واخبرهم إني فصليه

2

حنين: طبعا خلصت امتحانات وجان العيد ورة يومين انجمعنه كلنه عمامي وعماتي والكل واكيد ايان واهله المبوزين بوجهي كالت عمتي الي هيه زوجهه يصير اخو ابو ايان يعني اخوان2 تزوجو عماتي ثنينهن وبنفس المكان عايشين ناس جيران ناس المهم العيد ونسه والكل فرحان واكو ولد عماتي غير ايان يحبون من بنات عمي يعني صدك عليهم عيد 😁 وابن عمو مدري ليش يمشي مني يمي ويذب سالفه تضحك واضحك اني والبنات جانت سوالفه تصنيف وهم صنف على عمتي هناء ام ايان صبينه الغدة واجو الولد ياخذون الغدة لان زلم بديوانيه والنسوان بلهول ف اجو الولد طبعا مجنت شايفه ايان من الصبح ومن شافني جان ياخذ بصينيه وعينه عليا اني جنت اضحك ع بنت نور بنت عمي ومتزوجه اخت احمد ابن عمي ليذب بكلامه ويضحكنه جان يكول
ايان: السلام عليكم...كل عام وانتن بخير
البنات ردو: وانته بخير
اني ساكته:👩‍⚕️👩‍⚕️👩‍⚕️
جان تحجي اخته اخت ايان ويه البنات كدامنه
صفا: شبيجن كولله يوم نشوفك عريس
نور بنت عمي: يي والله ايان يوم عرسك ونركصلك
ايان باوعلي وكال: هانت بقه شويه صبرنه هم نصبر
نور تعرفني ماريدة كالت: ليش بحجز قابل اتجوز وفضههواني وصفا وحنين نروح بمشيتك نكضيهه ركص
ايان وعصابه فولت: اشر عليا ،،هاي متيجي بزواجي اني اجيهه واخذهه الي مرة هاي الي وبس ..
اني ضجت ردت احجي بس سكتتني نور جان تكولي ودي المواعين هاي حته اطلع اودي صار مقابيلي خفت كالي لا معايدة تعيديني وتتمضحكين ويه الكل بس وياي وهذا البس شافهم منه ملون وضيك راح ابتلي بخاله ليطلعج هيج روحي بدليهن متشوفين احمد فايت طالع لا وصوتج ليلعلع وضحكج وياه شاصخم بنفسي بعد ...اني ردت ابجي ليش هيج يعاملني جان اشوف عموري اخويه كتله حبيبي تعال اخذ هذني هوة ايان تفاجأ يعباله اكول اله حبيبي جان يتفاجا مد ايدة عموري واخذ المواعين وكلي ولج طالعه بس انتي غير انتي عيدنه جدو يريدج ورة الغدة وراح عمر وايان يكولي شاصخم اخلص من احمد يجيني اخوج يغازل هسه اسوي جريمه يالله عافني وطلع صبينه الغدة وخلصو ورحت صليت سمعت اندك تلفوني سندس خابرتني تكولي نجحنه اني وياها واني بصاله طرت من الفرحه جنت اكمز ولهه حلفي هيه تكولي والله نجحنه جان احس احد لزم ايدي طلع ايان كالي شبيج كتله نجحت وممنتبهه انه لازمني داكمز من كل عقلي لان جانت عندي مادة دكتور مالتهه صعب ميتفاهم وعبرت منهه جان يكولي ايان
ايان: مبروووك نجاحج بس خفي جنج طفله تكمز زعطوطه قابل يلا هانت واوصل لمريتي
حنين: ليش مصر تغثني .....
اجتي نور وبنتهه والتمو كتلهم نجحت باركولي بس خوات ايات ضايجات امه طبيعيه وياي شوي جدو كالي صديقه ابو عماد حفيدة دكتور اتخرج هالسنه وشافني مرة من طلعت من بيتنه لانهم جوارينه ويريد يخطبوني اشو كمز ايان وكال اني ناهي عليهه شدعوة مو بعينكم طبعا جدو يحبني ويحب ايان لان ابن بنته بس كال
الجد: نعرفك تريد حنونتي بس اهلك مو رايدين شلون بالله والبنيه متيد همات
ايان: ياجدي اني الي اتزوج مو همه ورافضين لان تدرس وحته متصير مشاكل اطلعهه بيت وحدهي بس توافق حضرتهه مو صبر ايوب اتبرة مني وحته صبر مل من فتحت عيوني واني اكولكم حنين الي شلون بالله
اهنا كام عبد الرحمن اخو ايان اصغر مني ومن ايان بس ضخم كال هسه خلونه نفرح بنجاحهه وبعدين سولفو بزواج
الجد: شنو بعدين غير ارد لابو عماد خبر وهمه خوش ناس ميتفوتون ومستقبل عندة
ايان بعصبيه: جدو شتحجي انته قابل اني كَواد ومالي مستقبل ترا الله فاتحهه عليا ....
