قزومتــي المــسودنة 💕

تحقق الحلم 💗✨p.24 * ج٢

مساء الخـيــــ«🥀»ـــــر ...

حبيباتي من اليوم و رايح رح انزل بارت ساعه ١١ بالليل لان الليل صاير كولش قصير و ما الحگ عالكتابه ،،، گلت انطيكم خبر حتى ما تنتظرون عالخالي بلاش ...

شكرا على التعليقات الحلوه كلهن اقراهن و افرح بيهن عالدعم الحلو ...

قراءه ممتعة للجميع ❤️ ...

#قزومتــي المــسودنة 2💕

للکاتبە °l||l°( ℣õ℣õ )°l||l° 💕

  
    ▁ ▂ ▄ ▅ ▆ ▇ █ P.24 * ج٢█ ▇ ▆ ▅ ▄ ▂
▁

ياسمين ... باوعت لادهم و عيوني متوسعه هذا شديحچي ؟!!
اباوع لابو تالين و ابو ادهم وجههم گام ينطي الوان و واحد يباوع عالثاني و عمي انحصر بالزوايه و ميعرف شيحچون و عثمان يباوع لادهم بعصبيه ...
اما ادهم يحچي بكل هدوء و رزانه و ثقه و نظراته متروسه تحدي موجهه لعثمان ...
السيد : صحيح هالحچي ابو حسين ؟؟
محچه اي شي و وجهه نظرات التوتر لادهم و حچه ابو ادهم
اياد : اي فعلا ادهم قبل ما يسافر خطب بنت عمه ... مو ابو حسين ..
اسامه : اي نعم ...
السيد : لعد اذا هيچ بعد ما الكم اي حق بالبنيه ابو عثمان البنيه مرايدتكم و رايده تعيش ويه اخوها ابيته و هو متكفل بيها و مهيألها كولشي ... ما بقى شي ينحچى
گام عثمان على حيله و يريد يتهجم على ادهم و ابوه لزمه و ادهم وگف گباله بكل شموخ جبل ما يهزك ريح ...
عثمان : هذا مو حچي و اذا منطيتني اياها هسه اسويها دم اهنا ...
السيد : عثمان اطلع بره المجلس يلااا ،،، ابو عثمان ودي  ابنك ما اريد اشوفه صدگ ما عنده ذره اصول جاي بهدد و اني واگف ... اعتذر منكم ابو ادهم احسبوها عليه  ...
ادهم : ميحتاج تعتذر سيدنه ،، هو هذا الولد من اول ساعه جاينه هداد و بوخه بس حچي كولشي ميسوي ...

ياسمين ... عمام ادهم و ابوه و هو اتشكروا من السيد و راح و تمي ابو عثمان اخذ ابنه و راح ... و بعدنه مطالعين اجه ابو تالين و عيونه صايره براسه لزم ادهم و گله ...
اسامه : لك ادهم انته شخبصت گبالهم يا خطيبه يا بنيه تراني سكتت لان مردتك تخسر اختك و الا چان عندي وياك غير حچايه ...
اياد : انته ايش هلگد متعصب ابو حسيت شنو ميشرفك نخطب بنتك لادهم لو شلون ؟؟
اسامه : مو هيچ السالفه ابو ادهم بس بنتي مو خطيبت ادهم و لا يربطهم شي حتى يكسر ابختها گدام الكل ،،، افهمها ادهم البنيه مجرد بنت عمك لا اكثر و لا اقل كافي تكسر بيها ...
ادهم :عمي اني مستعد اكسر بروحي و ما اكسر تالين ،،، ورانته تعرف هاي الشغله كولش زين ،،، و بعدين لتنسى اني مچذبت اني خاطبتها منك قبل ما اسافر ...
اسامه : و اعتقد انو احنه بوكتها ردينالكم خبر البنيه مچانت موافقه مو گتلك ابني ماكو قسمه و نصيب ،،، ماكو داعي وين ما تروح تشهرها لبنتي و تگول هي خطيبتي و هي نايمه و رجليها بالشمس ... يعني اليوم الموقف الي حطيتني بيه لعدوي ما اتمناه اجي اوگف وياك بمحنتك الگاك تگول بنت عمي خطيبتي شنو تريد تخليني امام الامر الواقع ؟!
اياد : ابو حسين تره انته مكبر السالفه حيل متسوه هلگد ...
اسامه : شلون متسوه بالله ،،، يعني هي هينه الناس كلها عبالها بنتي خطيبه ابنك الافندي و باچر عگبه يروح يتزوج غيرها و الناس تحچي عليها اشكال الوان ليش عافها اكيد بيها شي و تدري الناس ما ترحم تره هذا زواج شغله چبيره مو لعب جهال هي افهم هذا الشي ادهم و الزم حدودك ....
ادم : اني اشوف كلام ابو حسين صحيح ميصير هيچ تلعب بكيفك ادهم و تسميها خطيبتك و باچر عگبه ادير وجهك و ترجع لالمانيا و تعوف البنيه هيچ ،،، تره خطيتها تصير برگبتك ...
ادهم : صدگني عمي لو چنت ادري حچيه هذا الي حچيته بيه بگد ذره اذيه لتالين مچان حچيته اني حاسب حساب لكولشي و اولهم اني راح ارجع استقر بالعراق ...
اسامه : تستقر ما تستقر هاي الشغله راجعه الك بس بنتي ابتعد عنها و لا تاذيها و لا تحل مشاكلك براسها ...
و اجه حسين ...
حسين : نيڤين خابرت تگول ام ياسمين و وياها شكم واحد هادين عالبيت ...
ياسمين ... شهگت و خفت حيل ...
ياسمين : اكيد عمي ابو عثمان دازها ...
اسامه : ربي يعني نهلص من طلابه انطب بالثانيه ...
اياد : امشينه خلي نروح للبيت بساع ... 
ادهم : اني رح اخذ ياسمين لغير مكان مراح اخليها تشوفها ...
ياسمين : لا ادهم اني جايه وياك اذا مشافتني امي هسه مراح تفك منكم اني لازم احچي وياها و اوگف هاي المشاكل كافي  ...
ادهم : ماشي لعد خلي نرجع بساع ...