واخبرهم إني فصليه

الجزء الثاني،،،البارت السابع عشر

فِي ملامحَ ألهادئينَ إشياءَ مكسُورهّ.👅💋

تنويه/ اعزائي شارفت القصه على الانتهاء ،،اتمنى ان تكون قصه اثرت بيكم نحو الشي الايجابي اني اخترت هاي القصه بالتزامن مع كتابه عشك الانباري لان القصتين مضمون مختلف وحدة عاطفيه وثانيه حزينه اللي ردت اوصله صح احنه بشر بس تجي ظروف تجبرنه على اشياء منوقعهه ونكتشف اشياء ممتوقعيهه ابد واني من الكاتبات اللي انوع بقصصي وقصه " هديه الحياه إنسان " كلش حلوة وحتعجبكم متأكدة اتمنى دعمكم بيهه وحنزل باجر اول بارت بقصتي جديدة وموضوعها مختلف بس اكيد الموت موجود بكل القصص لان واقع حال ،،،

قصه حنين حقيقيه ...البطله احيي صبرها وتحملها للظروف القهريه بس صبرت مجزعت ...

جان ينفتح الباب واني حاظنه سندوسه جان يطلع عبدالله لازم ماما وماما شكلهه متخربط كَبل هبطت من الخوف لازمه سندس ورحت كَبل بتجاهم ..كَادهه عبدالله وصلهه بلهول كعدت فات جابلهه كلاص مي وانطاهه علاجها واني حاظنه سندس كعدت بصفهه دموعي تجري

حنين بدموع: شبيج ماما ليش هيج

ماما: يمه مابيه شي بس خاف ضربت شمس اخذت

عبدالله انطاهه علاجهه وكعد: خاله وضعج مينسكت عنه لازم اخذج باجر للدكتور اختصاص

ماما: يمه لتكبرهه وهيه زغيراا متسوه اخذت ضربه شمس لان من ظهر طالعه وهسه غروب

حنين: ماما ليش تعاندين تروحين يعني تروحين متكولولي شبيكم هيج كلمن يفكر بروحه اهلي وهسه سندس وانتي مدري شبيج تكابرين كافي هبطات وهاي طفله بلكوة خليتهه تتعود عليه نوب التهي بيمن بيج بيها ... كَمت ابجي ..

اجه عبدالله اتقرب مد ايدة راد يشيل بنته عبالك جنت انتظر هاللحظه انطيتهياه وشمرت روحي بحظن ماما اااااخ يحظنج شكد دافي ...

عبدالله شايل بنته: سميتيهه سندس

حنين بدموع: ييي ادري من حقك تسميهه بس اريد اسم امها يبقه و...

قاطعني وكال: هذ هوة هوة انتي صرتي امها هاي وصيت المرحومه انتي تديرين بالج عليهه ...باس بنته ورجع باوعلنه

ماما تمسح على ظهري ..

ماما: يمه انته متغدي لو لا

عبدالله بتعب: اااخ ييي خاله متغدي وشابع شبع حيل ادري مقصر وياكم صار اسبوع معرف وضعكم بس التهيت بالفاتحه

ماما اخذت بنته تنومها وتصلي ...انتبهت محاطه على راسي شي كَبل حطيت برنص التراك على راسي وردت اكوم اسوي العشه ردت امشي من كدامه باوعتله لكيته صافن بيا ..

حنين ؛ اا احم ابو سندس اكدر اطلب طلب

عبدالله : يي تدللي

حنين بقهر: اا تعرف ود اخت المرحومه ماتت وهسه سندس لحكَتهه وثنينهن وحدة بالبصرة وحدة بكركوك اهلها وين خاله ام سندس وين يعني معقوله حضرت فاتحه ود ومتدري بسندس