قزومتــي المــسودنة 💕

ملگه الغريبين 💔 p.18 * ج٢

مساء الخـيــــ«🥀»ـــــر

بارت طويل علمودكم 💓
قراءة ممتعه للجميع ❤️ ...

#قزومتــي المــسودنة 2💕

حاير تضل لشوكت ؟؟
و عني تضل بعيد ...
و بس بالحلم نلتقي ...
و گلي الحلم شيفيد ؟؟
اني ادري ما مقتنع ...
و تذوب مثل الشمع ...
تريد يمي تجي ...
و نفس الوكت متريد ...
و صح تختلف من تحب ...
بس وياي ما يختلف ...
لكنه گلبي مثل الطفل ...
شيقنعه يوم العيد ؟؟؟

( منقول )

للکاتبە °l||l°( ℣õ℣õ )°l||l° 💕

▁ ▂ ▄ ▅ ▆ ▇ █ P.18 * ج٢█ ▇ ▆ ▅ ▄ ▂ ▁

حسين ...
ابويه و عمامي يحچون ويايه و اني اعصاب مباقيه بيه ...

حسين : يا زواج هذا لعد ليش طردتني من البيت من البدايه و بهذلتني ليش مخليتني اتزوج و امشي حياتي ليش هسه بدلت رايك ؟؟
اسامه : اني ما طردتك من البيت انته الي طلعت و حتى حذرتك بوكتها ذا طلعت اكون غضبان عليك دنيا و اخر بس انته كسرت كلامي و درت و جهك و رحت و المفروض هسه اني ما اباوع بوجهك بس لان انته ابني و ما اگدر اعوفك هيچ متبدل بالشقق ...
حسين : اول شي حالتي هسه كولش زينه و ما محتاج اي شي ،،، ثاني شي جاي هسه وره كل الي صار يا بويه و تريدني اتزوج خلي ابشرك اني اقتنعت بحچيك مراح اتزوج شعندي مستعجل خلي اكون نفسي و اتعبن و اشتري سياره و بيت مو هذا حچيك اني هسه رح اطبقه ...
اسامه : اني بوكتها حچيت هيچ لان چنت خايف لا تتزوج و انته ما معتمد على نفسك و تروح تضيع عائلتك وياك بس من شفتك لاگي شغل و الحمد لله راتبك زين و يكفي تگعد ايجار اعتقد ماكو مانع تتزوج و ترتاح ابيتك و تكون عائله ...
حسين : مع احترامي الكم بس اني فكرة الزواج شايلها من بالي فرد شيل يعني لا تفتحون ويايه هاي السالفه مره الخ ...
اياد : اسمعني ابني ميصير هيچ باقي اهنا وحدك الناس ماكله راسنه يگولون ليش ابنكم معزل شنو متبرين منه لو شلون تعرف العالم ما ترحم و تضل تحچي و تخرط اشكال الوان يهون عليك سمعه ابوك و سمعتنا تروح من وره سالفه متسوه ...
حسين : ما عاش الي يشوه سمعتكم عمي ،،، و اني ممسوي شي حتى يشوه سمعتكم و اذا بقت على حچي الناس لو شما سوينه الناس تضل تحچي ...
اسامه : هسه هذا مو حچينه ،،، طز بالناس ميهموني اني الي يهمني انته اريد افرح بيك و اشوفك مرتاح ...
حسين : نت تگدر تفرحني و تفرح بيه گبل فتره الفرحه چانت جايتك للباب بس انته الي مردت هاي الفرحه و دفرتها ،،، و هسه اني اسوي الي سويته هاي الفرحه بعد ما اريدها ...
اسامه : حسين لتضل كلساع تعيد بالي صار ... اني جاي احچي عن هسه الفات مات هسه اهم ...
حسين : و اني حددت حياتي و مصيري و قررت اعيش هيچ اني مرتاح الحمد و الشكر لله ما ناقصني اي شي ...
ادم : هسه حتى لو تتزوج غير وحده مو شرط الا بنت عمتك بس المهم تستقر ...
حسين : عمي لا بنت عمتي و لا غيرها ،،، اني فمره الزواج ماحيها من راسي ....
اياد : هسه شلون يعني هيچ رح تردنه ؟
حسين : عمي اني هيچ شاري راحتي و راحتكم ،،، اخر كلمه عندي و اخر مره احچيها زواج ما اتزوج و لا تفتحون هذا الموضوع بعد رجاءا حتى لا اعوف البلد كله ...
اياد : شنعتبر هذا بالله تهديد ؟
حسين : اني ما اهدد اني احذر بعدين لتلوموني تذا قدمت لجوء و طلعت من العراق ...
اياد : خلص بعد مبقى عدنه شي هنا يالله ...
حسين : ميه هلا بيكم ... الله وياكم ...