واخبرهم إني فصليه

26

انا عيوني تسولف ع الغرام وياك
ومن عيوني اعرفك تفتهم قصدي
مااحب الوكت لو خلص بلياك.

بالقران محد حبك بكَدي
واذا تنساني صدك اني ما انساك
لان غيرك محب بدنيا ماعندي

___________________

لكَيت مصطفى واكف وياه واحد تقريبا بكدة بس صوفي جان لابس بنطلون وقميص وصديقه دشداشه ومرتب شعرة عندة كفشه ويفر بالسبحه اول منزلت من الخط شافني مصطفى اجه بتجاهي جانو واكفين هوة وصديقه بين بيت ابو مصطفى وعمران بس الاقرب ع جهه بيت الشيخ اجه مصطفى وتلكَاني

مصطفى: هاا حبيبي الشطورة الله يساعدج

حنين : ويساعدك حب....صطوفي

مصطفى جر حسرة: اااه يجي يوم تكوليهه الي ..شنو صطوفي محسيتهه دلع حسيت طفل عندج غيريهه

حنين،: ههههههه اسميك مصطفى واختصر ادلعك ..شو واكف اهنا شعندك وكاااشخ

مصطفى: اشتغلت رحمه الله ...هههه بس لايكَلج الدور من تحاسبيني ...

حنين: لتصدك حيل بس مو من عادتك تنتظر برة بالظهر وشمس وياك احد

مصطفى: مو هذا ويأشر ع كلبه منطاني اروح لبغداد اله اشوفج لان صارلي شغل مفاجئ ولازم اروح راح توصل بضاعه مال اطارات سيارات ولازم اجيكها وعلاوي وياي

حنين: اوويي فديت هذا وتأشر ع كلبه لمصطفى ليريد يشوفني

مصطفى باعجاب: من شووكت عيني صايرة تفديني وتتغزلين لا لا معقوله يصيرلي شي بالطريق ودتسمعيني شي حلوو خاف راح امو......

حنين قاطعته وهيه خلت ايدهه فوك حلكه: اشش مو صوجك صوجي لتجيب طاري اي شي مو زين فدوة...احمم ممم لان اريد منك شي

مصطفى وهوة باس باطن ايدهه لجانت مخليته ع حلكه: مو اكول هااي حبيبتي شاربه شي ممتعود تغازلني اله بمصلحه ☺️

حنين😒: يعني هيج شايفني خاليه من ريحه الغزل هاهيه مو شفتني روح لشغلك ..راحت بس مصطفى جر ايدهه ووكفه

مصطفى: شو تصدكين بسرعه جنت اشاقه عمي حكج عليا اطلبي ليرضيج

حنين بفرح: احمم اطلب ورة ما اخلص امتحانات بعد اقل من شهر توديني ازور صديقتي فدووة

مصطفى عكد حواجبه: منهي هاي نوب صديقتج مو بس ميار وراح تصيرن بنفس البيت

حنين بدلع: لا لا صطيف صديقتي سندس اللي وياي من الانبار لمن تخجرنه كلمن راح بطريقه جانت بتركيا ورجعت هيه وزوجهه بس هيه متركت سنه فهاي اخر سنه تتخرج واني لان ظروفي تركت سنه فهسه اني راح اخلص ثالث وهيه حتتخرج اريد اشاركهه فرحه تخرجهه واباركلهه بحملها عفيه حباب حباب حباب حباب حباب حبوبي ☺️😄