قزومتــي المــسودنة 💕

من اجل "♥️" p.4 * ج٢

#قزومتــي المــسودنة 2💕

مو طبعي الچذب لو گلت احبـــك موت ...
لان حبي الك ما صـــار من نظــــــــره ...
و مو طبعي الچذب لو گلت ميت بيـــك ...
لان دونك احـــس مخنوگ بالـــعــــبرة ...
و مو طبعي الچذب او گلت ما انســـاك ...
لان صــورة خــــــــيالك بالگلب جمرة ...
و مو طبعي الچذب صدگنــي هايم بيك ...
لان حبــــك عذاب و نــــار مســــتعرة ...

( منقول )

للکاتبە °l||l°( ℣õ℣õ )°l||l° 💕

      ▁ ▂ ▄ ▅ ▆ ▇ █ P.4 * ج٢█ ▇ ▆ ▅ ▄ ▂ ▁

نيڤين
خفت و تراجعت بخطواتي و گتله ...
نيڤين : حقييير ساقط شتريد مني ...
جرني من ايدي و هزني ...
عقيل : منو الحقييير ولچ !!!
نيڤين ( بخوف ) : شتريد مني عوفني ...
عقيل : گليلي سهى وينها ؟؟
نيڤين : ما ادري والله كولشي ما اعرف عنها ... صارلها اربع ايام ممداومه و كله من وراك الله ياخذك ان شاء الله ... ( و نترت ايدي منه بقوه و ركضت طبيت للمدرسه و جسمي يرجف و گلبي يريد يطلع من مكانه من الخوف ...
گعدت على رحله و اتنفس سريع حاولت اهده ...
و بده الدرس و مبينت شي گدام الطالبات ...

