واخبرهم إني فصليه

الجزء الثاني،،،البارت الخامس

الأصدقاء هم الأوطان الصغيرة ، الوجه الثاني للحب ،
الحب الذي لا يتغير .💚

ابد تفاعل ميسووي واهس ع الاستمرار،،عدا ريم مو تزعلين هالكلام ميخصج ✨✌

عبدالله بعصبيه بس صوته ناصي شاف ماكو ماما

عبدالله : والله اتبرة منهم ومن اختي انعل ابو ساعت السودة لناسبناهم ...مي باارد انطووني ..وكعد..

كمزت اني بسرعه جبتله مي بارد وثلج وخليت سندس تضمدله وتنظف جروحه اني مدري شصارلي من شفت منظر دمه تذكرت ايان وبابا بس ذولي جمي ابالي  عفتهم زوج وزوجته حته افوت انام وقفني صوت

عبدالله: حنين اسفه ع هوووسه وانتي صرتي مو غريبه تعااي كعدي وسمعي شصاار ...

التفتت اباوع لسندس الي هم اشرتلي اكعد كعدت

سندس وهيه خلصت تنظيفوجه عبدالله: شصااار يا عيني وهيج وجهك صاير خريطه

عبدالله بنار وعصبيه: والله من انعل ساعت السودة الناسبناهم ست اسراء لسانهه زفر متبري منهه وزوجه بدوامه كفشت نسوان هيه وسلفتهه وجاي حماهه يفاككهه هيه ومرته والكَويه راد علي ومطوله لسانهه وحماهه انكَس منهه والله المفروض هيه ننطيهه لحماهه وله زوجهه ذهب مال الله

سندس: وهسه شصاار فضت ع خير

عبدالله: والله دافتهم شسالفه وفارس مو بيت اهلي طالع ومن احنه وجنه طالعين الحجيه مبطلت تلفونات من رجعتكم كلت اشوف شصاير سئلت سيف قبل ليرجع هوة وامه محجه كال ماكو شي اجيت اشوفهم ورحت للحجيه اشو توني فتت اندك بابهم طلعت اشوف منو طلع الشفيه حمه اسراء الكويه يغلط ويفشر طكك مراتي ضربته وهوة يضرب اجوي ناس فاككونه فهمت سالفه من نفسي تعرفين امي وتعز سراوي منطت بيهه عفتهم اذا فارس ارعن طالع يدور كونات واحلام وابنه طلعو مكملو سهرتهم ولحكو وديهدوو عفتهم واجيت اذا ابقه اشرب من دم هلكويه لطلعت عينهه امي بدلالهه يكول محد خلف غيرهه

سندس: اوووف ياسرااء ...المهم انته طول بالك وهيه تصفه تسبح لو تنام ...

عبدالله: لا مابيه سبحيش يمكن ابدل ملابس مكدر اريد انام ...وباوعلي وهسه عرفتي الفلم لتستغربين بلحظه احد من اهلي يجي ومشاكله تهل كبله ..اني شكد مكدر دامنعهم جيه محد طيح حظنه غير الكويه الام راس يابس هيه تطفش الجناين من البيت

كام وراح نام وسندس وراه ..بقيت كاعدة بمكاني بالله هاي هيج حياه سندس عذاب الظاهر لان عيالهه مبين مو خوش وخاصه عمتهه ام زوجهه ليش تعامل جناينهه هيج بالله يجوز يعيلن بس سندس لا فطيرة وفقيرة ..دافكر وصوته جفلني

سندس: ولووو يلصافن بيمن ..وكعدت يمي ع نفس دوشك

حنين: يمه جفلتيني جنت احلل بمخي اشياء،،،شو عفتي زوجج وجيتي