واخبرهم إني فصليه

5

اجرح بالعتب ما اجرح بسيف لأن جرح العتب محد يضمدة😥😔
____________________

ام حنين: يمه احنه كاعدين بالبيت وصارت طكه بالكهرباء وبوكتهه ريم وزوجهه اجونه يتعللون ريم دتسوي بلعشه وحسام زوجهه طلع ويه صاحبهه واخوج عمر وابوج جانو بالديوانيه عمر اتفق ويه مهند يطلعون ورة العشه ووياهم حسام وابوج جان يريد يقدم ع تقاعد يحجي ويه صاحبه اندك الباب جانت وحدة تدور صدقه هذا الحجي بسبعه ونص بليل طلعت ويه طلعتي سمعت الطكه جنت برة يم المريه باوعت اشوف بيتنه انكلب نار ودخان احترك بسبب التماس كهربائي والبردات نايلون بسرعه اخذت واحتركت وصار الحريق لمن لحكونه ناس جانو ابوج واخوج ميتين منظرهم مشوهه وريم تتنفس بس مشوهه لحكناهه للمستشفى بس الله مكاتب تعيش وهسه مبقيتيلي غير انتي لتعبيني يمه وتحركين كليبي لان البجي ميرجعهم

حنين: زين ماما ليش مخابرتو عليا بليل اشوفهم قبل لتدفنوهم  جنت احجي وابجي وبهاي اللحظه سحبني ايان لحظنه
امي: يمه خابرنه ع ايان وكلناله بس هوة كال الصبح اجيبهه وعمج ابو احمد هم كال لتكولولهه هسه خلوهه الصبح ...