بالطلعه من الدوام ...
مثل كل يوم ارجع للبيت مشي ... وصلت لفرع ضيگ و فارغ مبي احد و فجأه طبگت يمي سياره و نزل عقيل منها ...
عقيل : حلوتي نيڤين ...
صحت ...
نيڤين : يبووووو هم انته ... لك انته ما تستحي ما عندك خوات ...
ضحك باستهزاء و گال ..
عقيل : لا ما عندي ...
نيڤين : عوفني والله ما اعرف شي عن سهى ...
عقيل تقرب حيل مني و گال ...
عقيل : ما جاي علمود سهى جاي علمودچ ...
ابتعدت عنه و گتله
نيڤين : شلوون !!
عقيل : اسمعيني زين من الاخير اجيج بلا لف و دوران انتي حلوه عاجبتني و اني الي اطخ ابالي اخذها اخذها لو صعدت لسابع سما ...
فجاي اگلچ تعاي وياي بالهدواه احسنلچ ..
نيڤين : شنو گاعد تهددني مو بكيفك ..
عقيل : اشششش بلا لغوه زايده لتوجعيلي راسي ... اشو تعاي و جرني لحضنه و وخررر اعيط و اريد ابتعد منه بس حيوان دفعني للسياره و حصرني و يبوس بشفتي و بصدري بهمجيه و وحشيه ...
دموعي تنزل على خدي واعيط و اوفسه برجليه و اضربه بكل قوتي بالگوه دفعته و ركضت حتى جنطتي عفتها ...
انفتح الشال من راسي و اركض بسرعه ... و اسمعه يعيط ورايه ...
دخلت فرع حيل ضيگ مبي مجال يدخل بي سياره و ختلت جوه شجره ... لازمه حلگي و دموعي تتسابق على خدي ...
و اسمع صوت رجلين يقتربون مني ... ما ادري منو الي جاي يقترب بس دعيت بگلبي انو ميطلع هو ....
اقتربت اصوات الاقدام و چان اشوف ايناس صديقتي بالصف ...
صحت ...
نيڤين ( ببچي ) : ايناس !!
ايناس اندارت و شافتني و لطمت على صدرها ...
ايناس : ولچ نيڤين منو مسوي بيچ هيچ و تقدمت لزمت ايدي ...
نيڤين : عفيه ايناس هذا واحد حقير تحارش بيه و اني شردت منه اريد اتختل اكيد لاحگني و هسه يلگيني ...
ايناس : هيييييه الله ياخذه ان شاء الله عساه ابخته و بحضه امشي وياي هذا بيتنه و اشرت على البيت على بعد مسافه ...
رحت وياها ودخلتني لبيتهم بقيت بحوشهم بالرغم حيل لحت عليه ادخل بس مقبلت ... و هي اهلها مچانوا موجودين بالبيت بساعتها ...
نيڤين : عفيه ايناس اريد تلفون اخاف ارجع للبيت و هاي حالتي ...
ايناس : ادللي عمري هسه اجيبه ...
شويه و اجت جايبه وياها مي و تلفون ...
نيڤين : عاشت ايدچ حبيبتي ..
اخذت المي و شربته كله ريگي نشف من العياط و البچي دموعي تنزل على خدي و لازمه بيدي التلفون و افكر بيمن اتصل ؟؟
اخاف احچي لامي و ابويه و تكبر السالفه و ميصدگوني ...
فكرت شويه و گلت احسن شي اخابر اسر ...
طبعا رقمه حافظته من زمان ...
ادگ بالارقام و اني كلي امل انو هو الانسان الوحيد الي رح ينقضني ...
و مصدگت سمعت الوو مالته چن روحي ردت ليه ...
انفجرت ابچي و احچي ...
نيڤين : اسر اني ميڤين الحگني الحقيييير اسرر الحقييير تحارش بيه السافل السگط الله ياخذه ان شاء الله ...
اسر : نيڤين !؟؟ شكوووو شبيچ ...
نيڤين : الحقيييير اسر لحگني و تحااارش الحگني تره حتى جنطتي عفتها اسر اني خايفه رح امووت من الخوف شسويييي اهلي رح يموتوني ...
اسر : كولشي ما جاي افتهم منچ بس گليلي وينچ انتي هسه حتى اجيج ...
انطيته العنوان و گلي ...
اسر : جايج ابقي بمكانج لا تتحركين ...
و فعلا خمس دقايق ووصل يمي ...
طب للبيت و اول مشاف حالتي انفزع و ركضلي لزمني و يصيح باستغراب
اسر : لچ نيڤين شبيچ شصايرلچ منووو مسوي بيچ هيچ ...
ابچي و اشهگ و احچي متقطع ...
نيڤين : الحقير السرسرييي ... بالگوه شردت ... والله ما الي ذنب
اسر ( بعياط ) : منووو ؟؟ شنو يا حقير..
نيڤين ( ببچي ) : تحارش بيه ...
اسر : رحمه للخلفوچ بطلي بچ خلي افهم شصايرلچ ...
عليت صوتي و ابچي و اگول ...
نيڤين : عقييييييل عقييييييل تحارش بيه ...
اسر : شلوووووون !!!!! شلوننن عقيل شوصله يمچ اني مو حذرتچ منه مو گتلچ عوفي سهى ...
نيڤين ( ببچي ) : والله عفتها اصلا ما وصلت يمها و هو كسر بشرفها حتى بطلت بس الحقير لطش بيه و تحارش بيه ...
اسر گام يعيط و يضرب بالحايط وعقل ما ضل براسه ...
لزمني و گال ...
اسر : شسوالچ نييييڤين ...
ضليت ابچي و استحيت اجاوبه ...
عيط عيطه خله بدني يرج وياها و دفعني عالحايط و صاح ..
