قزومتــي المــسودنة 💕

سوء ظن ❎☹️ p.2 * ج٢

مساء الخير حبيباتي ...

طبعا بسبب دعمكم للرواية و تعليقاتكم الحلوة قررت اسوي انشر كل تلث ايام و يوم استراحه ...
ميخالف رح اضغط على نفسي و احاول انزللكم بنفس موعد النشر الساعه ٩:٠٠ بالليل ...
و الي اريده من عدكم طلب بسيط ... اتمنى تدعمون القصى بالتصويت و تعلقون عالاحداث ... و تنطوني رأيكم بكل جزء و بكل حدث ... لان رأيكم حيل يهمني ...
و خصوصا لان القصه خياليه ...
و اتمنى تنشرون القصه و تشاركوها ويه صديقاتكم اكون سعيده حيل ...
و شكرا مره ثانيه ...
احبكم ❤️ ..
و اخليكم مع القصه
قراءة ممتعه ...

للکاتبە °l||l°( ℣õ℣õ )°l||l° 💕

#قزومتــي المــسودنة 2💕

لون بي حوبه الدمع چا جابكم ليّےـنٌےـهےـِ ...

ذكرناكم وكت چنه بيه ما نذكر ٱسًےـٱمِےـيّےـنٌےـهےـِ ...

كبرنه و حتى بصورنه هم كبرت مِےـعَےـٱنٌےـيّےـنٌےـهےـِ ...

( منقول )

للکاتبە °l||l°( ℣õ℣õ )°l||l° 💕

▁ ▂ ▄ ▅ ▆ ▇ █ P.2* ج٢█ ▇ ▆ ▅ ▄ ▂ ▁

تالين ...
رفعت راسي و اشوفه شاب اسمراني اول مره اشوفه بالكليه مشايفته ابد ... حچه من وره خشمه حتى مكلف روحه يباوع شصار بيه ...
——: اسف مو بالقصد ...
تالين  ( بعصبيه ) : وجع ليش متنتبهه اثول انته ؟؟؟   ...
___ ( رجع اندار و صفن شويه و گال ) : شبيچ ليش تجاوزين مو گتلچ اسف ...
تالين : عمى غير تخلي عيونك گدامك من تمشي شبيك ...
——: لچ انتي ليش ما عندچ اخلاق ...  احترمي نفسچ لا والله اطيح حضچ اهنا ...
تالين :  صدگ مالي وكت اتكاون وياك هسه لو ما عندي محاضره مهمه چان شوفتك يا ابن ابوه يگدر ايطيح حضي  ... ( و مشيت من يمه بعصبيه )

طبيت المحاضره و اني اعصابي حيل  تلقانه منه ....

»»»»»»»»»»»»»»»»»»»»»»»»»»»»»»»»»»»»

بنفس الوقت ... بمدرسه نیڤین ..

و دگ الجرس ...

ست هناء : مثل ما گتلکم بنات تحلون التمرینات زین ..
البنات : نعم  ست .. ان شاء الله ..
سهی ( صدیقه نیڤین ) : اوووف نحل كل هالتمرینات اي والله ایدينه رح تتكسر ...
نیڤین : لچ احسن مما تمتحنە على غفله .. تعاي نطلع بره یلا ..
سهی : یلا ...
نیڤین ( اول ما طلعنه من الصف اجت ایتاج بوجهي ) ..
ایتاج ( بصیاح ) : نیییییڤو ...
نیڤین : ایتووووو ( و حضنتها و حضنتني )
ایتاج : اوووي مشتاقتلچ کومە ..
نیڤین( بضحك ) : اي ولا عبالچ البارحە چنت ابیتکم ..
ایتاج : هههههههه ...
سهی : برخصتكم اني رایحه للحانوت ..
نیڤین : اخذي راحتچ حیاتي ...
ایتاج : اي احچیلي شسویتو البارحه سویتو العید میلاد ؟؟
نیڤین : اي و چان کلش حلوو یا ریت چنتي جايه ویانه ...
ایتاج : مو والله ما گدرت چان عندي امتحان كیمیاء و صعب حیل ...
نیڤین : مو مشكله  نعوضها بعید میلادي  .. ( و غمزتلها 😉 ) ...
ایتاج : اي وربي  لسویلچ احلی عید میلاد ..
نیڤین : ان شاء الله ... اگلچ لیش ما تجین لبیتنە اليوم ؟؟
ایتاج : ما اگدر لازم ارجع للبیت ... غير امي عازمه بیت عمتي فاطمه  و زحمه  اعوف بناتها و اجيلچ ...
نیڤین : اووف و رح یبقون للیل ؟؟
ایتاج : اي ..
نیڤین : زين شرايچ اتجیبینهن ویاچ لبیتنە ؟؟
ایتاج : والله ما ادري بس هم خوش فكرة ...
نیڤین : اي عفيه والله اذا جيتي لسویلچ كيك و محلبیه ..
ایتاج( بضحك) : انچبي مراح تگدرین تغریني بالاكل ..
نیڤین ( بضحك ) : لعد بشنو اغريچ ها ؟؟
ایتاج : شمعرني ،، انتي گلیلي حسوني موجود؟؟
نیڤین : لا البارحه رجعوا هو و تالین لبغداد ..
ایتاج ( بحزن ) : لااااا .. ..
نیڤین : لیش شچنتي تریدین من حسین ؟؟
ایتاج ( بتوتر ) : ها ؟؟ ،، لا لا ما ارید 😅.. بس گلت اذا هو موجود یعني توته هم موجوده  حتى تحله گعدتنه تدرين تتشاقه ويانه ...
نیڤین ( بمکر ) : وانتي من یمته صایره صدیقه تالین هااا ،، لا و تعاي گليلي تالین من یمته منطیتنه وجهه لحتی تتشاقه ویانه ؟؟
ایتاج ( بتوتر ) : ها والله ما ادري شبيچ لطشتي عوفي هاي السالفه ،، شرایچ نطلع لمكان من نجي لبیتكم؟؟
نیڤین : اي عفیه شوفيبنه بلكد آسر لو اوسید متفرغين ياخذونه ؟؟؟
ایتاج : والله اوسید ما موجود تعرفینه گاضيها بالشركه ويه ابويه ،،، بس آسر موجود ..
نیڤین : اي گلیلە خلي یاخذنه ...
ایتاج : ان شاء الله اشوف ... دیلا هسە خلي نروح للحانوت رح اموت من الجوع ..
نیڤین : یلا ...