مصطفى: لا لا ممقبوله منك هاي ام حنين وبنتها لماشالتهم الكاع نشيلهم فوك روسنه ومنقصر منهم ابد وهمه بين اهلهم وناسهم ورفل محتاجه خالتها شلون تاخذهم وحته جوازات ممكمله وغمز لعمران لان جوازات مكمله بس مصطفى اخذهن وطلب من عمران ميكول لاحد حته ل رفل
ام حنين: ييي والله جوازات ماكو اخر شي ايان الله يرحمه راد يكملهن بس مصار نصيب
مصطفى: اني اكملهن الكم تدللون
امي: تسلم ابني متقصر
حنين عافتهم وكامت اتذكرت ايان وطلعت للمطبخ ودموعها مغوركه بعينها اول ما فاتت شطفت وجها بمي التفت لورة حته تحجي ويه رفل ملكت غير مصطفى وراها
مصطفى: ليش تبجين متفهميني
حنين: مبجيت بس غسلت وجهي لان صخنت
مصطفى: المفروض اصدك هذا الجذب اني مو جاهل تقشمرينه بجلمتين اتذكرتي ايان وبجيتي مو
حنين: استغر الله .... ليش متوخر عفيه لان مناقصني
مصطفى: يصير خير حنين وطوله لسانج اسويلها حد الله كريم بس من اشوفج تبجين ميصير خير والزم استاذ حسام انزل بي كتل فوات والله لتظلين كلما جابو طاري ميت تبجين دتتعذبيهم بكبورهم وتعذبيني بدموعج كدامي لتبجين
حنين: ههههفففففف شرايد مصطفى معليك بيا ولبراسك ميصير فهمت ورادت تطلع لزمها وعيونه تجدح حمر
مصطفى: والله لتصيرين الي واعلمج ..وبوكتها كوليلي ليش مرايدتني
طلع مصطفى من البيت كله صار الغدة اتغدينه بس اني اتغديت ويه رفل بلمطبخ خلصنه غسل مواعين اجت الشيخه والشيخ حجو شوي ورة ساعه ونص اترخص حسام رايد يروح كال لازم ابات بغداد حته مناك الصبح اطير لبغداد ومقبل يبقه بعد ما احنه رفضنه نروح وياه من طلع اشرلي بعيونه ولحكته ع صفحه حجه وياي
حسام: حنونه مرتاحه اهنا كولي لتستحين اني اخوج
حنين: ييي مرتاحه ومن تضيق دنيا بيا اكيد معندي غيرك
حسام: حنين ليش احسج ضايجه وتحجين هيج مجرد اسقاط واجب بس اكو شي
حنين: ماكو شي بس انقهرت ع امك
حسام: مدامج مراضيه تصارحيني اني اكولج
حنين: شتكول
حسام: شبي مصطفى وياج
حنين بخوف: شبي وياي
حسام: لتخليني انجن شبي وياج هوة لمضوجج كتلج انتي اختي الزغيرة ولمرضاه ع اختي مرضاه عليج كولي يلا ترا مبقالي وكت
حنين: حسام فدوة اذا اكولك اريدك تنصحني بس مو تدخل بسالفه لان لما اقتنع بي ميصير لو عله جثتي
أنت تقرأ
واخبرهم إني فصليه
Romanceقصه مختلفه بكل معنى الكلمه عن قصص الفصليات لقريتوهه كثير من العيون التي فرحت بالحب ولكن ابكاها النصيب دخلوا واقروهه وصوتوا
