قزومتــي المــسودنة 💕

غضب الحبيب 😠♥️ p.3 * ج٢

#قزومتــي المــسودنة 2💕

اشم ريحة حلاتك و انته عني بعيد ...
و اتخيل حلاتك الكون مو مثلك ...
من گد ما احبك بس افكر بيك ...
لك يا اجمل حبيب شلون اشرحلك ؟؟؟
يبو الشفايف العسل يلي خدك الواان ...
يبو الطول الحلو فدوه رحتلك ...

( منقول )

للکاتبە °l||l°( ℣õ℣õ )°l||l° 💕

▁ ▂ ▄ ▅ ▆ ▇ █ P.3* ج٢█ ▇ ▆ ▅ ▄ ▂ ▁

تالين ...
هو يحچي و اني مصدرمه ... اباوع لشكله و لجسمه ما اچذب هو حشاب وسيم ... حبيته و حبيت اسلوب حچيه و ابتسامته بس مع ذلك متردده اختلطت عندي المشاعر بلحظتها ...

——— : شبيچ صافنه شنو گلتي ؟؟
تالين ( بتوتر ) : ما اعرف شگلك بس انته فاجأتني بطلبك ...
——— : هاي اني گتلچ الي بگلبي و السالفه بقت يمچ جربيني  و ما اعتقد رح تخسرين شي ...
تالين : بس اني ما اعرفك و لا حتى اعرف اسمك ...
——— : اني اسمي ياسر مهند خريج هندسه معماريه  ... اني مو طالب و لا اداوم هنا بس بيوم جيت لواحد صاحبي طالب هنا يمكم اتصادمت بيچ و من لحظتها ضليتي ابالي بالرغم لسانچ چان حيل طويل و واددتيتي بس اخذتي گلبي و شغلتي بالي و تگدرين تگولين حبيتچ من اول نظره ،،، قررت اراقبچ و اشوف تصرفاتچ و تعاملچ ويه الطلاب و عجبتيني حيل ... و قررت اصارحچ بمشاعري ...
و كل الي اريده نتعرف و شوفيني تراني شاريچ و رايدچ بالحلال ...
تالين : اسمعني ياسر اني ما اگدر انطيك اي جواب هسه انته خليتني امام الامر الواقع اريد تنطيني مهله افكر ...
ياسر : فكري براحتچ و هذا رقمي ( و انطاني ورقه ) باي وكت غيرتي رايج خابريني ... ماشي
اخذت الورقه منه بتردد و گتله ...
تالين : اشوف ان شاء الله ...
ياسر : يلا يا بنت الناس الله وياچ ....
تالين : مع السلامه
( راح و خلاني مصدومه و بحيره امشي و بالي مشغول يا ربي هذا من صدگ يحبني لو رايد يلعب عليه ،،، بس ليش حسيته جدي حيل بالحچي ؟؟
ضليت سارحه بافكاري لحد ما رجعت للبيت ... و خابرت ايلين ...
و گتلها تجي يمي بحجه تاخذ المحاضرات و الملازم ...

