واخبرهم إني فصليه

الجزء الثاني،،،البارت الثالث عشر

على گولت رَسول محسن ..
طَگ بينـا الحنَين وشطنـه لله ! 🖤

م/ البطله اتابع ويانه من البارت ١٢ الجزء الثاني 😎

حنين: اليوم جان خميس وطلعت انتظر سيف يم البوابه بين منلتم احنه الخط وجان تيجي عيني بعين اخر شخص يجي ابالي دمعت عيوني من الفرحه اااخ يايام كَبل ودلال الماضي الراح بغمضه عين

هوة جان صاافن بوجهي مثل المشبه علي اقترب مني واني هم خطواتي ودتني اله

حنين بدموع الفرح: حسااام انته حسام

حسام زوج ريم اخت حنين الميته: لا يالكعبه حنين حنين ماغيرها ولج كبرانه معرفتج والله لوما صوتج

حنين بضحكه: ههه شونك اخبارك ...وين الغيبه رجعتو من تركيا

حسام بفرح: اخباري ع حطه ايدج اسبوع اهنا واسبوع بتركيا بس انتي شجابج لكركوك مو جنتو بالبصرا وعمتي شونها وشلون صحتها

حنين بخيبه امل: امر الله بعد ...احنه اهنا انتقلنه صار ٣ اشهر واكثر بشوي ...ماما زينه وتسلم عليك ..انته اخبار اهلك امورك

حسام: والله بخير مالهم نيه يرجعون هالسنه اهلي عجبهم جو تركيا الظاهر واني حايط نصيص الهم رايح راد

حنين بتساؤل: ليش رايح راد متستقر يم اهلك مو تركت الحشد من زمان

حسام بقهر وحسرااا: ااااخ لتهيجين جروحي اني الصدفه الجمعتني بيج اهنأ لان انتظر زوجتي المصون تطلع

حنين بفرح ع قهر: اخيراا الف مبروك زواجك تستاهل كل خير ...بس من هسه لازم تزورنه خل مرتك تطلع وتعال ماما تشوفك تسلم عليك لان انته من ....دمعت عيوني ...من ريحه الغاليه ريم وراح تفرح بيك اذا زوجتك متمانع

حسام: طبعا امر عليكم مدامكم اهتا وافتهم شصاير وليش تركتي مصطفى..لا يابه زوجتيش معليج بيها شحدها تفتح حلكها ترا زواجي بس كدام الناس وله اني النفس طابت من ورة المرحومه عن اي مرة غيرها ...

دنحجي واجه سيف دك هورن واجه نزل من سيارة بتجاهنا عاكد الحواجب

سيف بستفسار: السلام عليكم..منو حضرتك

حنين وحسام: وعليكم السلام

حسام: عفووا انته منو شدهلك بينا

حنين: لحظه حسام سيف هذا بمثابه اخويه وابو الخط علكيفك

سيف: حنين منو الاخ

حنين: هذا حسام زوج اختي الله يرحمها وحسام هذا سيف الاخ الماجبته امي ....

سيف: اتشرفنا اخ حسام

حسام: الي الشرف ..باوعلي ..حنونه اريد عنوانكم ازوركم قبل مسافر ..

سيف: هذا رقمي خابرني واني ادليك ..