واخبرهم إني فصليه

1

حنين: هلا ولج وينج اتاخرتي ليش مجيتي لهسه
سندس: اويي شبيج شنو هالصوت جنه الهايشه ترا عندي رجلين ثنين مو طيارة
حنين: اني اعلمج بس اشوفج لابتلي بيج 🙊
سندس: شسوين بالله
حنين: لج وثول شهالفهاوة شو ماكو الخط ماجه عليج
سندس: هههههههه كتيهه خط يعني ياخذ بنات قبلنه ومن يوصل يعرف يطوط طووووووط
حنين: عاااا عابت زرفتي اذاني .....وين صباحيتي
دك هورن ابو الخط وطلعت حنين صعدت بلخط وسلمت ع سندس
سندس: صباحج اني😍
حنين: ههه صباحج اني😂
سندس: شبيج كلتيني بكشوري عبالك اني زوجه ابو الخط 😂😂😂
حنين: غير اليوم مدري شجاني ومن دك المنبهه فزيت ومدري بنفسي نشيطه وكلت خاف نسوني😰
سندس: هههه صدك جذب اني ادليهم بيج عمي والعباس منساج لو يطك براس عشيرتي نخله😁
حنين:فدوة للضلعه & عندي محاضرتين بس مو تطولين بطلعه
سندس: ليسمعج يصدك هوة منو لتلزم فونهه وتلعب لو تباوع باربي😁
حنين: هششش فضحتيني هسه شيكولون عليه
سندس: شيكولون مرت وزير غير زعطوطه 😁
دك موبايل حنين وطلعت جديتهه
حنين: الوو هلا بيبي شونج
الجدة: هلا بيج حنونه اليوم جايه يمكم لان اريد اروح للطبيب وطبيب قريب عليكم كلت اجي يمكم
حنين: يي بيبي بدون متحجين هوة بيتج واذا مكفتج الكاع فوك راسي اخليج بس هسه اني بطريق اروح للدوام
الجدة: ييي يوم كلت اكولج من تيجين مو مبوزة ..الله وياج
حنين: سدت تلفون .اهووو شلون ورطه بالله هاي
سندس: شبيج متعرفين جديتج مدام جتي وياهه استاذ روميو اكيد
حنين: لا مطلعتلي فلم تروح ع دكتورة ولان قريبه دكتورة علينه راح تمر علينه ليسمعهه يصدك هيه كل اسبوع ناطه علينه هيه وهالايان مدري مين طلعلي
سندس: غير يحبج شبيج ضايجه منهه خوش ولد والله لوما اهله جنهم البومه
حنين: هفف شراح يخلص اليوم بنفسي اغمض وافتح الكى الليل جاي وهمه رايحين
سندس: صدك ليش سمو ايان وليش جديتج تريدج تاخذين ابن بنتهه
حنين: اظل اهرس بلموضوع صار سبع سنين اكولج هالقصه العظيمه والممله
سندس: هاي اخر مرة ليش سمو ايان
حنين: مو جان بيت جدو وطبعا عمامي يعرفون ناس اصلهم كردي من الشمال بتهجيرة الكراد اجوي يمنه وابنهم اسمه ايان ورة 5 اشهر مات لانه مريض بلقلب وعمتي من صارت حامل لان هي صارت حامل اول وحدة وطلع بيهه ولد سمو ع اسم المرحوم ايان وجديتي لازكتلي تيدني اخذة وتعرف بنتهه متريدني لان متيد جنه تدرس تيدهه خدامه
سندس: بس خطيه ايان شعليه غير يحبج وميت بيج مو تكولين كل اسبوع يجيكم وشلون فرح من نجحتي وطلعتي من سادس اعدادي بربج اكو احد يتحمل خبالج غيرة
حنين: لو مو امه هناء وابوة صالح جان وافقت بي بس اهله مدمريني اكثر منه يظلون يذبون حجي علي وهوة من كد ميحبني يريد يطلعني بيت وحدي بس شيفيد مدامه عامل معندة وظيفه يستند بيهه
سندس: لوك لوك وومحسيت غير وصلنه الجامعه ديلا امشي ضايجه ست حنين ايان يجيهه كل اسبوع لج اني اتمنه عبودي لو يتفل بوجهي راضيه
حنين: ههههههته😁😁😂 محس غير بلشت المعاكسات
ولد: فدوة لربج ع هالضحكه
ولد2: فديت رب الموروني وضحكته وصديقته وغمز
حنين: صدك ضحكتني سندس بس مجان قصدي اضحك واحد يسمعني تركتهم وفتنه اني وسندس للقسم ............وخلصنه دوام ورجعنه للبيت