واخبرهم إني فصليه

22

وإن كان للمشتاقين اجرااا ،،،فأنا سأدخل الجنه من جميع ابوابها،،،✨🕋
***********************

راحو الزلم بعد مخابرهم ابو صكَر وانجمعو وطلع شرط صكَر حته يفك النهوة لانه عرف هيه تحبه ل فرقد وتعصب بس بقو يحجون وياه ف كان شرطه

ابو صكَر: والله يشيخ ابو ياسر ابني اله شرط وانه فشلان منك

الشيخ قحطان: عين خير ان شاء الله وما بدر منك غير كل خير كول باللي ردتنه بي

صكر: انه شرطي افك النهوة راس براس جا ابنكم يتزوج بنت عمي وانه شنهي اله راس براس افك نهوة

الكل: شنووو

الشيخ قحطان: بس بناتي متزوجات شلون يا بويه

صكر: كلت لعندي ...كام وترخص وعافهم

فرقد: لله هذ ماهو بصحاحي ..يازمن عايش لخاطر العباس

مثنى: والله حجينه ويا بس بالف ياعلي قبل بس كال اله بهذا الشرط ..ويا شيخ مو اله بنتك من عشيرتكم تدور تلكه

ياسر: هذ هوة مثل مكال د.مثنى نلكه انطونه مهله كم يوم ونخبركم

ابو صكر: والله يشيخ اني فشلان منك بس ابني هم اريد افرح بي وبلكي ينصلح ع الزواج

ابو ميار: شيخ قحطان عين خير وبنتي لك ان شاء الله متروح لغير ابنك

الشيخ قحطان: مامنكم قصور انه اشهد كفيتو ووفيتو ..نترخص احنه.......ظلو يسولفون وبعدين طلعو بس فرقد ومصطفى وعمران محتركه اعصابهم شلون مرة بمرة

رجعو للبيت وهم اعصاب سألوهم النسوان وكالو الزلم شرط صكر وبقو يفكرون طبعا جان اعمام فرقد ولد عمه رايحين وياهم كلمن رجع لبيته عدة ليوم مبي احداث بس يفكرون منو حتصير الهم مرة 🤔🤔

ثاني يوم كاعدين بعد بعد مرور ٥ ايام ع عطلتي رفل ودتها ماما وعمران وام ياسر للطبيب يشوفون صحتها وصحت طفلها ،،، ورجعو والحمدلله تمام هسه هيه بنص سابع بعد عشرة ايام تدخل ثامن الحمدلله اتطمنه عليها رادت تروح زيارة لكربلاء بس ماما وعمران مقبلو تروح بقت لما تجيب وتروح ...نفس ليوم بليل كاعدة كلنه

الجدة: يمه احد يخابر ع حلومه (حليمه بنت شيخ قحطان عايشه برة العراق عدها ولدين وبنيه وزوجها موظف) اريد اشوفها جايه ع بالي هالايام

عمران: شذكرج جدة هاي مجايتنه صار ٥ سنوات وحته متخابر ،،خابرناها وهيه كطعت بينا

ام ياسر: ميخالف يمه تبقه اختك واعذرها ملتهيه بيتها

ياسر: والله كلنه ملتهين بس هيه الله يسلمها تحب تكطع

ود: كلمن وظروفه اكيد هسه مشتاكتلكم

الشيخ : ولدي يصطيف خابر خيتك وكولها جدتي واهلنه متانين جيتج

مصطفى: تم شيخ ...