واخبرهم إني فصليه

الجزء الثاني،،،تكمله البارت التاسع عشر

‏نحن نتغير بعد ضربات القدر الموجعة ، نصبح  أقل كلاما و أقل شعورا و أكثر حذرا و تعقلا في التعامل مع الآخرين في الحياة😿💗🚶‍♂️

متااابعه لحسابي فدوات 😎💜
تصويت ابد ميعجب ليش تصوتون وتسحبو ..والله دتصدموني لانكم حيشه الزينين واليصوتون خذلتوني ..يعني يا القصه معجبتكم يا مستخسريهه توصل المراكز الاولى ..اتمنى مو بس تصوتون تشاركوهه عالفيس ،،انستا،،كل مواقع تواصل ،،مع ذكر الكاتبه،، 💛

حنين: داقرا بالرساله مكتوب
"لانه موخوش زلمه ..باعي حنين راح اضطر احجي قصتي بس علمود ارتاح كدام رب العالمين وانقذج ،،اكدر اخابر قصتي مو مال رساله،،،"

صفنت هوة اني عايزني ضيم يربي شهالورطه اعرف عبدالله رجل غامض وحسام من جاب مرته وتعرفنه عليها صادف بوكتهه مشكله عرفت بينهم سالفه او ثار وهالرساله اكدت بس والله كلبي مو حمل هبطات نوب ومعندي احد وين اولي وين انطي وجهي ونوب لازمني من ايدي توجعني سندس وهسه اختلف متزوجني ...اوووف رديت برساله واني كارهه دنيا وطالعه من عيني وبيأس

"سراوي لتعبين نفسج الفاس وكعت بالراس وتزوجت عبدالله ،،،"

رجعت دزتلي" اكدر اخابرج هسه"
داقرا ومحس غير عبدالله فات واني عيوني مغوشه مدري من البجي البجيته هالايام مدري منعسه ودنيا ليل شكد كرهت هالليله هاي اكثر ليله كرهتها من ورة ليله الاخذني بيهه ايان بالغصب حته من عفت مصطفى متوجعت مثل هالوجع شمرت تلفون ...لزمت سندس العبالك تحس بيا كلما ابوها يفوت تبجي اسكتهه بقيت عالجربايه لما اخر شي كال

عبدالله: انطينياهه عنج انومهه

مصدكت لان عيوني بلكوة مفتحتهه انطيتهياه وبس حطيت راسي على جربايه نمت احس عبالك كرين دايس على جسمي من التعب فزيت الصبح نايمه بالعرض يم جهه المخاد وسوسه بنص وعبدالله بطرف جربايه بينه سندس ومغطينه بلحاف فزيت مرعوبه فكرة انجمعنه بغرفه رعبتني كمت على كيف طلعت احس مخنوكه حيل لزمت تلفون اخابر على ماما ماكو مغلق رجعت اخابر على همام هم ماكو ضجت ...

تنويه/ الاحداث هسه بسنه ٢٠١٧ ..

ماكو اتصال منهم طبعا بهالفترة تحررت الانبار من داعش صحت خربت بنايات وبيوت بس تنظفت من داعش وبسنه ٢٠١٦ كامت نص الناس المتهجرة ترجع وبسنه الفين وسبعطش صار الوضع احسن بي نوع من الاستقرار فماما سافرت عن طريق البري عرعر ...بحافله وروحي ظلت تلوب ..فزيت على حركه من وراي ...

عبدالله نعسان ويفرك بعيونه: صباح الخير، ،

حنين بجمود: صباح الخير ..كمت افتر واكرر الاتصال

عبدالله: خيرج من الصبح الله شاد عليج موبايلات شكووو

حنين بتوتر: مدري اخابر على ماما مغلق على همام يتصل وميرد خفت بزايد