قزومتــي المــسودنة 💕

زوال الاقـنعـه ... p.9

نتالیا (بتعجب) : انتي !!!

ـــــــ : اي اني ... شنو ما تعرفیني ؟؟؟

نتالیا : لا والله ما اعرفچ ،،، منو انتي اصلا ،،، اني بس شایفتچ مرە وحدە من اجیتي لبیتنه بیوم الخطوبة ..

ـــــــ (بمكر وتكبر ): عفییییە شطورة ،،، عاد خلي اعرفچ علی نفسي ،،،

اني خیریة مرة آیاد ،،، شایفه هذا البیت اگدر اگلب عالیها واطیها بصفگە ،،،، لا عبالچ تتزوجین اسامە یعني تصیرین مثلي ،،، لا حبي انتي راح تصیرین خدامة البیت و عمرچ مراح توصلین مكانتي ،،،

نتالیا : شبیچ انتي شگد خبیثة شمسویتلچ حتی تحچین ویایە بهیچ اسلوب ..؟؟

خیریة (باستهزاء) : ما یحتاج تسویلي شي ،،، هو هذا الاسلوب الي لازم یستعمل ویه الخدامات ،،، اني هسه اجیت بس حتی اعرفچ قیمتچ ،،
خاف لا تجرٲتي بیوم و حسبتي روحچ چنە عادیە بهالبیت،، لا گلبي ،، انتي حتی اسامه شگد سرسري و دایح و ساقط ما رادچ غیر علمود هذا خالي ابو آیاد حط راسه و مات ،،، غیر انتي جکمە و محد ما یریدچ ،،، لهذا اهلچ ما صدگو و ذبوچ براسنە ... بس یخلصون منچ ..

( نتالیا ) انصدمت منها و من لسانها الطویل ،،، اني عبالي حبابه بس هسه طلعت علی حقیقتها ... هاي من كل عقلها هیچ تحچي ويايه ... اتعصبت حیل خصوصا من گالت اسامە ما یریدچ و اهلچ ذبوچ براسنە ...

نتالیا (بصیاح) : احترميي نفسچ وللچ ،،، اني ما خایفه مچ و لا من شکولچ ،،، شنو انتي حتی تجین تفیكین براسي ما تگلیلي ،، چنچ هایشە  تمشين تتبخترین براس الاوادم  ،،، انتي شایفه شكلچ بالمرایه ..!! ( قاطع كلامي صوت صیاح من وراي ..)

آیاد (بصیاح) : منو الهایشه یا قردة انتي ،،، بعدچ ما طابه لبیتنه و بدیتي تحچین علینە هاي اذا صرتي چنتنە شلون ،،،

نتالیا (ببكاء) : لیش تغلط علیه ،،، اسٲل مرتك هي الي اجتي و حچت علیە تگلي راح تصیرین خدامة بهالبیت ...

اجه آدم و اسامه .. و وگفو گبالنە

اسامە : شصایر اخویه ..

آدم : شكو ؟؟

خیریه (بتوتر و براءه) : اني گلت هیچ وللييييييييي هاي شگد ما تسحي،،، والله چذابه یا آیاد انتي تدري بیه اني مستحیل احچي هيچ سوالف ،،، اني بس اجیت گتلها طبي جوه هسه یجون الولد عیب ،، تگلي ليش انتي تعرفین العیب یا ام الریاجیل و هسه انته سمعتها من غلطت علیه (گالتها و بدت تبچي )

(نتالیا ) اني مصدومه منها و فاتحه حلگي ،،، شلون تمثیل هذا حتی اني صدگتها ...

آیاد (بعصبیه و صیاح ) : انتييي تحچین علی مرتــــي یا زعطوطة ما تستحین علی روحچ ... ( تهجم علیە و راد یضربني ،، گضبه اسامه و آدم واگف و یگول ....

آدم : والله بنات اخر زمن بعدها ما تزوجت اسامه و ترید تسیطر عالوضع ...

اسامه(بصیاح) : اهدە ایاد شبیك تخبلت ،، مخلي راسك براس هالصغیرة