وهاي تالي الشوگ .
ضليت اجدي اخبارك ؟،،
┈┉━❀✿ S,A℡✿❀━┅┄
بارت هديه ومفاجأه..
اسفه ع تاخير وهم حتاخر بس شفت اكو هجوم وتجاوز بتعليقات وحذفتهن طبعا ذولي مهتميت الهم حضرتهم لا تفاعل لا تصويت وبس يتهجمون من اتاخر برغم انطيت تنويه عندي امتحانات حته اخلص من هالشغله اني امتحاناتي بدت يوم ١٢/١ وتنتهي اخر يوم٢/٢ شفتو ليش منزل لان مستقبلي اهم ..وهذا البارت نزلته لخاطر ليصوتون ويعلقون وخاصه ع فقرات ...
قراءة ممتعه
متابعه لحسابي فضلا وليس امرا 😊
حنين: ويه دكت مصطفى للتلفون اندك الباب قوي وجان صوت عبدالله وسندس عالي ولازم اختار هذا يدك بيدي وذاك ع بابي بدون تفكير ودست ع كلبي وكمت ركض فتحت الباب سندس بسيارة كوة تفوت تتلوة وعبدالله مخبوص محتار شيسوي ماما ع صوتهم طلعت بسرعه وهم بيت صهيب طلع هوة واخته جنان
راحت ماما وجنان ويه سندس بملابس مال بيت كلهم خطيه جنان وصت صهيب اخوها ياخذني لبيتهم ويه موج ورة مراحو اعتذرت وكتله ميصير شي علي وفتت شوي وجتي موج شكله اخوها كعدها تسحل فاتت وصهيب كال بس يصير شي موجود اني كاعد كدام عتبه البيت مالتهم اتشكرت منه وراح ميكدر يترك صهيب الزغير وحدة ونايم محاس ع شي ..فتت سديت الباب ذبيت الشال اشوف موج شامرة روحا ع قنفه ونايمه متدري دنيا تغرب لو تشرك ...
بقيت احوص ع اعصابي ورة نص ساعه اندك الباب حطيت الشال وصحت منو
سيف: اني سيف فتحي الباب
فتحت الباب وكتله
حنين : هاا سيف شكوو خوما صاير شي
سيف وبعيونه نعسه: خيررج حنين هسه اطلع افوت والله خالي عبدالله خبصني روح عالبنيه ميصير تبقه وحدهي ونوب صهيب وينه خوما جوة
حنين: شتحجي صهيب بيتهم بس خطيه مقصر كعدت اخته وخلاها تيجي يمي ...فووت
سيف بفزع؛ موووج اهنا
حنين بستغراب: خيررك ليش هالخبصه يي اهنا راح افتحلك باب ديوانيه لان موج بلهول نايمه وانته اخذ راحتك بديوانيه
سيف: صدك همه شبيهم طلعوو وعافوج
جنت امشي ورديت: مدري بس سوسه شكل بطنه موجعتها او حملها معرف شفتها تصرخ وتتلوة وماما وجنان ام صهيب راحو وياهه ...فوت اتفضل ..
فات سيف ورحت جبت بطانيه ومخدة انطيتهم اله ورجعت غطيت موج وعدلت نومتها واني احوص مرة بلهول مرة بلغرفه مرة بطرمه اخر شي فتحت تلفون وشفت رساله من مصطفى بس مرحت عليهه كبل دكيت ع ماما اشوف شخبارهم
حنين: الووو ماما طمنيني شصار
عبدالله: هااا حنين امج يم سندس جوة هيه وام صهيب نامو يمها وامج شكلهه انخبصت وواكع تلفون منها يم رجليه شفته ورديت
أنت تقرأ
واخبرهم إني فصليه
Romanceقصه مختلفه بكل معنى الكلمه عن قصص الفصليات لقريتوهه كثير من العيون التي فرحت بالحب ولكن ابكاها النصيب دخلوا واقروهه وصوتوا
