قزومتــي المــسودنة 💕

اوهام ➿p.16 *ج٢

قراءة ممتعه للجميع ❤️ ...

#قزومتــي المــسودنة 2💕

الله مد عمري و شفتكم ...
انتي و الي مني خذاچ ...
يلا مبروك العرسكم ...
خوش قسمة الله نطاچ ...
ياهو گال الصوچ بيچ ؟؟
هي هاي الدنيا هيچ ...
هاي مو حنه بايديچ ✖️
هذا گلبي الما نساچ ...
يلا مبروك العرسكم ...
خوش قسمة الله نطاچ ...
گالوا بغيري رضيتي ...
و اني اگول الله كريم ...
سهله و تهون و تعدي ...
و تگطر الدمعه على خدي ...
من گثر ما صحت ردي ...
طبعن حروف بگافچ ...
يلا مبروك العرسكم ...
خوش قسمه الله نطاچ!!!

( منقول )

للکاتبە °l||l°( ℣õ℣õ )°l||l° 💕

▁ ▂ ▄ ▅ ▆ ▇ █ P.16 * ج٢█ ▇ ▆ ▅ ▄ ▂ ▁

فعلا الدنيا ما توگف  على احد ...
و ما تبقى على حدث معين ...  و اكيد اكبر نعمه من نعم الله سبحان و تعالى هي نعمه النسيان بمرور الزمن ...
مرت على عائله اسامه الايام و الاسابيع و الاشهر ...
اطفال اسامه مثل ما يگولون جهال البارحه اليوم كبروا و للاسف غدرت بيهم الدنيا اول ما فتحوا عيونهم انلجموا بگلبهم ... بس كل واحد منهم انلجم  بشكل ...  ما بين تالين الي كسرها الچانت متوقعته يصونها طول العمر و يتحدى اكبر واحد علمودها ... و بين حسين الي اقرب ناسه ما ساندوه من چان محتاج سند و ظهر حتى يتزوج الي يحبها ... و نيڤين الي مراهقتها المفروض تگضيها فرح و ونس و ضحك حال اي بنيه عاديه بعمرها اتحولت لاحزان و هموم و ضيم و قهر على فراگ عزيز گلبها ...
وره ماتلاثتهم لعب بيهم الزمان ،،، دخل كل واحد منهم بحاله يمكن تتشبهه  بفتره النقاهه ،،، بحيث كل واحد منهم اتقوقع على روحه و انعزل بهمومه و حاير بحالته يداوي جروحه و مدنگ يلم فتات او رماد گلبه الي انكسر و احترق على ايد الظروف   ...
للاسف البلاوي سرقت من عائلة اسامه  الفرحه و صار البيت  الي چان ينضرب براسه المثل من گد ما متروس محبه و ضحك و الفه و موده  عباره ساحه ظلام يعيش بيها عائله مشتته مخيم عليها الحزن ،،، من اكبر واحد لاصغرهم ...