قزومتــي المــسودنة 💕

حرگه بالگلب 🔥 p.8 * ج٢

#قزومتــي المــسودنة 2💕

شجاني و ما حضنتك قبل متروح ...
عفتني و غيبتك صارت طويله ...
شجاني و ما گتلك الله وياك ...
و بقيت اتانيك ليله بأثر ليله ...
رحت بس من رحت خلصن الدموع ...
و شلت الروح بيدي فرد شيله ...
و نسيت الابتسامه و ضحكة العيد ...
لان ضحكاتي بغيبتك صارت قليله ...
بعد هم عيني تفرح فرح ملگاك ؟؟؟
لو جمعتنه يمكن صارت مستحيله 😞💔 ...

( منقول )

للکاتبە °l||l°( ℣õ℣õ )°l||l° 💕

    ▁ ▂ ▄ ▅ ▆ ▇ █ P.8 * ج٢█ ▇ ▆ ▅ ▄ ▂ ▁

اسر
اجت يوم محاكمتي وره ما اعترفت طبعا هالشي قلب كل الموازيين و سدت كل البيبان بوجهي ،،، وصلت للمحكمه بسياره عسكريه و اني مكلبچ و لابس الزيي مال السجن ...
و اشوف الساقط گدامي بعده وجهه متشوه و لافين ايده و يمشي بعكازه ... وگف و يباوع بوجهي ... وجهه ينگط سم ...
تمنيت بلحظتها الزمه و اموته بگاعه لان هيچ نماذج ما تستاهل تعيش حتى ...
گال بكل هدوء ...
عقيل : مو گلولك لتخاويني حتى لتوگع بيها عجبك الي صارلك صفيت حرامي ...
اسر ( بعصبيه ) : ايا كلبب يا سافل يا حقير اني الحرامي ابن الگح لو چان بيك خير لو بيك ذره رجوله چان حچيت الحقيقه و ما جذبت و اسقويت بالمحاكم مثل النثيه ...
باوعلي و ابتسم بخباثه و تقرب من اذني و همس گال ...
عقيل : ما صاير شي اذا تريد هسه احچيلهم عن كولشي ،، بس گلي انته ترضاها حبيبتك الحلوه تنجر محاكم و تنطعن بشرفها .. انته تدلل اني ما يفرق عندي ... انته فكر زين نيڤينتك رح تتبهذل ..
اسر : يياااااا منحط يا ساقط يا گواد صدگ لو جبت طاريها بشي ورب الكعبه احرگك و احرگ عشيرتك و العن ابو ابوك لابو الخلفوك
عقيل : لعد خيس بالسجن يا حرامي يا بواگ ...
و مشى من گبالي ردت الزمه و اخنگه لو ما محاوطينه الشرطه مردت اجلب الانتباه و تالي يشكون و يروح يعترف ...
بدت المحاكمه وطبعا وره ما اعترفت گدام القاضي چانت مثل الصدمه لابويه و خوالي و اولادهم الي كلهم چانوا حاضرين بالمحاكمه ...
ما بين نضره ادهم اليه و تعجبه ،،، و ابويه الي ضل يزكح و يگول ...
الحجي خالد : ماكو هيچ شي ولكم هذا ابني ادري بيه ميمد ايده عالحرام
اياد : اسرر شجالك تسودنت !!
حاولت قد الامكان اتجهال ردود افعالهم و اتقوى و ما ابين كسرتي گدام عقيل ... اما همه ضلو يعيطون و صارت لخه و اني كل الوكت چنت مدنگ ،،، بيا حق اواجههم ... بيا حق اواجهه الويه الي كسرته و شوهت سمعته بين الناس بيا حق اواجهه خوالي الي خذلتهم بوكت چانوا لازمين ظهري و بصيحون مو ابنه التطلع منه العيبه بيا وجهه اگابل صديقي و ضلعي و صاحب عمري حسين الي چان مأمني على بيته و خواته و يدخلني يمهم و هو واثق بيه ثقه عميه ...
شعور الاهانه الي حسيت بيها بلحظتها متنوصف ،،، تمنيت لو اموته لعقيل بذاك اليوم چان هسه انعدمت و ارتاحيت ... اقلها احسنلي من هاي البهذله ...
حكم القاضي عليه بالحبس ست سنوات ...
اهنا چانت المصيبه الچبيره ...
اباوع لابويه يضرب على راسه و يبچي مثل الجهال ...
الحجي خالد : لك ليششش يا ابني ليش ليش كسرت بابوك هاي تالي تربيتي الك هيچ جازيتني رحت مديت ايدك عالحرام و نزلت راسي بين الناس و خربت بيتنه ... ليش مگتلي محتاج فلوس ليش محچيت شي هم قصرت وياك بيوم هم مره گايلك ما انطيك ...
اوسيد ( بعصبيه ) : تفوو عليك يا عااار لككك ليش تكسر بينا هيچ ليشششش متگلي وين ننطي وجهنه هسه و شگول للناس اخويه بواگ اخويه حرامي !!!!
اسامه : مع الاسف طلعت هيچ يا اسر مترجيتها منك اني الچنت مامنك و اگول هذا مؤدب ما تطلع منه الشينه ولك تالي تطلع منك هيچ سوايه يا حيفففف ...
ادم : اقلها چنت ترحم بحال امك هسه شراح يصير بيها من وراك رح تنجلط ...
و چان يوگع ابويه و ايده على گلبه انخلصو بيه و اخذوا و صاح اوسيد ...
اوسيد : انته مو اخويه و لا اعرفك متبري منك ليوم الدين يا حقييرر رح اخسر ابويه من ورااااااك يا چلب ..
كلهم طلعوا و اني كلمه منطقت ... ما اچذب بچيت دموعي خانتني على حالت ابويه ...
رجعت صعدوني بالسياره العسكرين و اني مكسور لاقصى حدد ...
اييييييي راحت كل احلامك يا اسر راح تگضي شبابك بسالجن ... مراح تزوج نيڤين و لا راح تكون اسره و لا تشتري سياره و لا بيت و تكمل جامعه و لا تخرج و لا تتعين كلهن راحن ... احترگن بعد ضاع كولشي ...
رااح كولشييي اضرب على راسي و ابچي و اگول ضااع كولشي ...