قزومتــي المــسودنة 💕

ندم 😞 p.10

ایاد : شنوووو ؟!! منو انتە ،، شبیە اخویە شصایرله ؟؟

ــــــــ (بخوف) : اني حسین ایاد ،،، اسامه سوه حادث ،، دعم سیاره،،، و حالتە حیل خطره ،،، احنه بالمستشفی حالیا ...

ایاد (بفزع) : جايكم هسه ..

سدیت التلفون .. واني ما اعرف راسي من رجلیه ،،، یعني بارحه فقدت ابویه و الیوم فاتحته و هسه اخویه مسوي حادث و حالته خطره ،،، شسوي یا ربي ...

بساع ركضت جوه حتی اجیب مفاتیح سیارتي ... تلگتني اماني ...

آماني (بخوف) : شبیك ایاد لیش تركض هیچ شصایر ؟؟

ایاد (بتوتر ) : ماکو شي بس انطیني مفاتیح السیاره بساع ..

اماني (بخوف) : لیش ؟؟

ایاد (بصیاح) : مو وکتچ اماني جیبیلي المفاتییح...

اماني : ماشي ماشي علی كیفك ..

جابتلي المفاتیح و بساع ركضت بره ،،، هالمره طلعلي آدم و صهیب و سعد .. یا صبر ایوب

آدم (بتعجب) : شبیك ایاد لیش هیچ ترکض ..؟؟

ایاد (یحچي بسرعه ) : اسمعني آدم ابقه هنا بالفاتحه و دیر بالك عالوضع ،،، اني رایح اسامه مسوي حادث ،، داعمله سیاره ،، و هسه هو بالمستشفی ،،، لا تگول لاماني و امي هسه یسولیاها مناحە ماشي .... (حچە و رکض صعد السیاره )

آدم : شنووو ؟؟ اوگف مفتهمت منك شي ؟؟ منو مسوي حادث شنو امي شنو اماني ؟؟ ایااااد ایااااد

(ایاد ما رد علی آدم شغل سیارته و راح )

صهیب : آدم انته ابقه اهنا اني راح اروح ویه سعد الحگ ایاد اشوف شنو السالفە ...

آدم : لا خلي سعد یضل هنا اني جاي ویاك ،،، ایاد چان کلش خایف ؟؟؟ اكید اكو شي صایر ...

سعد : مو میصیر آدم فاتحه ابوكم و ولا واحد بیكم یكون موجود هنا ،،،، كل هذولي العشایر جایین عیب ،،، علی الاقل انته ضل هنا بدال اخوانك ،،،،واذا علی سالفه ایاد لا تدیر بال كلشي یصیر اني اگلك ...

آدم ( تنهد ): امري لله ،،، ماشي یلا الحگوە بساع ..

صهیب : یلاا ...

صهیب شغل سیارته و راح هو و سعد لحگو ایاد ....

(ایاد) ... بسرعە وصلت للمستشفی و تلگاني حسین ....

ایاد (بصیاح) : حسین شصایر ؟؟؟؟ شبیه اسامه احچي ..

حسین (بتوتر ) : اسامە حالته خطره حیل ،،،

ایاد (بصیاح) : لیش شصایرله ؟؟ شوو ....

عبرتە و رکضت للدكتور ....

ایاد : دكتور اترجاك گلي اخویه شصایر بیه ؟؟؟

الدكتور : منو هو اخوك ابني ؟؟؟