واخبرهم إني فصليه

الجزء الثاني،،،البارت التاسع عشر

‏وإن كنت تقرأ ، فـ أنت جدًا أوجعتني😥

بطلب من زوج البطله اختصر هالفترة فراح اختصرها على قسمين من بارت ١٩ هذا القسم الاول ..قراءة ممتعه ...

شلووني بالمفاجئات،،الكاتبه سماح💜

ماما صدمتني بردها

ماما: اني جبته لان اريد اروح عمرة وعرفت من خالتج همام هم ناوي يروح خابرته ...بقيت فاتحه عيوني على وسعهن ...كملت ..ييي لتباوعيلي هيج ابوج صار ٣ تيام اشوفه بالحلم وريم اختج لابسه حجاب صلاه وتكول عمرة عمرة ..وقررت بعد

عبدالله بضوجه: زين والمعامله منو سواهه الاعرفه انتي تطلعين بس للسوك وبس

ماما: لا كلفت بيهه صهيب ابن جيرانه والله يشهد ولد والنعم منه مقصر وصديقه عرف ومطول سبوع وجاب كل معاملاتي يعني ٣ تيام واسافر

حنين: بقهر : شلوووون واني منو الي وهاي ..جنت اشر عالطفله

ماما : بنتي منتأخر والله اعتمر وارجع وعود اوصي جنان واحلام ام سيف يوميه وحدة تبات يمج ..

حنين بقهر: هاهيه ماما انتي مقررة بعد ..واني اخر اهتماماتج لتشوفي سووي ..عفت سندس يم ابوها وعفت الكعدة وفتت للغرفه انهاريت من البجي شبيهه ماما يعني علمود حلم هيج تسوي اووووف ....

ربع ساعه ودخلت ماما ريسن خذتني بحظنها واني طكيت من البجي كمت اناشغ

ماما بتعب: بنتي خليني ابري ذمتي كدام ربي اهلج بعازت هاي العمرة يامي ...

حنين حظنتها: ماما والله كلبي خلصان وناازغني شسووي هااا ...تعبت ليش هيج اخرب هيج عيشه

ماما: استغفري ربج امي شلون هالحجي ....

عفتها واتغطيت كل جسمي حته راسي احسه راح ينفجر باي لحظه ....
عدت يومين عالصار ..همام بقه يمنه ...عبدالله اسلوبه شوي تحسن مصار حشري ثاني يوم مداومت بس اليوم داومت واني وراجعه شفت موج توها طلعت من بيتنه والوجهه معفوس سلمت وراحت بدون نفس الغريبه سيف فات وياي اليوم للبيت فتنه لكَينه ماما وهمام كاعدين وهمام يهز لسندس بكاروكهه

حنين وسيف: السلام عليكم...فتنه كعدنه

ماما وهمام: وعليكم السلام

ماما: شون يومج اليوم

حنين: ماشي ماكو جديد

ماما: لا اكوو جديد وراح يعجبج

حنين بستغراب: شكووو والله ماكو نوب شي يعجبني من ورة روحتج للعمرة ...

ماما: اكوو وعيونج

همام: خاله طكيهه للسالفه مو غبايه

ماما: عبدالله اليوم جاب اهله وطلب ايدج شتكولين