قزومتــي المــسودنة 💕

اذيه الغيرة 😔 p.33 * ج٢

مساء الخـيــــ«🥀»ـــــر ...

قراءه ممتعة للجميع ...

#قزومتــي المــسودنة 2💕

للکاتبە °l||l°( ℣õ℣õ )°l||l° 💕

   ▁ ▂ ▄ ▅ ▆ ▇ █ P.33 * ج٢█ ▇ ▆ ▅ ▄ ▂
▁

ايتاج ...
هو گال احبچ ،،، و اني دمعتي خانتني و نزلت على خدي شگد حاربت ما ابچيها بس ما گدرت ...

ايتاج  : و اخيرا حچيتها همزين والله چان عبالي اموت و ما اسمعها منك ،،،  بالله ليش استعجلت چان انتضرت بعد سنه سنتين شعدنه احنه گاعدين ...
حسين : والله احبچ ايتاج ...
ايتاج : لك حسين انته مستوعب انو اني مرتك صارلي تلث سنين ؟!! تلث سنين و انته بوجهي ممباوع ،،، لو ما الضروف حكمتنه چان حتى ما تشاركني بالچربايه ... شنو ذنبي انك تحب وحده غيري اني شنو ذنبي ؟؟ ليش ظلمتني وياك و تزوجتني ليش؟؟
دامك تعرف بروحك متنساها چان بقيت على حالك ليش خليتني ضحيه الك و لافعالك و لضروفك  ؟؟؟ ليمتى اضل اتحملك ؟؟ تلث سنين و اني ما حچيت اوف كولشي تسوي اگول ميخالف ايتاج تحملي اصبري ،،، لك انته زرعتلي گلب بصف گلبي من گد ما قهرتني علمتني انام و اني افكر بنظره منك اليه او كلمه حچيتها ويايه عندي چان يوم عيد من تبتسم بوجهي ...
بس تعبت حسين ماكو فايده العمر ديركض بينه و اني الگه روحي تايهه بدوامه انو انته ابتسمت لو لا ضجت مني لو لا تقبلتني لو لا ...
تعبت اريد انام ولو ليله وحده بدون ما افكر اريد انام مرتاحه ...
( حچيتها و دموعي تتسابق على خدي وحده وره الخ ... و هو يباوعلي بنضره حزن و خوف و كولشي ميحچي ،،، لحد ما بزم ايدي و جرني و جر الدفتر و يمشيني مثل الطفله وراه و يسحبني )
ايتاج : وين ماخذني حسين ...
مچان يحچي اي كلمه مجرد فتح باب السطح و صعدنه فوگ و اني اضل اسأله وين موديني و احاول اسحب ايدي بس چان لازمها حيل ...

وگفنه بنص السطح و اخذ الدفتر شمر بالگاع و طلع من جيبه جداحه و گام يحرگ الدفتر ورقه ورقه و اني ساكته و منصدمه اباوعله متعصب و عاقد حواجبه ...

گام شعل نار بالدفتر كله و بقه گاعد بالگاع يباوعله و صافن ... رجع گام و جرني من ايدي و حضني حيل و گال ...
حسين : و رب الكعبه يا ايتاج نسيتها ،،، من يوم ما شفتچ تعلقت بيچ و ذيچه مسحتها من حياتي ما اچذب عليچ اگول ما چنت احبها قبل بس هذا الحچي چان قبل ما هي تتزوج و اني اتزوجچ ...
هسه كل واحد راح بطريقه هي تزوجت و صارت ام لطفلين و عاشت حياتها و اني هم تزوجت و ( قاطعته و گتله )
ايتاج : انته صح تزوجت مثل ما هي تزوجت بس ما عشت حياتك مثل ما هي عاشت حياتها ،،، بقيت منهار و واگع بمكانك مفكرت تگوم و توگف على حيلك و منطيتني اني هم فرصه اساعدك ترجع  تگوم توگف بالعكس انته خايت بيني و بينك حاجز چبير لدرجه اني استحي احچيلك هواي شغلات خاصه بيه  بمكان المفروض انته تعرف كل اسراري لان انته زوجي بس انته خليتني اعتبرك واحد غريب عني و استحي منك و يكون الكلام يبناتنه رسمي و ميتجاوز حدود شنو اطبخلك او تتغده او غسلت الهزوم و هاي الشغلات التافهه الي تنحچي ويه خدامه مو ويه زوجه ... خليتني اعتبرك واحد غريب حالك حال اي رجال اشوفه بالشارع و ...