واخبرهم إني فصليه

الجزء الثاني،،،البارت الثاني عشر

❤️❤️❤️
على الجگاره اكتب احبك 🚬
بلكي حبك يحتـرگ🔥
هيج وارتاحن وانام😴
وانسه كل لحظة عشگ ؛💔
تنزل الدمعه بصلاتي😢
وادعي يارب نفترگ🙏🏻
ماكو حيله وگلبي رادك 😔
لان حبك من صدگ💘❤️❤️❤ 💔

متااااابعه لحسااابي حبايب ،،،

تنويه: اقرو تعليقات البارت ١١ ..رادو ما اختصر لذا  استمر بكتابه القصه بس هيه بكل الاحوال احوال اختمها قبل ميبدي دوام ..
اليقرا قصتي ثانيه عشك الانباري..حيشوف تنزيل يوم اهنا ويوم اهنا ..وسبق ونوهت تنزيل حسب مجال وحته انطي  حق كل قصه صار تنزيل بين يوم ويوم 😎

قراءة ممتعه 💙

حنين: ورة صدمتي بجواب عبدالله وكفنه صوت

حارث بصيااح: هين يعبيد ووراااك وراك

عبدالله سحبني وطلعنه بسرعه قبل لا نوصل لسندس سحبني ع جهه واني كل هذا الوكت مصدومه عبدالله ليش هيج سوة شبي وليش اكد اني زوجته وسندس اخت زوجته وليش كلما يشوف هذا حارث يجن جنونه ويظل يغلط ويسب ...

عبدالله بعصبيه : شوووفي حنين اسف عالصااار بس والله لمصلحتج حجيت هيج

حنين بصدمه: منو انته

عبدالله بستغراب: شبيج حنين .اني زوج سندس صديقتج

حنين بسخريه: هااا يعني سندس زوجتك لعد ليش نكرتها كدام هاللزكه هذا وكلت اني اا ..سكتت مكدر الفظها اصلا كمت اخاف من عبدالله بقاطات

عبدالله مسح وجه ورجع يباوع يمنه يسرة: شوفي يبنت الناس الله وكيلج واحنه هسه بمنيه الصار لمصلحتج وحق الله ... واريد الصار محد يدري بي و....

نترت ايدي منه وجسمي يرجف ليش يربي هيج زين اني عفت مصطفى وكرامتي متسمح اردله وعافني وهج بس المصيبه اهنا شكول لسندس خوما اهجم بيتها هيه ثانيه ولو الصار مو اني سبب بس عبدالله صار خطر ويخوف يارب نجيني من ولد الحرام قررت محجي لسندس بس صدك جنت مخنوكه هيه صديقتي الوحيدة ولو جار عليا الوكت كبل بحظنها ازوع لعندي هسه وين انطي وجهي واذا ماما عرفت مصيبه ثانيه يصير بيها شي متأكدة قررت اسكت محجي الصار بس بالمقابل مخلي طرقنه اني وعبدالله تلتقي مرت لخ وخاصه بوحدنه مثل هالطلعه الفكَر بس هم كلبي ممرتاح لعبدالله ...اخذت العلاليك وفتت يم سندس ووجهي ينطي الوان من الهبطه

سندس ببتسامه: هاا حبي اشتريتي كل غراضج

حنين بقهر: ييي بس هسه تعبت شوكت نرجع

سندس: اني جاهزة بس وين عبدالله

اجانه صوته الجهوري

عبدالله: اجيتكم ..وصل يمنه باوع لسندس ...هااا نطلع ...طلعت سندس هيه وبطنها كدامنه ورجع باوعلي ...شوفي وضعها مو مال تزيديها قهر خلينه ساكتين واني مو خسيس لهالدرجه اباوع بلحرام بس والله لمصلحتج ومسير الايام تثبت كلامي ...اشر بعيوني بمعنى طلعي قبلي طلعت من دون حجي وطبعا اهنا اجت فكرة مو بس اخلي طرقنه بعد هاي طلعه متلتقي حته صوتي مسمعه لعبدالله احس خيانه لسندس اللي هسه بمنظرها هذا يتكطع كلبي تكطع يعني يا عبدالله زوجه مثل الورد عندك وحامل بعد شتريد ليش احس وراك مصيبه اوووف