واخبرهم إني فصليه

15

حنين: جنت كاعدة احجي ويه جدة يازي وكتلها ما ارهم ل مصطفى وسولفنه ما احس غير خيال رفعت راسي من حظن الجدة اباوع مصطفى فوك روسنه ووجهه شبه ابتسامه باوع عليا بعيوني وكال

مصطفى: شوفي يبنت الناس دخلتي هذا ويأشر ع كلبه ومتطلعين منه اله ع موتي  وكلامج لحجيتي ميهمني ترا حجي ناس وع كولت ارمله لا انتي اول ولا اخر وحدة واني حبيت ورايدج بالحلال وع ايدج توبت سوالفي وبطلتها من اللحظه لترملتي بيها الله وكيلج يعني كلبتي كياني ييي صح نسيت هالايام اخطبج ودراستج تكمليها يمي وبحظني حجاها وغمز

الجدة: عجل نكول شايف خير ومستاهلهه

حنين: شكو جدة ....لا تخلين حفيدج يحلم احلام ورديه عفتهم ودامشي جرني من ايدي وكال

مصطفى: كلامي يوصلج ويتعداج هالاسبوع اخطبج ولغيري متصيرين فاهمه ولج احبج والعباس هيج تجازيني اني اعرف هالكَلب ابن الكلب ميكعد راحه اله يذلني بس شسوي ...وارجع واعيد تراني احبج وشاريج يبنت الناس ولترفضيني وتضيعيني لان بوكتها مااضمن شسوي اذي نفسي واذيج لان مااخليج تصيرين لغيري

حنين: اااخخخ وجعت ايدي ....افهم منك دتهدد

مصطفى: لفهمتي افهمي ..اللهم بلغت اللهم فاشهد ..عافني ووكف صافن بوجهي عفته يم جدة ورجعت للبيت لكيت الحبايب راجعات للبيت وميادة وعمتها راجعات لبيتهم وعمران وحسام رجعو وعمران كال اطبخو بيتي ليوم عيب من حسام وفعلا كمنه اني وماما ورفل للمطبخ ماما سوت المركه وشوت دجاج و و لفت دولمه لان حسام يحبها واني طبخت تمن ورفل كاعدة تسوي زلاطه ع الميز شوي واسمع عمران اجه كال عمه انتي وحنين حسام يريدكم  طلعنه وكتله متيجي ويانه كال لا اشوف مرتي وانتو اخذو راحتكم
رحنه اني وماما كعدنه بالاستقبال يم حسام

ماما: هاا ابني كول  شكو شصتير ..اهلك شونهم

حسام: عمه بخير ..بس امي تعبانه حيل وهم بتركيا طلعو واني مكدر ابقه اهنا اكثر لازم اسافر اشوف وضع امي

ماما: ييي ابني شكو بيها امك اوله راعيها الله يكومها بالسلامه كل هذا صار بسبب الهجرة لما يخافون من الله هجولونه

حسام : امين عمه الله ينتقم منهم

حنين: ييي شوكت تروح ..سلمنه عليها حيل الله عليك

حسام: هوة لماخرني انتو

امي واني: احنه ..شلووون

حسام: يي عمه انتو شلون اروح لتركيا وانتو اهنا هااا متفهموني وعمام حنين ماكو وخوالها كلمن شرد بنفسه وعائلته

حنين: صح طلعو بس معرفو ايان توفه وكل ظنهم يمنه ايان

حسام: لعد شد احجي همه ظنهم زلمه يمكم ومأمنين بس هسه يختلف الوضع لازم تروحون وياي نسافر لتركيا نستقر اهناك

امي: لا ابني لتشيل همنه روح لاهلك واطمن ع امك ..احنه منطلعع ماتو  عائلتي اهنا واذا مكتوبتنه موته اهنا منروح يم الغربه

حسام: شلون عمه متكوليلي مكدر اعوفكم اهنا عدا انتو اهل المرحومه ريم الي هيه زوجتي هم انتو وصيه ايان يا عمه فهميني شلون اخليكم

امي: وشلون نروح وياك يا ابني ونبقى اهناك بصفه شنو اهل مرتك ومرتك ماتت منريد تجينه سالفه عوفنه اهنا لما تفض ونرجع ديرتنه

حسام: شحد ليحجي عليكم يا عمه وراسي يشم الهوة اتوكلو وريحو كلبي وكلب ريم وتعالو وياي

حنين: حسام شتحجي اني راح اباشر اهنا اكمل دراسه شلون اروح لغير مكان ناس مختلفه لغه مختلفه وميصير وجودنه يم اهلك

حسام: عادي دراسه كملي اهناك واذا ع حجي اهلي اجر الكم بيت يمنه واظل اشوف طلباتكم

امي: لا ابني مقصرت رايتك بيضه بس منريد نصير حمل عليك ونزود مصاريفك النه الله وبعدين راتب عمك موجود وهم ايان خله مصرف يكفينه بلوكت الحالي  اطمن وايدي

حسام: عمه شتحجين انتو بحسبه اهلي من خذت بنتكم وع حجي الناس معليكم ...واذا ع اهلي همه من هسه ممقصرين همه وبتركيا تعال حته تتزوج امي تنك براسي واني لاغي الفكرة ورة المرحومه محد يحل بمكانها

امي: بس ميصير تظل العمر كله بدون زواج ميصير حته ريم تزعل عليك ووصتنه بيك ياابني

حسام: عمه اني جاي اقنعكم ترجعون وياي مو تقنعيني اتزوج انسي هذا الموضوع ....حنين شوكت تبلشين تداومين ...ليش منسافر وهناك اكمل اجراءاتج وكملي بتركيا

حنين: لا نبقه اهنا احسن وندري بيك متقصر واذا احتاجيناك نخابرك ونكلك بس اهنا لا الشيخ ولا ولدة مقصرين ولا نسوانه وعمران شايلنه بالصلوات وعبالك اخته الزغيرة يعني ناس ممقصرة ولغتهم نفس لغتنه لو رحنه لتركيا شنفهم متكلي

حسام : شلون لعد راح اطمن عليكم واحنه كلمن بديرة

اهنا فات عمران وهم اندك الباب واجه مصطفى فاتو كعدو ويانه

عمران: حياك حسام اليوم انته منور البصرة

حسام: منورة باهلها

امي: ابني حسام اتوكل وارجع لاهلك ومثل ما كتلك من نحتاجك نبلغك

عمران: ليش يريد يرجع

حسام: ييي والله امي مريضه واسافر لتركيا يمهم واجؤت اخذ عمتي وحنين جانت وصيه ريم وايان اهتم بيهم وشلون اهتم وكلمن بديرة

اهنا مصطفى اتدخل: لا لااا ..........

&&&&&&&&&&&&&&&&

تصوووويت ممكن

واليوم هم انزل بارت انتظروني