واخبرهم إني فصليه

14

مصطفى: اجه عليج حسام زوج المرحومه اختج يريد يشوفج ويشوف امج

حنين: صدك والله

مصطفى: ليش هالفرحه ترا هوة هذا ارمل وانتي همات ويجوزلج اثكلي مو مثل قبل اني متفهم وضعج بس ميصير سلامات حارة وتنسين نفسج ماشي

حنين: شبيك بابا هذا اخويه مو بس زوج اختي دوخر خل اروح ..وطلعت وسمعت مصطفى يدردم ويكول معديها الج هينه ..

وصلا حنين شافت ود ورفل بلمطبخ كالو الهه زوج اختج بالديوان بس يمهم زلم ورة الغدة راح يشوفج بس امج شافته وسلمت علي قبل ليجون الزلم ويلتمون اهنا اجه مصطفى فات يمهم يحوص اخر شي تقرب من حنين واشر الهه بمعنى اطلعي وطلع قبلها شويه وكالت راح ادور تلفون مالتي وطلعت شافت الجدة وهم الجدة مقصرت صاحتها بغرفتها وحنين خجلت تكول الهه مصطفى صاحني فاتت وياهه وتفاجئت لكت مصطفى كاعد ع جربايه والجدة شكلها تعرف حنين كامت تبلع بريكها ...

الجدة يازي: بنتي شوفي هالصطيف شيريد يحجي وياج بس يحوص والله سودنتي وليدنه ريحي يا يمه

حنين اتصنعت اللامبالاه : امممممم اني شمسويه حته...

مصطفى قاطعها : مو كتلج لتكولين ال ممممم شلون بالله

حنين خجلت بس اتصنعت القوة: هاي شمرة لسان متعودة عليها من زمان مالك حق تتدخل

الجدة : يمه شبيكم شبيتو نفط ونار سمو بالرحمن وانته صطيف هلهله بنيتنه مو ريسن تمنعها شحجت حته تمنعها

حنين بعناد : لان كلت اممممممم بالله هاي سالفه ....
وكمزت ورة ظهر الجدة ورة ما شافت مصطفى اجاها وبقت خاتله وتحجي

حنين ورة ظهر الجدة: شوفي جدة شبي هذا شسويت هيه هاي يعامل ضيوفه بهالطريقه

الجدة: شجرالك صطيف شسوت متكلي جا هيه شنهي حته تيد تمد ايدك لو شنهي متفهمني لخاطر العباس

حنين بعناد اكثر: جدة لان كلت ......قاطعها مصطفى

مصطفى: دكوليها والله متطلعين سلامات ولمكان الي يلفظها اسوي بي عاهه ..

حنين خجلت وسكتت بس زادت لزمتها بالجدة والجدة فهمت

الجدة: ولك شجرالك تخزينه بسويلفاتك هاي مو من الساقطات لتعرفهن فهمت هاي متوصلها ومو منك الصوج مني لان لزمت عليها تجي وانته اهنا

حنين رادت تطلع لان عرفت مراح يسوي شي ورة هذا الكلام بس مصطفى حط ايدة كدامها ووكفها وكال

مصطفى: خير جدة شكو حنين وين وسوالفج وين ليش هالدرجه خسيس اني تكوليلي حنين مو من الساقطات الي اعرفهن ترا ادري والكعبه بس الي ردت اكوله اني احب حنين وباوع ل حنين وكال يي احببج اعشكج والعباس سودنتيني من اول مرة شفتج وحاولت انسه لان متزوجه بس شكل ربنه محب يكسر خاطري وحسيت رجعتي الي هسه واريدها الي حليله ع سنه الله ورسوله ترا راح اتسودن توج طلعتي العدة والخطابه هلت شنهي ااني اكولج انتي الي ومتصيرين لغيري وكدام هاي الحجيه الطيبه جهزي روحج هالايام خاطبيج الي ورجع التفت للجدة وكال مشكورة جدة جماله اني اعز حفيد الج وهيج تنطين بيا وشايفتني بهيج نظرة خلا وطلع وهوة اعصاب ورة الغدة حنين رادت تساعد ود بغسل المواعين بس عمران اجه وكال حنين تعاي نرجع للبيت لان حسام رايد يحجي وياج وويه امج هزت حنين براسها وطلعت شافت رفل كالت يلا تعاي بس رفل كالت لا ابقه اهنا
طلعت وصلت لباب لكيت عمران وحسام وشكلهم حيطلعون ودنيا ورة العصر طبعا سلمت