قزومتــي المــسودنة 💕

الخطوبة2 💍👫💕💍p.27

گُلـــــولـَـە ...📎🎼

کَفَـــت و أنتَهـــَــت لا یرجـَـــع و لا أَریــِـــدە ،،، ✋😞

وَ لــُـو یــــُوم نتِــلاگە بــــِدرب مَا أَشیــِــل أیدي لأيـــــدَه ،،،💔

👀...🎬

✤✤✤✤✤✤✤✤✤✤✤✤✤✤✤✤✤✤✤✤✤✤✤

یوم الخمیس ،،، الساعه 8:00 صباحا ،،،، الانبار ،، بیت اسامه ..

(اسامه)

گعدت من النوم علی صوت منبه موبایلي ،،،، شگد مزعج صوت المنبه ،،،

الله یرحم ذیچە الایام الي چانت اماني تگعدني 😞.... صدگ اشتاقیتلها و اشتاقیت لوجودها بالبیت و شقاها و حچیها ...
چان امنیتها ترگص بخطوبتي و عرسي ،،، اتمنی اخلیها تجي هسه بس ما اگدر للاسف 💔...

اسامه : اصبحنا و اصبح الملك لله ،،،

گعدت (ما رحت للحلاق لان البارحه بالعصر زینت ) وسبحت و بدلت (لبست لبس عادي ) و نزلت جوه ...

شفت اهلي كلهم گاعدین و عمامي هم ویاهم ،،، تلگتني امي بالهلاهل و الصلوات ،،،

سلمت علیهم و كلهم باركولي ،،، و گعدت اتریگ ویاهم ...

کملنە ریوگ و گمت غسلت ایدي و ردت اروح لغرفتي ،،، عمي ابو صهیب صاحني ... و گلي تعال للاستقبال اریدك بشغله ،،،
گتلە حاضر ... و رحت ویاه و گعدنە بالاستقبال ،،، عمي ابو سعد و ایاد هم چانو موجودین...

ابو صهیب : ابني اسمعني اني حچیت ویە عمك و اخوك ،،، و قررنه زفتك تصیر یوم السبت ،،،

اسامە (بتعجب) : یوم السبت ؟؟؟!!!

ابو سعد : اي .. لیش تعجبت ؟؟

اسامه : مو عمي میصیر ،،، انتو كلش زین تعرفون انو البنیه ما تعرفني ،،، یعني كلها تلث مرات شایفتني ..

ابو سعد : و شنو المشکلە ؟؟؟

اسامه : المشكله انو مراح تگدر تتٲقلم و تعیش ویایە ... صعبه متصیر ،،،

ابو صهیب : اعرف عمي ادري صعبه بس شنسوي ،،، تعرف لازم نزوج اخوك هم ،،، و ما عدنه مجال ،،، ارید ازوجكم و اخلص من كلشي بهذا الاسبوع ...

اسامه : بسسس (قاطعه ابو سعد )

ابو سعد : عفیه اسامه لا تعاند خلینه نفضها عاد ،،،

اسامه (باوعت علی ایاد رمشلي بمعنی وافق )

اسامه (بحزن‌) : خلص ماشي اني موافق ..

ابو صهیب : عفیه عمي زین تسوي ... الیوم بس نروح یمهم ننطیهم خبر ،،،

ایاد : اي هو هيچ ...

اسامه : دیلا عمي اني استٲذن من رخصتكم ...

ابو صهیب و ابو سعد و ایاد : الله ویاك ..