حنين: حيل فولت وضجت من ايان بهاي اللحظه ماله الحق يمنعني اشوف اهلي واودعهم مو كافي من اخذوني اله فصليه جنت مذلوله ونظرة انكسار بابا وعمر مفاركت عيوني .. شسوي ب ايان يمكن بهاللحظه لو اموته مشفي غليلي سحبت نفسي من حظنه وكمت اصيح وابجي اني اكرهك منعتني من اهلي فوك ما كسروني اهلك ليش هيج سويت استخسرت عليا وداع اهلي روح الله اكبر عليك مثل ما حركت كلبي شسويتلك اني لخاطر الله... كامو يهدون بيا ماما وحسام وكمت رحت انتظر حسام يسوي اجراءات الخروج والوفاه وايان بس يباوعلي بنظرة اسف وغضب ضجت منه حيل بعد موقفه هذا .......ورة ما طلعنه من المستشفى رحنه لبيت عمو هاني ابو احمد لان بيت اهلي محروك وهم صارت الفاتحه اهناك حسام مقبل يسوي فاتحه ريم ويه اهلي بيت عمو كال اني زوجهه واولى اسويلهه فاتحه عزيته اني وامي كلناله منكدر نيجي عليكم واهله جانو يمنه من اول يوم بس ورة ما عرفو ريم توفت التهو بالفاتحه لمسويهه رجعت لبيت عمو هاني طبعا بابا اسمه جابر الاخ الثاني لجدو بعد عمو هاني وراه عمو ناذر وكلهم متزوجين وعدهم ولد وبنات عمو هاني ولدين وتلث بنات احمد ومهند ونور كلش زينه وياي ورقيه وريم ع اسم جدة بابا عمو هاني وبابا كلمن سمى بنته ريم نور ورقيه زينات وياي ومزوجات اصلا ريم بعدهي ممزوجه ولد عمو هاني بعدهم ممزوجين وعمو ناذر ولد وبنيه سادس ابتدائي الولد والبنيه ثالث متوسط  وعماتي هناء ام ايان الكل يضوج منهه و عمتي زهرة وعمتي وفاء وكلمن عدها بنات واولاد وخبصه بالفاتحه صارت شلع قلع اول ما فتت لبيت عمو واني ابجي حظني جدو يواسيني واني منهارة اكوله ليش هيج يصير بيا تركت مستقبلي ورحت فصليه ورضيت بس اهلي افقدهم صعبه متحمل بعد يا جدو اني تعبت والله لزمني عمو هاني حظني ودخلني جوة فتت شفت جديتي حظنتني وكمنه نبجي من البجي اغمه عليا ورة مدة كعدت لكيت الدنيا عصر وامي دتصلي ونور وعمتي وفاء بلغرفه يمي وايان حاط ايدة ع راسي يفرك بي لان يوجعني فزيت وارجع ابجي واشاهك جتي ماما حظنتني وتبجي تسكت بيا بس دموعهه دينزلن كام ايان حظني اني وماما وسكتنه وطلع مشفته من العصر لمن طلع مماكله شي واحس حلكي تيبس نشف ضغطو عليا البنات اكل شربت بس جاي ومر امي تحجي عليا كتلهه خل اتحمل مرارة دنيا شدتسوي بيا ليش هيج...النسوان مخبوصات وامي تصلي ولازمه سبحتهه فاتت عمتي هناء ام ايان علينا ع الغرفه عزت والشماته بعيونها كالت وتباوع ع ماما شفتي شلون من تخسرين ابنج شفتي شلون ابنج حرك كلبي وموت ابني ذوكَي من قهري يا زينب (ام حنين اسمهه زينب) كمت عطت بعمتي كتلهه متخافين الله انتي بيا حال حته تشمتين هااا ريتج مجايه لان ملينه منج ومن ظلمج رادت تظربني امي منعتهه طلعت عمتي وشياطين دنيا براسهه ورة المغرب انفتح باب الغرفه جنت مغمضه وابجي بحركه اسمع صوت مو غريب عليا بس عيوني من البجي حركتني كعدت واني مغمضه عرفتهه سندس صديقتي فاتت تبجي وحظنتني بجينه سوة اجتي ويه امهه زوجها جابه وبقى زوجها يم الزلم  ام سندس تواسي بامي وسندس حاظنتني كتلهه شفتي شصار ليش هيج ياربي شسووويت 😭 تهدي بيا كتلهه مو تتركيني مثل ريم مبقالي بس انتي وماما الله يخليج لتتركيني وحدة حظنت لخ ونبجي بقينه ساعه يهدون ويواسون امهاتنه بينه ورة ساعه راحت سندس صار العشه متعشيت جبرني جدو وماما اكل كلت شويه لخاطرهم وناس طب وناس تطلع اخر شي كمت توضيت وصليت الصلاوات كلهن قضه وظليت ادعي وابجي بدون صوت لان صارت ب2 بليل الناس نايمه خطيه تعبو بتت يم بيت عمو هاني اني وع المصلايه حظني واحد باوعت هذا ايان بس عيونه حمر وتعبان حيل عبالي لان جان ويه الزلم بالفاتحه بس فاجئني كعدني بحظنه ويمسح دموعي وكال باجر نروح نرجع رفضت كتله تخلص التلث ايام والله كريم مكدر اترك ماما كال بس ٣ ايام ونرجع حيل ضجت فوك قهري ارجع لامه تلعب طوبه بيا باسني براسي وراح ينام ع جربايه يعباله راح انام ع جربايه ورة شويه شفته نايم بقيت ع المصلايه ادعي بالمغفرة لاهلي وبصلاح حالي ويه عمتي وميتغير عليا ايان مبقالي غيرة 😥 برغم هوة زوجي وغصب عني تزوجنه الا انو محبه شكد ما هوة زين بس الحب من الله مااحبه يمكن لان سمع كلام امه ونزع عذريتي بطريقه همجيه وكسر راسي ع كَوله امه بقيت ادعي لما خذتني نومه ع المصلايه المهم عدت ٣ ايام مال فاتحه  وايان كال نرجع للبيت عمتي وفاء كالت بقيهه اهنا ترتاح احسن من ماتبقه يم امك مسمع الهم اخذني وطلع وكال لماما جهزي نفسج راجعلج استغربت ليش يرجع حته امه تذل امي همات وصلنه لبيت اهله وتلكتني عمتي بلسان طويل و و و و فشرت مقصرت من سممت بدني عاط بيهه ايان وكال لهنا وكافي كومي حنين جيبي ملابسج وملابسي باوعتله😳 جان يكول يلاا ع سريع كمت