و بالفعل وره ساعه اجت و اني بديت احچيلها كولشي و هي هم مصدومه مثلي ...
تالين : و هسه اني محتاره ما اعرف شسوي ... انتي شنو رايج
ايلين : ولله يا توته ما اعرف شنصحچ لان اني مشايفه الولد ... بس انتي عن نفسچ شون شفتي عجبچ لو لا شرايچ بيه ؟؟
تالين : ما اچذب هو حلوو و اسمراني و شعره هم حلوو بس الي عجبني بيه كولش ابتسامته و ثقته بنفسه من يحچي  و جرئته ... يعني چان امبين ريلاكس و ماخذ الوضع عادي ممبين عليه متوتر من يحاچيني  .... ( احچي و اشوف ايلين تباوعلي و مبتسمه )
خير سالمين شكو الابتسامه شاگه حلكچ ست ايلووو ...
ايلين : هههههههه والله يعجبني شكلچ و انتي گاعده توصفينه ....
تالين : ههههه حيوانه گوه مو برضاتچ ...
ايلين : اگلچ احسن شي باچر خابريه و خلي يجي للكليه و گعدي سولفي و ياه و شوفي اذا عجبج خلي يسويها و يتقدملچ  و يخطبچ من اهلچ ...
تالين : يا باچر ثوله  باچر جمعه ...
ايلين : اي يوم الاحد ماكو فرق ...
تالين : اشوف ... بس ها بشرط انتي هم تگعدين ويانه لان اني استحي اگعد وياه وحدي ...
ايلين : ماشي ادللي ... فدوه اروح لليستحي ...
تالين : ههههه بالله امشي نروح ناكل شي جعت ...
ايلين : يبوووو ام بطن الله يعين الي تتزوجيه يبتلي على روحه ... ميلحگ لازم يشتري تلث ثلاجات و يترسها اكل بس حتى يشبع بطنچ ...
و طبينه للمطبخ و احنه نضحك ... و عيني اجت على ماعون محلبيه عالكوانتر ... و رئسا اتوجهت اله
تالين : يمعوده يا حب يا بطيخخ... هذا يسوه الحب و اهله ... ( و اخذت خاشوگه و اكل بالمحلبيه على كيفي ) ...
ايلين : ههههههه و الله صدگتي انطيني خاشوگه استمتع وياچ ... ( و بدت تاكل ويايه و طبت بيبي علينه )
بيبي : ولچن لا تاكلن هالحلا نفسچن ينسد عالعشه ...
ايلين (بضحك)  : والله بيبي هاي توته  مو ماعون واحد  لو اكلتلها عشر مواعين محلبيه بعد همات ما ينسد نفسها ... مو معده عدها بير مينترس ....
تالين : انچبي علساس انتي شونچ بالكليه الا شويه و تاكلين ابو الكافتريا اذا مبقه عدهم لفات ...
ايلين : عابتلچ فضحتيني ..
تالين : والله البادي اظلم ...
و طب حسين للمطبخ ...
حسين : الله بالخير ...
الكل : الله بالخيرات ..
ايلين : هلاو حسوني ...
حسين : هلاوات ايلو هاي شگعد تاكلن ...
ايلين : محلبيه ...
حسين : الله اجت بوكتها ناوشوني خاشوگه ...
تالين : يبووو كملت هم عايز انته تجي تاكلها مو كافي هاي الجوعيه خلصت نص الماعون ....
ايلين : جوعيه بعينچ ام بطن ...
حسين : جيبي ولچ الدنيا متسوه عوفيني خلي اكل باچر اموت و تتندمين ...
تالين ( بضحك)  : انته موت و الله كريم عود اشوف بوكتها اتندم لو لا ...
حسين : امداچ اي والله ... يهون عليچ موتيني علمود محلبيه لعد  اذا صينيه بقلاوه شلون ...
تالين : ادفنك همات ...
ايلين و حسين : ههههههههه ....
ايلين : اكليها كلها ما اريدها ...
تالين : علساس قصرتي انتي ... شبقيتيلي ربع الماعون بس ...
حسين : صدگ ايلو سيلين شلونها ؟؟
ايلين : زينه الحمد لله ...
حسين : دومها ... اگلچ انتو ليش گاطعين بينه هالشكل غير تجون اتزورونه ..
ايلين : ان شاء الله نجي ...
حسين : ان شاء الله ... اني رايح للمول تحبون تجون وياي ونسه و همات تغيرون جو ...
ايلين : والله ما ادري شرايچ توته نروح ...
تالين ... ( چنت صافنه و بالي مو يمي )
ايلين : هيووو توته وينچ ؟؟
تالين : ها هنا شكو ...
ايلين ( بهمس و ضحك) : هنيال الاسمر گداوي ماخذ بالچ ...
تالين : انچبي ولچ ...
ايلين طگتها ضحكه بصوت عالي ...
حسين : احم احم بعدني واگف هنا هيه شنو تجون لو اولي اروح ...
تالين : لا لا جايين وياك ...