كَاعد يمي اشوفك ايد فوك الايد
مفتون بجمالك والكَلب يسعر
تكَرب يمي خدك وانه اكَلك روح
اخافن بس ابوسك يصعد السكر.🙈
كون بكَلبي تدري اشيحمل اسرار
وكونك تفهم بنظرات العيون
ليش انه من اشوفك اشتعل نار🔥
وكون تلحك عليه وشوفني شلون
احبك،،،وانه باقي وياك محتار
شفت عيونك انه،،وصابني جنون
ولك كلبي كَلب مو كومه احجار
ومن حقي اكلك انه بيك مفتون
بارد لشوكت ..مرة انكَلب نار🔥🔥
واچويني واكلك اني الممنون😊
__________________________
وبعد نص ساعه من الانتظار لان ازدحام ع الشيخ فتنه وكانت الصاعقه معمولي عمل الشيخ يحجي ومصطفى من سمع تخبل وبس يغلط بلكوة سكته عمران وجدة تحجي ويه الشيخ وايه حاظنتني وكال العمل مسوي الي من جهه زوجي تفرقه بينه وكرة اني اكرة مصطفى مسويلي وكام يرقيني ورقه مصطفى وانطانه حجاب ومي اسبح بي وشغلات كومه ورة فترة مدة اسبوع نذب الحجابات ولازم نخليهن بلمخدة النام بيهه
رجعت واني احس حيلي مهدود اول ما فتنه شفنه الكل منجمع وبالهم مشغول كلهم زلم نسوان بيت عمران حته ابو كرار زوج حليمه
جدة ريسن ذبت عباتهه وعاطت بالكل
الجدة: عندي حجايتين ورايدتكم شهووود
ماما : شصاار حجيه ع بنتي
الجدة بقهر: ااا مسحورة بنتج وراح نفكه بس خل اتأكد من البالي
كرار: شنو البالج جدة
جدة: باوعت لحليمه وزينه ..تعااااالن اهنا ثنينجن يللله
ويجدة يكرار جيب كتاب الله
كرار بحيرة: اجيب القران ماغيرة
عمران: جدة شسوووين
ام ياسر: رروح جدة جيب القران نشوف شراح يصير
الجدة بنترة: بناات الخ....ميستاهلون ابهاتجن الغلط تعالن بسرررعه
اجه كرار وجاب القران جدة خلته يكعد ولازم القران بيدة وعاطت بحليمه واتقربت وكالت الجدة
الجدة: حلليمه جدام الكل وقبلهه خافي من ربج اذا حجيتي سالفه احلفي ع كتاب ربج لصار لمرت اخوج مالج دخل بي احلفي براس ولدج وجرت ايد حليمه فوك راس كرار
حليمه بخوف: جدة ش شتحجين ليش اسوي هيج
جدة: اذا انتي مالج غرض بالصار جاا احلفي براس كرار اذا مالج دخل ميثير شي بابنج واذا الج دخل ااا ايصير بابنج شي
حليمه سحبت ايدهه وترددت ونطقت مكدر كتاب الله مينحلف بي لا صادك ولا غيرة
أنت تقرأ
واخبرهم إني فصليه
Romanceقصه مختلفه بكل معنى الكلمه عن قصص الفصليات لقريتوهه كثير من العيون التي فرحت بالحب ولكن ابكاها النصيب دخلوا واقروهه وصوتوا