الكل ضاج من كلام ايان وتدخلو اهلي عاد اني خصمت الموضوع وكتله جدو
حنين؛ جدو مالي نصيب ويه بيت ابو عماد خوش ناس بس اني ماريد اتزوج لا هسه ولا بعدين ......كولهم متيد تزوج تفكر بدراستهه جان يكول
ايان: لا مو بدراستهه كول ابن عمتهه ناهي عليهه
كوة خلص اليوم ورجعنه بليل وريم ويانه هي وزوجهه سهرنه ولعبنه دومنه اني وعمر اخوي فريق وريم وزوجهه حسام فريق فزنه احنه اني وعموري جان ريم تكول هسه البنات وحد ولعبت اني وريم فريق وحسام وعمر فريق فازو الولد طبعا كلت اني راح انام نعست ريم لحت وكالت كل ما يلعب عمر ويه احد فاز خلي اني وعمر فريق وحنين وحسام فريق كتلهم العب بس هالدوس كالو ماشي لعبنه ورادت تنربط العبه وتلاحكتهه وفزنه اني وحسام كتلهم اني فايزة مرتين ريم كالت كل شويه دنتغير ونصير فريق لعد ع هيج سالفه ولا واحد فاز ...عمر كال نرجع نلعب بس هالدوس وليفوز هوة الفايز بس مو فرق لعب فردي اني كتلهم مكدر بعد نعست رحت للغرفه وهمه بقو يلعبون خابرت سندس وكالت ورة 3 تيام عدهم عرس وراح تشوف عبودي مالتهه وكتلهه صارحي يحبج ابقي علي ميحبج اتركي ولتعذبين نفسج بي .....
صار يومين من طلعت نتيجتي الصبح صبحنه ريم وزوجهه اتريكو وراحو بابا طلع لبيت عمو جدو يريدة اني وماما نعزل بلبيت وعمر كال العصر عندة طلعه كضينه الظهريه ضحكوشقه وكال نطلع بليل ناخذ فرة نفتر طلع عمر العصر ويه اصدقاءة ورة المغرب اجه عمر ويا ولد
عمر: يمه لحكيييييني😰
امي: خيرك يمه شصار
مؤيد ولا مرة شايفته ومن صدمتنه بعمر وصياحه منتبهنه لمؤيد فات بلبيت
مؤيد: خاله صار حادث وعمر جان يسوق ودعمنه ولد
امي: عزة وليدي ميسويهه
مؤيد: خاله والله عمر دعم واحد ووديناه للمستشفى ووو....
امي: شبيك احجي شصار
مؤيد: ماااات مات الولد
امي: عزة بعين العدو شسوين بيك وبينه يوليدي
حنين: شصار هسه اهل الولد عرفو
مؤيد: ييي عرفوو وووو..
حنين: احجي شكووو نوب
عمر: اهل الولد يطلعون ....
حنين: منووو احجي يربك
عمر يضرب ع راسه: بيت عمتج هناااااااء ام ايان
امي: عزززة بعين امك شلون ومنو لمات ايان
عمر: لاااا عبد الرحمن لمات يمه والله هوة غلطان واني غلطان هوة جان ممنتبه للطريق
اني كعدت ع حيلي واصيح واصرخ وبابا وعمامي وجدو والكل التم يمنه راسي كام يفور حسيت راح انفجر لزمتني ريم ونور اخذوني ع مغسله غسلو وجهي وشربوني مي بارد وجدو كال نروح لبيت هناء ونشوفهم ونشوف شراح يصير
بابا: يابه تحجي صدك هناء هسه تتخبل من تشوفنه
عمو ابو احمد: توكل ع الله ابو عمر ويلا نروح ونسوي الواجب
ماما: هيه مطايكتنه ونوب جتي هالمصيبه لا مروح ولا ولدي يروحون يسوون شي بيهم ومعندي غير هالوحيد لا ياربي
جدو: شتحجين ام عمر كومي توكلي خل نسوي الواجب ...والله يفرجهه رحنه واني ارجف حته نطلع خابر ابو ايان لبابا وكاله لتيجون وباجر جايين عليكم صبح....بقينه ع اعصابنه واجه الصبح اجمي اهل ايان عمامه وابوة واخوة وايان وفاتو بديوانيه واحنه خفنه تصير فصل كلنه باكي تمشي ع فلوس بس لا .....