اسر : گتلچ شسوااااااالچ جاااااااوبيني لتكفرييييني ... تقرب من عذريتچ لو لاااااا ... فهمييييني
نيڤين : لا والله بس ( و ضميت قميصي حتى ما يبين الي برگبتي )
اسر ( بعياط ) : بس شنووووو !!! احچيييي
و من شاف ايدي على قميصي و خر ايدي و من شاف الاثر گام يعيط و يفشر و رگع الباب برجله
رجع گلي ...
اسر : شلووون خلصتي منه ...
نيڤين : كضت ختلت جوه الشجره و خلف الله على ايناس لفتني ابيتها ...
اشوف اسر اعصابه صايره نار و يفتح بايده و يسدها و شرايينه تريد اطگ ...
لزمني من ايدي و گال لايناس ...
اسر : رحمه الله لوالديچ اختي مقصرتي بس كون الي محد يدره بي رجاءا ...
ايناس : لا لا اخوي ولا يهمك نيڤين مثل اختي شلون احچي اسرارها ... الله ينتقم من هذاك السافل ...
اسر : هم عندي طلب ولو تعبتج بس لو تجيبيلها شال ...
ايناس : لا بالعكس تعبكم راحه هسه اجيب
و راحت جابت شال و لبسته و اسر
جرني من ايدي و صعدني السياره وشخط السياره و مشه و كلساع يضرب بالستيرن ... و اني الخوف كاتلني ...
اسر : اياني و اياچ تحچين شي لاهلچ من الي صار...
نيڤين : و شلون بالله اذا شافوني اهلي هسه هيچ شيگولون ...
اسر : مراح ارجعچ للبيت ...
نيڤين : لعد وين ماخذني ...
اسر : رح اخذج لبيتنه ...
نيڤين : واهلك شتگللهم هسه ايتاج غير تخبص الدنيا من تشوفني راجعه وياك ....
اسر : عوفي اهلي عليه
نيڤين : و اهلي شلوون ؟؟
اسر : رح نخابرهم اول منوصل ...
نيڤين : هسه اهلي و حلينه سالفتهم لعد عقيل شلون اخاف باچر هم يطلعلي ...
اسر : عوفي سالفه عقيل عليه .. انتي طلعي منها...
نيڤين : زين و كتبي و دفاتري شلون مباقي شي للامتحانات النهائيه ... معقوله ارسب ...
اسر : بسيطه اني ادبرلچ كتب و دفاتر اخذي من ايتاچ عدها مالات العام ... و هم خلي صديقاتچ يساعدنچ
نيڤين : ماااشي ...
وصلنه لبيت عمه اماني نزلنه و تلگتنه عمه و اياتاج ...
اماني : ميه هلا بالوردايه نيڤين نورتنه ...
نيڤين : بنورچ عمه ...
ايتاج : هاي شعجب اجيتي ولچ ... انوب ويه اسر و ابحدچ ...
اماني : صدگ شعجب منورتنه اليوم نيڤو ... مو من عوايدچ تجين هيچ وكت و لا من عوايد اسر يرجع هيچ وكت ...
نيڤين ( سبقني اسر و گال )
اسر : غيرر انتي يا ست ايتاج طالعه من وكت علساس اني اجيت اخذج من الدوام و ملگيتچ ...
ايتاج : هيييييه احلف ... ولك والله مطلعت من وكت اصلا طلعت متاخرچان عندي درس سابع ... بس تعال گلي انته من يمته گلبك حن عيله و اتنازلت تجي تاخذني من الدوام ذاك اليوم لساني انشل و اني اتوسل بيك و ما اجيت ...
اسر( و يعدل بشعره ) : اليوم طگ بعقلي اجي اخذچ هيچ بس حبيت افاجأچ انت مو اختي و حبيبتي ...
ايتاج : عااااا ذبو عليه مي هذا منو اسر گعد يگلي اختي حبيبتي مستحيل الا اكو مصيبه بالموضوع ...
اسر جله صوته و گال : نرجع لمهممممم ملگيتچ و شفت نيڤين گاعده تبچي بالشارع و اني گلت يا ربي هاي شبيهه نزلت مفزوع عليها تالي تگلي والله شفت چلب خفت منه و شردت حتى جنطتي عفتها تالي من رجعت ما لگيتها ...
ايتاج : امداچ اي والله شكبرچ تصيرين و تضلين تخافنين من الچلاب ولچ ...
اسر : انه ادري انوب بالشارع و خابصه روحها .. هاي يمكن لو يصير عمرها ٤٠ سنه همات اضل اتبچبچ على ابسط سالفه ام دميعه ...
( باوعت لاسر و ضيگت عيني و هو غمز و ابتسم ... وين اني ما اخاف من الچلاب بالعكس احبهم بس اخاف من البزازين و الفيران و الحشرات و كل حيوان لاخ ... محچيت شي سكتت و هزيت راسي )
اسر : و اني گتلها تعاي وياي اشوف اذا ايتاج عدها دفاتر قديمه مالت الخامس ...
ايتاج : اي صدگ عندي كومه باقيات كلهن بالمخزن ضامتهن ...
اماني : عود بعدين انطيهن الها بس هسه تعالو اتغدو و انته اسر تعال اتغده وياهن ...
اسر : لا بالعافيه اني طالع عندي شغل مهم بس انتو ديروا بالكم على نيڤين خاف صاير بيها خوفه من الچلب و همات انطو خبر لامها لا يضل بالها عليها ...
اماني : ماشي حبيبي ... هسه اخابرها ... بس انته تعال اكلگ لگمه تره طابخه  دولمه علمودك ... انته مو خبصتني طبخي دولمه و طبخي دولمه
اسر : ميخالف يوم شبعان عود بعدين من اجوع  ارجع اكلها ...