قزومتــي المــسودنة 💕

شـكــوك😕 p.5

هلو بنات😊 ،،، كل عام وانتو بالف خیر ینعاد علیكم بالصحة و السلامة و تحقیق الاماني 💕💕،،، و ان شاء الله یتحقق الي ببالكم ،،،والي عندها امتحان تنجح یارب 🍭🍃🌿🍀

حبیباتي الیوم نزلت هذا البارت ،،و اعتذر حیل لان يمكن مراح اگدر انزل الا بعد یومین لان عندي ظروف ،،، بس وعد وره هالیومین اعوضكم و انزللكم اكثر من بارت بالیوم ،،، و حتی الیوم نزلتلکم بارت طویل اتمنی یعجبكم ،،،احبكمم ❤❤❤
یلا خلي نرجع للروایة ....

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
سیف (بصیاح) : اســـاااامممة

(نتالیا ) من سمعت صیاح سیف رئسا انداریت و شفت واحد واگف ورایە ،،، انصدمت من شفته ،، معقولە هذا اسامة ؟؟!! و لیش واگف هنا ؟؟

(سیف) وره ما رجعنه من المستشفی خابرت صدیقي گلته نروح سویة ناخذ فره لان چنت کلش مخنوگ من سالفە نتالیا و اسامە ،،،،

ورە ما رجعت للبیت اول ما فتحت باب الحوش ،، شفت اسامە واگف ورە امرجوحە و صافن علی نتالیا و هي ما لابسة شال ،، انجنیت و صحت بٲسمة ،، شفت ملامح الصدمة مثلي علی وجه نتالیا ،، عرفت ما الها دخل بالموضوع ،، وهمه ناصبین علیها ،، واني من الله چنت ارید حجە حتی اضرب اسامة ؤاجتني الفرصة وهي طایرة واستلم یا سیف ....

ركضت بساع ولزمت اسامة من یاخة قمیصه و ضربته بوكسین ووگعتە بالگاع،، خشمە صار یزف صحت .....

سیف (بصیاح) : لك یا گوا .... ،،، واللە الیوم انهیك ،،

هجمت علیه و صرت فوگاە و اضربه بوكس ورا الاخ ....

( اسامة ) اول ما هجم علیه سیف و ضربني بوكسیات صرت انزف من خشمي ،،،، گمت حتی ادافع عن نفسي ،،،دفرت سیف و وخرتە مني و هالمرة اني صرت فوگاە واضربه بوكسیات وصحت ....

اسامە : لنشوف منو الراح تنهیه چلب ابن الچلب ..

رجع دفرني قوي و لزمني من رگبتي خنگ ،،، نفسي انگطع جوه ایده ویمكن الا شویة و اموت ،،، و بدل ما دافع عن نفسي ،،،انثولت من شفت نتالیا تبچي و حاطة ایدها علی گلبها ولاخ عل وجهها و تگول لسیف ....

نتالیا (ببكاء) : فدوة سیف ،، فدوة اروحلك بس اهدی لا تسوي هیچ ،،، نهیتە للولد ...

( اماني ) من شفت سیف لازم اسامة و یخنگە رکضت جوه للاستبقال و صیحت بكل‌ صوتي ...

اماني (ببكاء): الحــگوو اســامە ،،، دیتچاتل ویە ذاك الگوا....... ،،،

( ایاد ) فزینە کلنە من سمعنە صوت صیاح اماني ،،، وبس سمعت اسم اسامة بالموضوع عرفت مچفصلة سالفه ،، ركضت بساع وشفت سیف دیخنگە ،،،، و هذا الاثول ولا یتحرك جوه ایده .... رئسا دفرت سیف بچلاق و ضربته بوكس ،،، و گمت منە ،،،،، شفت وجههە انشخط من المحبس مالي ،،،، رجعت اشیل اسامه واشوف شبیه ....