صار صوت عالي بين الزلم وعلى صوتهم حيل خفنه يتضاربون ورة ساعه طلعو ودخلنه نسوان يمهم ووجوهم متتفسر كالو يريدون لو دم عمر لو فصليه
الكل: 😱😱😱😱😱😱😱😱😱😱😥😭😰
عمو ابو احمد: لو حنين لو دم عمر مقابيل ابنهم
حنين: عمو شتحجي احنه كرايب شلون فصليه قابل عمر متعمد يسويهه ليش اله يذلونه
عمر: دمي ولا ياخذون اختي ويذلوهه شنو قصدهم يلوون ايدنه بعيدة عن خشمهم
امي: يمه اسم الله وين عندي غيرك ياربي شهالبليه لوكعت فوك راسنه ..
الكل يحجي ويقترح .............
اني حظنت امي وكتلهم اوافق اروح فصليه لعيون عموري واهلي ميصير بيهم شي بس عمو ابو احمد وبابا وحسام زوج ريم كالو نحجي وياهم بلكي نحلهه بفلوس
عمر: اذا مقبلو فلوس بلكي سجن وانسجن كم سنه بس مو اختي تروح الهم ويذلوهه
خابرو وحجو وياهم ع تلفون مقبلو يسوون مواجهه بيت اهل ايان وكالو يا فصليه يا دم عمر غير هالحجي معدنه عدكم باجر تجيبون بنتكم النه فصليه لو تسمعون خبر وفات ابنكم وسدو تلفون
اهلي وعمامي ظلو يتحسرون وقهر حته نسو الميت ابن اختهم ضاجو ع حالتنه بس كمت لحيلي وكلت يذلوني ولا يمسون شعرة من شعر عمر اقلها اكون عايشه يعني محد يموت من عدنه ..الكل عارض بس بعدين قبلو ماكو غير هيج .....الليل كله نسوان يمي يبجن ويهدن بيه اني خابرت سندس وكتلهه اني ابجي وهيه تبجي وتكول الله لا ينطيهم ليش هالكرة ليكرهوكم بي وظلت تصبر بيه وتبجي كتلهه لتخابريني اني اخابرج بمجالي لان راح اخذ تلفون واسدة اقفله بمجالي احجي وياج ....وبجي وقهر رادت مرت عمي تشيرلي مقبلت ريم رادت تحف وجهي مقبلت ظلو يحجون عليا كتلهم لتتخبلون ممزوجين عن حب راح يذلوني والله لو غريبين مخاف مثل ماهسه خايفه منهم اعرفهم يكرهوني لو ميكهرهوني اخذو تعويض او سجنو عمر كم سنه بس يريدون يذلوني ويطلعون قهرهم بيا 😭😭😭😭😭
رحت ويا بابا وعمو ابو احمد واحمد جدو مقبل يجي ويانه نروح بوسني وهوة يبجي اول مرة اشوفه هيج وسلمت ع الكل وامي وريم حته سندس اجتي صبح تفاجات بيهه هيه وامهه بجو ويانه ودعتهم ومويايلي قفلته وضميته جديتي كالتلي لتكولين عندي موبايل ومو اله اول يوم تخابرين لما يهدة الوضع خابري .....ورحنه فتح الباب ايان وفتنه عيونه حمر شكله مكرفص فتت لابسه اسود كعدت ويه اهلي مكدرت اشوف عمتي هنا بس صفا طلعت كعدت لابسه اسود وتخوزر بيا اجه السيد عقدلنه وبابا وصه ايان بيا وعمو وصاه وصو ايان موصو ابوة وسلمو ع عمتي هناء سلمت وحجت وياهم بثكل بابا كال الهه خيه لصار قضاء وقدر بس بتي معليهه ....وهيه سمعته كلام بس متجاوزت بس حجيهه جان انو منعرف نربي راحو وعبالك اخذو روحي وياهم كامت عمتي تذب حجي عليا وزوجهه همات مقصر سب ورزايل وبناته يمشن من يمي يطخني حيل ويدفعني متت بجي جان يصيح ايان بصوت عصبي ومقهور : حنيين تعاااااي وصفا ووسولاف كافي راح اتخبل عليجن
اني متت بدمي رحت وراه فتح الغرفه وكال... ....

______________________

حبايب بليز اتفاعلو ترا القصه كلش راح تعجبكم والله اكو قصص بارتات قصيرة كلش وفكرتهه بسيطه تعرف احداثهه من اول بارت وتصويتات مطر اني اريد ذاك المطر اهنا😁 حبايب بليز اتفاعلو اريد رأيكم بالبارت الجاي شنو حيصير وصوتو دوسو هالنجمه وغلسووو⭐ للقصـــ✍ بقيه منتظر تصويتكم وانزل بارت جديد