حسين و ما احب غيرك ...
( و دنگت من الخجل )
حسين : فدوة رحت للتخجل شحلاتها كلمة احبك من تگوليها والله احس روحي تردلي وياها لا اني اذا اضل هيچ يمچ رح انجلط والله ...
سيلين : ههههه سلامتك ليش ...
حسين : كل هذا الحسن و الصوت الناعم و هم تگولين ليش ...
سيلين : يا وين صوتي اني ناعم ...
حسين : هو ما كاتلني و سامط جدي غير صوتچ ...
سيلين : هههههههه
( و اندگ تلفوني اشوفها نيڤين انطيتها رفض و گلت )
حسين : زين اريد اتواصل وياچ و اسمع صوتچ يصير تنطيني رقمچ ؟؟
سيلين : بس حسين اخاف من ابويه والله ...
حسين : بس اني مرايد منچ شي چبير هو بس رقمچ نتواصل رسايل و اذا سألچ عادي تگليله بحكم اني ابن عمتچ و مرات اسأل  و اطمن عليچ ...
سيلين : ماشي بس عفيه حسين مو تروح تگول لعمتي والله اخاف لا تفتهم غلط ...
حسين : صدگ چذب لا تخافين محد ما يعرف بالسالفه غير نيڤين ،،، و هي شكم اسبوع و تصيرين حلالي بعد ماكو داعي تخافين و تقلقين روحچ ...
سيلين : ان شاء الله ،،، بعدين اخذ الرقم من نيڤين ماشي ..
حسين : ماشي ديري بالچ على نفسچ اني طالع هسه لان فيلق البنات رح يطلعون بره و شيخلصني من لسونه تالين و ايلين ...
سيلين : هههههههههه ....
حسين : مخابرات همه غير يلا فيمالا ...
سيلين : الله وياك ...