حضرتهن ود انزل اجه اخذ الجنط من عندي امه وكفته وين رايحين بنت زينب سحرتلك خذتك مني و و و كلام هوايه سمنتني بكلامهه كال الهه طالع اني ومرتي بيت وحدنه لا سحرتلي ولا شي بس مليت منج ومن اهاناتج الهه كم دوب نتحمل مو هيه لكتلت ابنج اخوهه وهسه اخوهه لحك ابنج كافي عاد والله ميصير طلعنه وهيه بعدهي تدردم شافنه ابوه كال وين مولين كال طالعين بيت وحدنه كال ايان اذا طلعت لا انته ابني واتبرة منك ليوم الدين بقه صافن ايان اني حيل خفت شديصير ياربي جان ماحس غير ايان جر ايدي زكال مدامك يابه متبري مني لتبجون بيوم ليجيكم خبري ولتفرحون بيوم ليصيرلي ولد وطلع وعافهم اني طول الطريق مستربه بس ما سألت لان متعصب هذا الكلام بشهر ثاني سنه2014 جان الوضع مو زين  رحت للبيت مالتنه بعيد عن اهله يم الدينه قريب ع بيتنه لحترك فتنه باس راسي كال نورتي البيت اني بس صافنه معقوله هذا ايان حظني ويحجي ادري مسويتلج عرس مثل البنات ولا ذهب بس ان شاء الله اكدر اعوضج بالاحسن ومن هاللحظه اني الج كلشي اب اخ زوج كلشي وامج امي راح اروح اجيبهه تعيش ويانه مو راهمه تبقه بيت خالو هاني وراح تلزم عدة فرحت من كال يجيب ماما يمي افتريت غرفتين وجايب غرفه نوم حلوة ومجهز غرفه ماما كاتبلهه بالباب نورتي بيت بنتج غرفه ماما مرتبه وغراضهه بسيطه الصاله جبيرة حاط بيهه تخم وتلفزيون بلازما بس المطبخ كونتر تركي وطباخ مرتب وزغير اثاث حلو ووبسيط وديوانيه الهه بابين واحد مفتوح ع صاله لان ماكو هول وثاني اول من فوت من الباب الرئيسي حطيت الملابس كلشي بمكانه ومسحت البيت سمعت صوت سيارة عرفتهم وصلو اجه ايان وامي ونور وياهم وعمتي وفاء واحمد ابن عمو باركولنه ع البيتومدحو بايان مقصر ويانه وكتلهم ع اهله اتبرو منهه ضاجو وكالو الله يهديهم راح ايان جاب غدة جاهز سويت جاي وهوة متسوك بالثلاجه فتحتهه سويت زلايط اجه ايان حطينه الغدة وخلصنه سويت الجاي بس عيوني منشفت دمع ع اهلي لراحو جان تطول عمتي وفاء لازم من باجر تبلش ام عمر تاخذ عدة بس ايان مسموح يشوفهه حته احمد ميجوز لان تخرب عدتهه ورة ساعه ترخصو مقبلو ايان يوصلهم كالوله تعبت ارتاح انته واحمد اخذهم وراحو فاتت امي لغرفته ردت اروح شفت ايان يباوع للسكف وضايج مدري ليش كسر كلبي بس ما حبيته رحت يمه لزمت ايدة كتله شبيك  رفعني حطني بحظنه وحط راسه بركبتي حسيته ديبجي دموعه نزلن ع ركبتي  عرفته علمود اهله رفعت راسه مسحت دموعه كتله والله مو بنت ابوي اذا اخليك تعيش هالعذاب منسه وكفاتك وع اهلك روح خلهم يسامحوك واني وياك واذا رادو نعيش وياهم نعيش واتحملهم لخاطرك بس لا تبجي ضحك ومسح دموعي لان جنت هم ابجي وكال اذوني بيج هوايه ومسمعو مني وتبرو هاهيه الله يهديهم شنو عاجبج حظني خل نكوم نشوف ماما باوعتله يا ماما قصدك خفت لا نرجع لاهله كال امج امي وراح اسميهه امي فتنه لغرفه ماما شفته تسبح ودموعهه يصبن حظنتهه وهديتهه وحجه ويانه ايان درس ديني نترحملهم ميجوز البجي و و وو و..دوخنه والله  بس لصراحه سكتنه بادب عدة شهر و٣ تيام ع وفاه اهلي بيوم دنسوي اكل ونوزعه ع روح اهلي وتفاجأتب ايان وياه نور و سندس يي صديقتي ورويحتي سندوسه وامهه كمت اصيح من الفرحه عااا نور كلتلي وجع شبيج سندس كلتلهه ليوجعج عوفيهه حظنتني ١فد فرحت من كل كلبي لان جنت بعازة احد اشكيله بس مو ماما مريد ازود جراحهه لان موبايلي هملته مدري ليش من ساعه وفاه اهلي تونسنه بذاك اليوم للعصر راحو من فرحتي بست ايان بخدة هوة شكد فرح عدت الايام بس الاسود لابسي والدموع تنزل بليل ومن يطلع ايان يشتغل عماله ..بيوم اجونه عمامي وجدو وهوستهم وبقو يمنه لليل ورة شهرين ماما صاحتلي حجت وياي شلون علاقتي بايان يعني منطيته حقوقه الزوجيه و و و و ظلت تكرك براسي عرفت ايان شاكيلهه ظلت تحجي ساعتين وع مواقفه وعاف اهله علمودي و و كتلههمكدر اهلي تو متوفين نوب لتصدكين عروس من صدك مو اخذوني غصب مكدر احبه بروح ابويه احترمه واعزة بس مكدر احبه كالتلي تعاي ع نفسج شويه فرحي بطفل ينسه هم اهلهوهم صدج ونفورج منه و و خفت اني مريد يصيرلي طفل بهالاوضاع مطمن ناس دتنزح يا طفل امي لتحجين علي ....وظلت الايام هيج ورة مدة ايان اجه متعصب واخذني غصب كحق زوجي ورة اسبوع عاد نفس الموقف جنت ابجي خلال هيج لجظات والله ورة شهرين ونص سمعنه منطقه عمتي ام ايان نزحو بسبب الوضع عالجنه للطبيب ليش منخلف اني مرايدة بس ايان وماما يريدون كالت سوو تحاليل سوينه وماما اتصلت رجعنه قبل النتيجه وثاني يوم ايان جايب نتيجه وكال عندي خبرين مهمات حيل اني وماما باستغراب كول شكو شصاير ........

____________________ للقصه بقيه

تصوووووووووووووووووويت يا حلووووين

#بقلم_ سماح