واخبرهم إني فصليه

الجزء الثاني،،،البارت الثامن

​
🍃️💖〰••
‏أحيَانْاً يَكونْ بِداخَلنَا حديث 
لاَ يْحَتاجُ إلىٌ أذنً تَسْمَعّه
بَل يَحتْاجُ إلىٌ ( قَلبً ) يَشْعُر بِه .❤
#مساء_الخير لكل القلوب الجميلة 🌿
╭─═┅┅┅═─╮
•l❤ بقلم سماح  💭I•    متابعه لحسابي ممكن ...
   ╰─═┅┅┅═─ 

اليكول نسينه احداث القصه اقرا البارت القبله ترجعلك ذاكرتك🍃 لان موبيدي تاخير وظروفنه خانكتنه مو بس جابرتنه ☹

حنين:ورة نسات سوسه (سندس) العجيبه بقينه مصفصفين محس غير شوي ودخل عبدالله اعصار وراة موج ريسن حطيت شال ع راسي وهوة حجه

عبدالله:  يعني هسه صدك جذب تتنسين ع هيج شي وين راهمه هاي

ماما واحلام حبو يلطفون جو المشاحنات

ماما: بمه المرة دام تتنسه ترة مو بيدها هاي فطرة من الله تكوم تشتهي اشياء مجانت لا تاكلها ولا تشربها

احلام: يي والله كم وحدة بوحدة اتنست نسات غريبه عجيبه ماانزل الله بها من سلطان لان مو بيدهن

عبدالله راص ع سنونه: وشنهاي النسات الاعجب من مرت اخوج وظيم الجكارة اني زلمه مشورب طول وعرض مشارب جكارة وهسه تالي وكتي اشربها لمرتي

جنان ام صهيب: يخويه طول بالك ترة مو بيدهه

احلام: ييي اكو نسات اغرب من جكارة اكو يشمن نفط لو بنزين لو صابون واكو يكرطون صابون لو يلحسون تراب ووو وغيرها الله وكيلك مو بيد الوحدة .

ظلو ناس تجر وناس ترفع الى ان استسلم عبدالله بالاخير بشرط بس جكارة وحدة ومتكملها ومو كدام عينه تشربها حته ميسحبها وتطلع طكعه بطفل ..

المهم جابو جكارة وطلعو وبقيت ع اساس اني المداري مالتها وعقلي جبير هيه تشرب بنت الاوادم لو ممتربيه وياها واعرفها لكول هاي من زمان تشرب والله شو اتحمست اجربها بس وين طفرت موج سدت الباب وعين ع سندس وعين عليا عبالك مشغلها عبدالله جاسوسه اخر شي متحملت طلبت من سندس اجربها لو نفس واحد وموج ايدت بسرعه بس سندس رفضت بلبدايه بس وراهه استسلمت لعيوني هههه وانطتني  اشو اول محطيت جكارة بحلكي ومعندي خبرة اطلع جكارة وافوتها وماكو دخان جان تخمطها مني موج وكامت تدخن احسن مني حميت شبون يدخنن واني معرف جان سندس تكولي
سندس لازمه جكارة تشرحلها: شوفي حبابه تحطين جكارة هيج بين اصبعج السبابه والوسطى تحكمين لزمتهن تحطين ع شفتج تسحبين نفس شهيق ومن تنطين زفير يطلع دخان جكارة

سحبتها منها وحطيتها ع حلكي واحس راح تحركني مدري لان خايفه المهم سويت الخطوات ويه طلعه دخان من حلكي تفوت احلام وراها سيف شلون ثنين وشلون منظر لزموني بي يبووووو من الفشله كامت موج تهفي توخر دخان وسندس سحبت جكارة من ايدي ع اساس هيه تدخن ام تتن وراويش